أنا مـآبي مهر منـك .. ولا شبكـه ولا فستـآن ..!!

[كـلـي غـلا]

مرحبـا ..

في إثناء تجـوّلي ..

أعجبتني قصيـده ..

التي تجـرّعت كاتبتها الألم والمــر ..!!

لكن ..

اسئل الله ان يجمعكم بمن تحبون :")

تمنيتك علي تقبل .. أشوفك مبتسم فرحان
وأشوف أهلك يغنوا لك ولدروبي يزفونك ..


وتزيد بقلبي نبضاته ويحمر وجهي الخجلان
ويرعش جسمي بقدومك وأقول امشي على هونك ..


واملاك السما تحفك بنور الرازق المنان
عليك اسم الله يالغالي وعمت عين اللي يحسدونك ..


تسابق لجلي خطواتك تجيني محترق لهفان
وأحط يدي على قلبي واقوله جاك مفتونك ..


وتفتح طرحتي بيدك وأتوه بسحرك الفتان
ياعمري والله خجلانة وميته بنظرة عيونك ..



يريحني كلامك لي ياما حلا ليلة العرسان
وتعاهدني بتوفي لي وأعاهدك أني ما أخونك ..


مضى عمري وأنا احلم وأظم طيوفه بالأحضان
واسأل ليلى يا ليلى شسويتي بمجنونك ..


تحقق نصف حلمي بك وشفتك مقبل وفرحان
وشفت اهلك يغنوا لك.....وللحلوة يزفونك ..


خنقت بنفسي عبراتي وخنقني قلبي الغيران
وحبست دموعي في عيني وقلت امشي على هونك ..


فضحني صوت شهقاتي ورجيت الواحد الديان
يخليها ويقدرني أضمّد جرحي من دونــــــــك ..


أشوف شلون تضحك لك وقلبي يشتعل نيران
دعيت الله يهنيها معاك وتجلي شجونك ..
وأنا منهو يهنيني ويداوي قلبي الوجعان
أنا ونيت يوم أني سمعت إخواني يطرونك ..


غديت بغبنتي وحنيت وصفت إحساسي للجدران
رحلت وربي ما ضنيت مصيري غيري تصونك ..


وناديتك ولا لبيت وتخالط شوقي بالهجران
بتنهيدة أنا ترجيت لي ربعي يجيبونك ..


يقولون ادفني ذكراه وانسي اللي خان
قسم بالله ما انساك ولو هالكون ينسونك ..


تروف بحالتي سارة وتحلف والله هو خسران
يواسوني رفيقاتي يقولن كلنـــا عونــــك ..


كبيرة بعين كل ربعي أموت وعزي ماينهان
كذا تخليني أصغرهم مع فلانة يلقونك ..


أنا مابي مهر منك ولا شبكة ولا فستان
طموحي احتضن حزنك وازين بالهنا كونك ..


أبيك تكون لي وحدي بديره مابها سكان
تنومني بوسط عينك وتلحف جسمي بجفونك ..


غناتي ليه تاخذها وتشمت فيني العدوان
وش اللي ساومك فيها وصغر شخصي بعيونك ..


وش اللي مو حلو فيني..؟؟ كسرت بخاطري يافلان
خبر عرسك قضى فيني هلكت قليبي بطعونك ..


(مزن )ضميتها وبليت شعرها بمدمعي الهتان
ياعمري خلو الخالة وعساهم ما يخلونـــــــك ..

يهون عليك ترخص بي وتجازي طيبتي بنكران
عشقت اهلك على شانك ولمت اللي يلومونك ..


أسفه والله أسفه مكتوب أهيم بسكة الأحزان
ومكتوب تلقى بنت ناس تعيش بدالي في كونك ..


ياشين اللحظة ذي والله تمنيت ألبس الأكفان
وأشوف الظلمة في قبري ولا بغيري يهنونك ..


يبين ارجوووك خذ روحي ونادو يا هلي الدفّان
ابيك تحس بجروحي.. وبتابوتي يمرونك ..


