أنتــــ بتســـافر((المري))

[كويـتي][F.B.I][]

انـت ياللـي ماخـذٍ قلبـي معـك حجـة وداعـه
تدري انك ماكسبت الأجـر فـي النفـس الحزينـه

شفني مـن العـام خليتـه معـك سمـعٍ وطاعـه
وانـت لارديـت لـي قلبـي وانـا ماقلـت وينـه

شف بعينك واعطنـي قلبـي لعـل ارتـاح ساعـه
ساعةٍ تـروي ضمـى العطشـان وتخفـف حنينـه

ساعةٍ يفرح بهـا المحـرورم يـوم الوقـت لاعـه
لحظةٍ تسـوى علـى المشتـاق مثـل اول سنينـه

افتح ابـواب الوصـل وحـذف مفاتيـح القطاعـه
واقض ديانـك بـدون اربـاح لوهـو ربـع دينـه

مرحباً في ذمتـي لاجيـت مـن عقـب انقطاعـه
تذرف ادموع الفرح وتقـول شيـن البعـد شينـه

قلت لك هـذي طبـوع الوقـت تفريـق الجماعـه
لاكن الجمعـى بعـد طـول العمـر فرصـه ثمينـه

قلت لي كنت احسب ان عندي على الصبر الستطاعه
واثرني ضايـع ولاكبـدي علـى الفرقـاء فتينـه

قلت لك طبـع الصبـر يعتـاش والفرقـاء متاعـه
عادته يخلـف اضنـون الرجـل كـون الله يعينـه

الصبر مـن غيـر مانرضـاه يااااصعـب ابتلاعـه
يقهـر الـرجـال ولا يظـهـر الدمـعـه بعيـنـه

من يقول الصبـر مفتـاح الفـرج ماقلـت اشاعـه
غير انـا قدلـي سنـه ماشفـت منـه الا غبينـه

المهـم بـاب الحـزن صكـه بمفتـاح القنـاعـه
خـل ذكـراه الحزينـه فـي ساعدتـنـا رهيـنـه

انتهـا وقـت الحـزن والبعـد قضبنـا شـراعـه
وابتـدا وقـت السعـاده تنشـر اشراعـه يمينـه

تدري ان بعدك حريـق القلـب واخـاف اندلاعـه
خايـفٍ نـار الحـزن تشتـب وتشيـع المديـنـه

وتدري ان فرقـاك ليـلٍ مظلـم وقربـك شعاعـه
وتدري ان قربك يعيـن القلـب وان بعـدك يهينـه

وتـدري ان قولـة فمـان الله مافيهـا شفـاعـه
وتدري ان قوله صبـاح الخيـر تغشاهـا السكينـه

ياصبـاح الخيـر ياوجـه السعـد عبـر الأذاعـه
نور وجهك طولـةٍ فـي العمـر لاشعشـع جبينـه

شوفتـك تجلـى همـوم القلـب وتزيـد اندفاعـه
للغلـى وتـداوي جــروح المعالـيـق الدفيـنـه

ادري ان بعـدك ماهـو بيـدك ولاقصـدك لكاعـه
وان طلع مافـي يـدك حيلـه فخلـك وش بدينـه

انت بتسافر ؟ فماااان الله خذ قلبي وداعه
غير لاتبطي ترا الأنوار طفيت في المدينه



صـــــالـــــح آل مـــانــــعــــه الـــــمــــــري

[كويتي قديم]

صح اللسانك ولسان صالح...

صالح شاعر جميل في معانيه ومبادئة ايضا...له قصيدة عجبتني الي مطلعها " الضيقة الي مالها حزه ولا منها مصد..اخاف ساعات العصير المقبله تاتيبها"

الله لا يهينك يا الذيب على نقل هذا الابداع ...

عجبني البيت

الصبر مـن غيـر مانرضـاه يااااصعـب ابتلاعـه
يقهـر الـرجـال ولا يظـهـر الدمـعـه بعيـنـه

الله لا يهينك يا مزيد ويبيض الله وجهك

[صاحي لهم]

الله الله ..

أبيات رائعه ..

صالح شاعر مبدع مشالله عليه

مزيد .. صح الله لسانك ولسان صالح ..

ولا هنت على نقل هذه الرائعه ..

تقبل مروري وأرق تحياتي

:)

[العميل السري07]

الصبر مـن غيـر مانرضـاه يااااصعـب ابتلاعـه
يقهـر الـرجـال ولا يظـهـر الدمـعـه بعيـنـه

من يقول الصبـر مفتـاح الفـرج ماقلـت اشاعـه
غير انـا قدلـي سنـه ماشفـت منـه الا غبينـه

المهـم بـاب الحـزن صكـه بمفتـاح القنـاعـه
خـل ذكـراه الحزينـه فـي ساعدتـنـا رهيـنـه
......
صح لسان صالح وتسلم يمناك يا مزيد
على ذا النقل المميز
قصيده جميله وتحتوي على معاني رائعه
وانا اجيز القصيده
:)