سطـر لنـآ أبيات من اختيارك ... بس على ذوقــي !!

[ميلاني]

غبت عني حن قلبي و تشرة...و ان جيتني قلبي حفظ كل تقدير
لا شك في بعدك تغيب المسرة......ياسيدي ياسيد كل الغنادير


السهـر << اختي لؤلؤه جيكي على اللي يكتبونه اللي قبلج
يعني انا كتبت عن السهر انتي كتبي عن السهر

[(ريانة العود )]

إسهر معي ليلة
حاول تحس بلوعتي ليلة
عد النجوم وش كثرها.. ياللي بقلبي كثرها
نام .. القمر فـ وسادتك نام
ليتك تغير عادتك
خل القمر ليله.. يسهر معي ليله

أنا اشهد

[كويـتي][F.B.I][]

أضيق لاشفتــك مع الناس مرتـاح.....وارتاح لاضاقت عليك الوسيـعه

[شموخي عز]

دام حبك نبع صافي للوفا
لو تكون بآخر العالم يبيك
دام شوفك فيه للروح الشفا
كم تمنى في عيونه يحتويك
لجل يسري في حناياه الدفا



الغلا

[اريش العين]

انا اغليك واغلي بك حياتي كلها لجلك..
احبك واعشقك والله وافل حجاجهـا تحتك


حاب توصل رساله لأحد؟؟> عنها

[ميلاني]

قالت:أمانه بنشدك ؟
ومن موقفي / لاتخاف
اتحبّني ؟
قلت : اسمحيلي/ احسب ان بل علم سالفه !

القهـــــــــوة ؟؟

[رافض الحب]

دنيت لي من غالي البن مالاق
بالكف صافيها عن العذق منسوق
احمس ثلاث يا نديمي على ساق
ريحه على جمر الغضى يفضح السوق
واياك والنيه وبالك والاحراق
واصحا تصير بحمسة البن مطفوق
دقه بنجر يسمعه كل مشتاق
راع الهوى يطرب الى دق بخفوق
لقم بدله مولع كنها ساق
مصبوبة مربوبة تقل غرنوق
خله تفوح وراعي الكيف يشتاق
الى طفح له جوهر صح له ذوق

( الغــرور )

[سلامااااات]

عذري معاي ان قلت روح ما ابيـــــك
ماعاد لي قلب يهلي بطريـــــــاك
ياللي بحياتي (كنت) مدري شأسميـــك
(كنت) الحياة بكبرها كل ما ألقــاك
(كنت) المسا لاناموا الناس اسريـــــك
(كنت) الامل بعيون منهو تمنـــاك
واليوم لا والله ما ابيك ما ابيـــــــــــك
لا ابي اترجاني ولا انا اترجـــاك
جمعت باقي ذكرياتك وابرميــــــــــك
للوقت يمكن مع الوقت انســـــاك

[سلامااااات]

اسف اسف توني استوعب الموضوع السموحه :p

الغرور ..؟

[شموخي عز]

قولي لهن وش عليكن اية مغروره
وان ما سمعن أقربي منهن وعيديها
تبختري وقفي أمشي بها الصورة
شديهن ابختره وأقفي وقوليها
قولي وقفي تخفي وسط مقصورة
تزيني وأرجعي لختك وحييها
تكلمن واقفات بروح مسرورة
تبسمن وأهمسي أختك وضميها
وامشي ومري مع الصالة على نورة

[ميلاني]

اخــت شموخي حطي لنا شنو تبين البيت اللي بعـدج :d

عـطونا عـن الـحسـن ؟؟ بمعنى= الجمال

[لؤلؤة البحار]

أنــــا الـزيـن والغـالـي أبـد مـا يبـاع بالدانـي ..

أنـــا الغـلا كـله خـسا نـصه ومـو كافـــــي..

أنـــا السـامي باسـلوبي والشـامخ بطلاتي ..

أنـــا الكـل بالكـل وفـوق الراس مكـــانــــــي..

أنــا العـالي مقـامـه وبمـرتـبه راقـــــــــــي ..

ونــا لا قلـت أوقـــف تلـزم حـدودك معــــــي ..

أنــا غـرشـوب زيـن وحـلو والكـــل حاسـدنـي ..

أنـا ذهـب ثمـين ألماس وكـل هذا أنـا الحـالـــي..

إيـه نعـم هذا أنــا كـله وبـــــه عـلا شــــانــي..


عن التغلي؟؟؟

[ميلاني]

ان شفتني مغليك حذراك والصد
ترى التغلي درب تفريق الاحباب
ولا يغرك من يقول اثقل واشد
ترى اغلب الفرقى من شور الاصحاب

الفرقــا ... ؟؟

[لؤلؤة البحار]

قبل السفر ودي بنظرة أخيره

أعيش فيها باقي العمر وأموت

عن الشووق؟؟

[ميلاني]

شاشت شجوني واشعلت شوق رشاش
رشت رشوش رشها الشوق ترشيش
مشتاق لش والشوق في وسط يمناش
والقلب من حبج نبش القلب تنبيش
يابنت لا والله ماني بغشاش
لو طالت المده ترى القلب يبغيش


الذوق ؟؟