تويت
اسعد الله اوقاتكم بكل خير ..
هذه المشاركه لشاعر جميل جدا .. واسم بارز وقوي على الساحه الشعبيه
واسم ينتظر منه الابداع والتميز في مسابقة شاعر المليون .
الشاعر / مدغم بو شيبه السبيعي
وقصيده المشهوره : ماهيب من قوم ابو دقة وتسكيره
اترككم مع القصيده متمنيا ان تحوز على رضاكم واعجابكم .
رجم الهوى اللي لعـن كوثـر جماهيـره
عز الله أنّـه مايستاهـل تعـب ساقـي
أتعبتهـا فـي مراقـيـه ومشـاويـره
ذي جرتي نازل .. وذي جرتـي راقـي
لبيه يا (ساره) .. ولبيـه يـا (منيـره)
في مهبل الناس مدري ويش أنا لاقـي
صدر الشمالي عليهـن فـك أزاريـره
اللي مـن آدم وحـوّا مابعـد ضاقـي
جن المدينه علـى غفلـه مـن الديـره
وتورّطـن بالرومنسيّـه والأشـواقـي
مايكتبـنّ أساميـهـن بالطباشـيـره
بيعلمنّك عـن الموضـه والأذواقـي
وجيههـن طالعـات مـن الكوافيـره
من كثر الألوان كنْها (سبحـة عراقـي)
مافيـه داعـي أجاملهـن بتكشـيـره
وأقول مشتاق .. لو مانيـب مشتاقـي
ماهن بكفو السهر .. والحزن .. والغيره
ودموعي .. وشعري الموزون .. وأوراقي
(كرت أحمر) و (باب طيّاره) و (تسفيره)
في (قلعة الوادرين) و (بألـف طقّاقـي)
الهنـدي و وايتـه والعـود وبعيـره
هذا مـدوّر ذهيـب وذاك سوّاقـي
لو ما أنصفتني سنيـن العمـر الآخيـره
ماطبّقت عيني أحداقي علـى أحداقـي
قفلت سيرة علاقات .. وبـدت سيـره
اللي عليهـا الكـلام وهقـوة الهاقـي
أبرك ضيوف الهوى وأغلى مساييـره
ريحانةٍ تقطـف اللهفـه مـن أعماقـي
ماهيب من قوم : (ابو دقّه وتسكيـره)
من قوم : (لاحاسبت ماتاخـذ الباقـي)
لهـا علـى الزيـن تهليلـه وتكبيـره
أنعم من الورده اللـي فـأوّل الساقـي
مهيب أميـره لكنْهـا جنـب الآميـره
ذات الحسب والنسب والمستوى الراقـي
من (أغنياء الرياض) ومـن (هواميـره)
شركات أبوها بضايعها فالأسواقـي
يومي لهـا الغصـن وتغنّـي عصافيـره
والأمـر ينقـاد لرضاهـا وينسـاقـي
غيداءٍ سهم عينهـا مـن قـوّ تأثيـره
مخسرٍ سوق الأسهـم عنـد الإغلاقـي
البدي والهيكـل اللـي ماتبـي غيـره
(أصطب) و (أستبنتين) و (قير علاقي)
مازيّـن أخلاقـي الطـب بعقاقـيـره
لـولا عقاقيرهـا مازانـت أخـلاقـي
من قبلها الحظ مـن جفـره لدحديـره
لين أوعـزت للزمـان وحـرر وثاقـي
وأعتضت عن قوم : (ابو دقّه وتسكيره)
باللي : (ليا حاسبت ماتاخـذ الباقـي)
تمت لشاعرها .
هذه المشاركه لشاعر جميل جدا .. واسم بارز وقوي على الساحه الشعبيه
واسم ينتظر منه الابداع والتميز في مسابقة شاعر المليون .
الشاعر / مدغم بو شيبه السبيعي
وقصيده المشهوره : ماهيب من قوم ابو دقة وتسكيره
اترككم مع القصيده متمنيا ان تحوز على رضاكم واعجابكم .
رجم الهوى اللي لعـن كوثـر جماهيـره
عز الله أنّـه مايستاهـل تعـب ساقـي
أتعبتهـا فـي مراقـيـه ومشـاويـره
ذي جرتي نازل .. وذي جرتـي راقـي
لبيه يا (ساره) .. ولبيـه يـا (منيـره)
في مهبل الناس مدري ويش أنا لاقـي
صدر الشمالي عليهـن فـك أزاريـره
اللي مـن آدم وحـوّا مابعـد ضاقـي
جن المدينه علـى غفلـه مـن الديـره
وتورّطـن بالرومنسيّـه والأشـواقـي
مايكتبـنّ أساميـهـن بالطباشـيـره
بيعلمنّك عـن الموضـه والأذواقـي
وجيههـن طالعـات مـن الكوافيـره
من كثر الألوان كنْها (سبحـة عراقـي)
مافيـه داعـي أجاملهـن بتكشـيـره
وأقول مشتاق .. لو مانيـب مشتاقـي
ماهن بكفو السهر .. والحزن .. والغيره
ودموعي .. وشعري الموزون .. وأوراقي
(كرت أحمر) و (باب طيّاره) و (تسفيره)
في (قلعة الوادرين) و (بألـف طقّاقـي)
الهنـدي و وايتـه والعـود وبعيـره
هذا مـدوّر ذهيـب وذاك سوّاقـي
لو ما أنصفتني سنيـن العمـر الآخيـره
ماطبّقت عيني أحداقي علـى أحداقـي
قفلت سيرة علاقات .. وبـدت سيـره
اللي عليهـا الكـلام وهقـوة الهاقـي
أبرك ضيوف الهوى وأغلى مساييـره
ريحانةٍ تقطـف اللهفـه مـن أعماقـي
ماهيب من قوم : (ابو دقّه وتسكيـره)
من قوم : (لاحاسبت ماتاخـذ الباقـي)
لهـا علـى الزيـن تهليلـه وتكبيـره
أنعم من الورده اللـي فـأوّل الساقـي
مهيب أميـره لكنْهـا جنـب الآميـره
ذات الحسب والنسب والمستوى الراقـي
من (أغنياء الرياض) ومـن (هواميـره)
شركات أبوها بضايعها فالأسواقـي
يومي لهـا الغصـن وتغنّـي عصافيـره
والأمـر ينقـاد لرضاهـا وينسـاقـي
غيداءٍ سهم عينهـا مـن قـوّ تأثيـره
مخسرٍ سوق الأسهـم عنـد الإغلاقـي
البدي والهيكـل اللـي ماتبـي غيـره
(أصطب) و (أستبنتين) و (قير علاقي)
مازيّـن أخلاقـي الطـب بعقاقـيـره
لـولا عقاقيرهـا مازانـت أخـلاقـي
من قبلها الحظ مـن جفـره لدحديـره
لين أوعـزت للزمـان وحـرر وثاقـي
وأعتضت عن قوم : (ابو دقّه وتسكيره)
باللي : (ليا حاسبت ماتاخـذ الباقـي)
تمت لشاعرها .
تعليق