تويت
أبي أنسى أبي أسلى أبي أرتاح من همّـي
أبي أغفى دقيقه يـوم دون آفـز محتاجـه
أبي أبكي أبي أشكي أبي أنزفه مـن دمّـي
أبي أطرد ورى خيله إلين آحـدّ مخراجـه
هنا ماتت أمانينـا هنـا أشتـاق وأهتمّـي
هنا أبغى زمان يعود تبحر فينـي أمواجـه
هنا مصافح يمين اللي يمد وداع من يمّـي
ترك عطرٍ وسط كفي وجرحٍ يصعب علاجـه
تعبت ولاسلم قلبي من التهشيـم والذمّـي
يقولون الغلا زايد ولا يقضي بـك الحاجـه
إلا من طحت من عيني يضمّك قلب ويسمّي
وإلا مني نويت أنسى أشوفك تشعل سراجه
حبيبي تدري وش معنى الا ليتك ولد عمّي!!
بتعني إنّ نفـس الـدم يدْخلنـا بمنهاجـه
بتعني إنك أقرب لي من عروقي على دمّـي
وقليل الحظ يسعفني أشوف النور وأبراجـه
أبعثرني وسط حلمي بدمع الشوق وآزمّـي
ملامح قلبي من دونك ؛ مَلِكْ يطلع بلا تاجه
سماي وأرضي ونوري وهوا إيلامسه فمّي
ياكيف أنساك وأشواقي تجي للقلب وهاجـه
تعليق