تويت
رغم الفراق ورغم طول المسافات
تبقا المحبه بين قلبك وبيني
الحب حي ولا غفا عنك لحظات
وباقي غرامك وسط قلبي وعيني
ياصاحبي ليه الأماني بعيدات
وليه الشقا يضحك وتبكي سنيني
وليه الفرح محسوب من ضمن الأموات
وليه الليالي ماتجاوب ونيني
وليه الشعر يكبر مع الليل بالذات
وليه الفراق يبعثر الشوق فيني
وأنا اللي أحسبك براحة يديني
ناديت واحساسي من اللهفه شتات
فرقاك ضيعني وضيع حنيني
لكن تأكد مالحبي طموحات
مادام ذكرى شوفتك تحتويني !
يعني نهاياتك بقلبي بدايات
لوتبتعد نبض الغلا يبتديني
أحبك وحبك معي للنهايات
ولازاد عنك إلا غلا والديني
لو غبت يبقا طيفك بكل الأوقات
ومن يوم رحت وضيقتي تحتريني
غبت وتركت القلب ينزف ولا مات !
عنده أمل ترجع ،، وقلبك يجيني
جرحتني بسكات وأقفيت بسكات
ماكنك اللي للزمن مشتريني
الصبر كله فات والحب مافات
والحلم ضايع والعوض في سنيني
والدمع لامنه نزل لك بالذات
خساره لقلبي ولاهي لعيني !
وياصاحبي والحب من ضمن الأموات
الحق عليه إن كان قلبك يبيني
منقــوول
تقـــبلوا خالـــــص احترامـــــــــــــــي
تحــــــــــــــــــ ღ دلــــــــــــــــــع ღ ـــــــــــــــــــياتي
تعليق