تويت
فرمت قلبي مـن جميـع المخاليـق
إلا أنت ياللي داخل القلـب موجـود
\
/
ومهمـا نعيـد الفرمتـه بالمعاليـق
بالذاكرة صورتك وان راحت تعـود
/
\
ونسخت لك عشرين صورة بتنسيق
وحفظتها في مقلة عيونـي السـود
\
/
وطبعتها بأحبار دمي علـى الريـق
وعرضتها في شاشة الفكر بركـود
/
\
ولقيت فيها بلسم الجـرح والضيـق
وأدرجتها من غير تضليل وحـدود
\
/
بمجلـد ٍ بالصـدر حولـه مغاليـق
ماله نوافـذ كـل مافيـه موصـود
/
\
وحطيت لك بالمفضلة موقـع يليـق
بحضرة جنابك يا ترف الخد والعود
\
/
وبرامـج حمايـة تصـد المطافيـق
والهكرز اللـي طلتـه مابهـا فـود
/
\
وحررت لك خـطٍ موثقـه توثيـق
فيه التعهد مستنـد بأربعـة شهـود
\
/
إني على غيـرك فـلا والله أويـق
وحبل الوصل يبقى على طول ممدود
/
\
ونمشي على سلْم الهوى والعشاشيق
ونحفظ خطاوينا من النقص والـزود
\
/
لين القدر يعلـن علينـا التفاريـق
ونارد على جـرفٍ هيـالٍ وملحـود
/
\
ونواجـه اللـي جاهـزٍ للتحاقيـق
يسأل وحنا نجيب والقـول موكـود
\
/
فـإن كـان مالله ساقهـا للتوافيـق
راحت جماجمنا مع كبودنـا وقـود
/
\
بنارٍ تلظى تحـرق الوجـه تحريـق
في موقفٍ منته وأنا فيـه محسـود
\
/
فالأمر ما هو سهل يحتـاج تدقيـق
ولاهو صحيح (الحب مافيه منقـود)
/
\
فرمت قلبي مـن جميـع المخاليـق
إلا أنت ياللي داخل القلـب موجـود
\
/
وحطيت لك بالمفضلة موقـع يليـق
بحضرة جنابك يا ترف الخد والعود
منقــوول
تقـــبلوا خالـــــص احترامـــــــــــــــي
تحــــــــــــــــــ ღ دلــــــــــــــــــع ღ ـــــــــــــــــــياتي
تعليق