ضايق الصدر

[نواف الضرباح]

السلام عليكم ورحمة الله وبركاتة
تحية طيبة وبعد ,,,,
انقل لكم سلامي وتحياتي
ويشرفني الانضمام للمنتدى الراقي والمتميز
وعسى الله يقدرنا على ارضائكم واسعادكم .
وهذى اول مشاركة لي في هذا المنتدى العريق .,!!
.
ضــايــــق الــصـــدر
.
أروح منك ضايـق الصــدر زعــلان
.... وأرجـع ولا كنـه حصـل بيننـا شـي
غلطـان من يزعل عليك انت غلطان
.... أحـد يـروح الشمــس ويخلـي الفـي
إنـسـان بـس مايشبهــك أيـة انســـان
.... ماقلتلــك مـايشـبــه الميـــت الحــي
أخلصتلك إخلاص جابـر لدسمـان
.... وحنيت لك حنـت محمد على دبـي
وأعشقك أنا عشق المراجل لسلطان
.... وأشتاقلك شوق العمى لشوفة الضي
ومن كثر ماأحبك ابعطيـك برهـان
.... يمكـن علـي تحـن وتخـفـف شـوي
أتعب على بدع القصايد على شـان
.... مأبي قصيـدٍ ينكتـب فـيــك أي شـي
أنا بدونك كلـي همـوم وأحـزان
.... محتاج قـربـك حاجـة النــاس للمـي
لاعاد يطري لك على البال هجـران
.... يكفيـني اللي في غيابك حصل لـي
شيطان هجرانك ماهو بأي شيطان
.... ياخـوي خـاف الله أنا منكــوي كـي
إن كنت ضايق من هوايا وندمـان
.... ماهو غصب إن كان موعاجبك عي
قلي وانا أبقى معك أكثر من إخوان
.... مـاهي بحالـة صـرت ميت وأنا حـي

.
وسلامتكم

[دواس الظلمة]

حياك الله اخوي
وصح السانك على هالقصيدة
منور المنتدى بطلتك وانشاءالله تفيد وتستفيد
تقبل مني خالص الاحترام والتقدير

[نواف الضرباح]

الله لايهينك على الرد الطيب

يسلموووو على المرووور

[just(:smile]

اولا حيااااك ربي بمنتدانا
ثانيا بدعت بصراااااحه القصيده حييييل حلوة

و صح لسانك


قلي وانا أبقى معك أكثر من إخوان
.... مـاهي بحالـة صـرت ميت وأنا حـي

صح لسانك



بس عندي سؤال شنو معنى عي في هالبيت

.... ماهو غصب إن كان موعاجبك عي

[كويـتي][F.B.I][]

أخلصتلك إخلاص جابـر لدسمـان
.... وحنيت لك حنـت محمد على دبـي
وأعشقك أنا عشق المراجل لسلطان
.... وأشتاقلك شوق العمى لشوفة الضي


>>
الله الله الله


قصيده رااائــــعه ومميـــزه جداا

لقد كسبنـــاك في هذا المنتــدى في ذمتي



سح لسانك مليووون ولايكفوووون



تقبل تحياتي



اخوك مزيد المطيري

[kaka 22]

أخلصتلك إخلاص جابـر لدسمـان
.......




الشطر هذا يكفي عن 300 قصيده


:)


نواف الضرباح

بدايه .. صح لسانك على الابيات الرائعه

اللي أتحفتنا فيها


ويا حظنا فيك دامك موجود بين أروقه هذا المنتدى



دمت مستمر بإبدااااعك

[نواف الضرباح]

صح أبدانكم

ولاهنتووو على المروور

[نواف الضرباح]

معنى كلمه عي

بمعنى ارفض او لاتقبل

مثال = فلان عى يأخذ المبلغ .

عى مصطلح بدوي

[just(:smile]

اهاااااااااا الحين عرفت

يعني عيا بس انا يوم قريتها ما انتبهت

قواك ربي

[اريش العين]

صح السـآنك. يا الخـوي
وولك. على دخـول بين اخوانك.
صح السانك . لاخلا ولا عدم:)
لاهنتـ على جزل العطآيآ

[نواف الضرباح]

صح بدانك ولاهنت

يسلموو على المرووور

[mshtaga]

صح لسااانك اخوي

راااائعه

[شمتي SoSo]

[نواف الضرباح]

مشكوورين على المروووور

ولاهنتم

[عزتي في شموخي]

لاعاد يطري لك على البال هجـران
.... يكفيـني اللي في غيابك حصل لـي

شيطان هجرانك ماهو بأي شيطان
.... ياخـوي خـاف الله أنا منكــوي كـي

إن كنت ضايق من هوايا وندمـان
.... ماهو غصب إن كان موعاجبك عي

قلي وانا أبقى معك أكثر من إخوان
.... مـاهي بحالـة صـرت ميت و أنا حـي

.
.
.

"صـــح الله لسانك "
حضــور جداً مميز ,,
وكلمــات رائعه جمله بمعناها ,,
لمزيـــدك ,,
شُكراً لك أخي الكريم ,.
سجلني متابعه لك ,.
.
.
.