أبيك تشيل تابوتي على كتفك يغصن الـ بان
وتعرف قدري بموتي وتدمع لجلي عيونك ..

بذاك الوقت أبي امسح دموع الغالي بأكفاني
دموعك أغلى ما عندي يامالك كل وجداني ..


فراق أهلي وزواجك موت ، ودمعك موتي الثاني
خلاص ارحمني لاتبكي دخيل الله على شاني ..


زماني مارحم ضعفي هزم حسي وتحداني
عهد في قبري ما نساك تعال وزورني عاني ..


تعال خلني بحس إنك علي ولهـــــــــــان
وبفــــــــــرح وانا في وســـــــط تربـانــــــي..


اتمنى أن تعجبكم ..

ذوق ..!!

[hadi_pwc]

قصيده تصويريه تجعل من يقرأها يعيش احداثها بحلوها ومرها

اهنيك على هاذا الاختيار

وان كانت تروى قصه حزينه

دمتم

[كـلـي غـلا]

هــادي

تسـلم يالغلا ع ردك ومــرورك ..

الذي أسعدني :)

[صاحي لهم]

قصيدة رائعه أختي كل الذووق ..

لكن أتساءل لماذا تم تغيير القافية في آخر 4 أبيات ..؟؟

أم هي قصيدة ثانيه ؟؟

شكرا على النقل ..

:)

[كـلـي غـلا]

واللهي لا أعلم سبب تغيير القصيده ..

لانها بأكثر من منتدى كذا ..

أشكرك اخي نورت

[سيوف العز]

كـ الذووق ـل تسلمين على ماكتبتي


حضور متألق وابداع في القول

ليس غريبا على انسانة ذات ذوق و احساس عالى وسمو في الاختيار


تقبلي مني ارق واعذب التحايا

[عزتي في شموخي]

بصراحـــه القصيده..رائعه!

أخذت حقهاا من القارئ..

جميله بكل مافيها من صدق..قهر وداع..وخيبة رجاا..

لكِ مني عزيزتي كل الشكر

وتقبلي خالص الاحترام لشخصك الرائع..

"صح الله لسان صاحبتها"

[دلوعة غرامي]

وااااااااااااااااااااااااااااااو روعه ورعه اجمل الابيات قريت واحلى القصايد هم قريت بس مامرت علي مثل جذي ابيات

وهزت مشاعر وحركت عواطفي وعيشتني بكل كلمه من كلماتها بلحنيه والشعور الدافي والحزن الشديد

سلمت يداك ويعطيك العافيه ماقصرت

تقبل مروري اختك دلوعه غرامي

[ŋαŋ]

مضى عمري وأنا احلم وأظم طيوفه بالأحضان
واسأل ليلى يا ليلى شسويتي بمجنونك ..


تحقق نصف حلمي بك وشفتك مقبل وفرحان
وشفت اهلك يغنوا لك.....وللحلوة يزفونك ..


خنقت بنفسي عبراتي وخنقني قلبي الغيران
وحبست دموعي في عيني وقلت امشي على هونك ..


فضحني صوت شهقاتي ورجيت الواحد الديان
يخليها ويقدرني أضمّد جرحي من دونــــــــك ..

<<== هالكم بيت يكسرون الخاطر .. دمعت عيني منه ^_^

قصيدة روعه

تسلمين ذوق و صح لسانك على النقل

[شوفو شموخي]

ذوق وكلك ذوق

[كـلـي غـلا]

سيـوف العز

لاهنت على كلماتك أخي ..

[كـلـي غـلا]

صــاايعه محترمه

تصيبني فـرحه غـأمره

حين أرى ردودك عزيزتي ..

منـّوره

[كـلـي غـلا]

ريووم ..

فديتج والله ..

نورتيني يالغـاليـّه ..

بـطلتـج الحـلوه ..

[كـلـي غـلا]

محتــآجك الليله

منــّوره أختي

[فيني دلع]

مشكووووووووووووره
والله دمعت عيوني كلج ذووووق ومشكوووره على القصيده الاجمل من رائعه تقبلي
مروري المتواضع