تويت
قلت الوداع وجاوبت دمعة العين
تجرح بساتين الخدود النديه
وغضت وشفت بعينها الحزن حزنين
وصاحت على الفرقا"أنا مو قويه"
وجاوبتها "أرجوك"
تكفين تكفين
والله دمعك يشعل النار فيه
وقالت تعاهدني عهاد المحبين
الله يخون اللي يخون خويه
قلت أبشري واللي خلق لاتظنين
حرام ماغيرك عشقت آدميه
وقصت شعرها قلت أنا وش تسوووين
قالت أبي من غرتي لك هديه
ونادتني الغربه على الهم والبين
أحسب الأيام روحه وجيه
وفي كل ليله ترتسم بين رمشين
خيالها بين الرموش الشقيه
غربة سنه في ذمتي غربة سنين
متى على الله يلتقي الحي حيه
خلاص هانت مابقى غير يومين
خلاص قفت غربه جرهديه
ورجعت شوقي في خفوقي بركين
ورجعت أناكلي لها جاذبيه
وسألت ماردوا وأنا أصيـح
هي وين
وكلن نثر من داخل العين ميه
وفي معمة حزني تلقيت رمحين
قالوا {توفــت}غافلتها المنيه ،،،
وتزاحمت في داخلي
ألـــ١٠٠٠ــف سكيـن
والحزن يطويني ثمانين طيه
" صــــــــــــــدمه"
وجابتني على الأرض نصفين
تكفون دلوني على القبر هالحين
ماعاد فيني للصبر مقدريه
وقفت أطالع قبرها بين نصبين
وجلست أضم أغلى النصايب عليه
وأصيح وش بك "ياغلاي" ماتردين
إشتقت همس شفاهك النرجسيه
وش فيك جيت من السفر ماتهلين
ماهي بلك عاده ولاإنتي رديه
وحاولت أزيح تربة قبرها في يديه
وبالغصب شالوني حشى تقل مسكين
وأصرخ بهم واللـه والله حيه
وقفت وتاهت بي جميع العناوين
والحزن يلعب داخلي سامريه
ورجعت لدروب الشقى قبل عامين
مدري من اللي صار فينا
ضحيه
تعليق