تعال قــرب يا أريش العين صدرك ... من شان يشكي لـــه من الشوق صدري

[برد الشمال]

[align=center]مساء النور والبلور لجميع الحضور إناث وذكور[/align]

[align=center]تعال قرب يا أريش العين صـــــــــدرك // من شان يشكي لـــه من الشوق صـــــــــدري

لا تفتكر وقته يبي يــقــل قــــــــدرك // لأنك بعيني مثل ما أشوف قـــــــــــــــــــــدري

بأول ترى أيام الشهر شفت بــــــدرك // وأكيد مثلي بأولي شفت بـــــــــــــــــــــــدري

تعال ,, ما أقبل يا أريش العين عـــذرك // لو أعتذر ما تقبــل أعرفك عــــــــــــــــــــــذري

دام البشــر (ملت) من أصنـــاف غدرك // تموت قبل إنك ترى تشوف غـــــــــــــــــدري

فل المشاعر (قبلها) فل شـــــــــــعرك // يمكن تقول وش يعني لبـــــــــــــرد شعــري

ودامي غطست وغصـت في وسط بحـرك// إلعب تفنن غوووووص يفداك بحـــــــــــــري

ودام ( الرخوم) اللي حكوا خلف ظـــــهــرك // ( يبطون) ما قالوا حكاوي بظـــــــــــــهري

( يا قو قلبك) رغم ســنك وصغـــــــــــــرك // شفني مشاعر شوق من يوم صغــــــري

تدري بقدم لك إخطابات شكـــــــــــــرك // يمكن تحس إليا ترى ( جاك) شكـــــــــــري

عينك ( قدم) عيني وأنا أشيـــــــــــــل وزرك // وإن كان ( خربته) ترى تشــــــيل وزري


أتمنى أن ترتقي هذه المحاوله لمستوى أذواقكم[/align]

[اريش العين]

صح اللسان الي بصدقه تشبرك.. الي بقول الحق شبره بشبري
الحق والصدق الوفي جاه عبرك..عـز الرفيق الي لقيته بدربي

يمكن تقول وش يعني لبـــــــــــــرد شعــري

مـاهو تقليلاً فـ القصيده .. لكن .. يمكن غلط مطبعـي..؟

انا متآكد بانه غلط مطبعـي..\


صح السانك .. يا الخـوي.. وموفق خـير..
والله انـي اب غالك الخـير.. ماهو كـسر.. والله ماهو كـسر.. القصيده جزله..



موفق خـير يابوي

[برد الشمال]

صح اللسان الي بصدقه تشبرك.. الي بقول الحق شبره بشبري
الحق والصدق الوفي جاه عبرك..عـز الرفيق الي لقيته بدربي
مـاهو تقليلاً فـ القصيده .. لكن .. يمكن غلط مطبعـي..؟
انا متآكد بانه غلط مطبعـي..\
صح السانك .. يا الخـوي.. وموفق خـير..
والله انـي اب غالك الخـير.. ماهو كـسر.. والله ماهو كـسر.. القصيده جزله..
موفق خـير يابوي

[align=center]حياك الله ويا هلا وغلا والله

بس مافيه خطأ مطبعي .. طال عمرك



فل المشاعر قبلها فل شعرك ... يمكن تقول وش يعني لبرد شعري



أي قبل أن تفل مشاعرك .. فل شعرك فهو يعني لي الكثير فالشعر قبل المشاعر ولا تسأل ماذا يعني لك الشعر إذا كانت المشاعر مفلوله فلماذا تريد الشعر يُفل ؟؟

الشعر وليس الشِعر طال عمرك

أي أستفسار تحت امرك


وتسلمين على المرور بنت الأجواد ولاهنتي والله[/align]

[اريش العين]

كحيلان..
فاهم معناك.. ماني بجاهله ..
لكن..
مايصير تقول يمكن تقول وش يعني لبرد شعري


وش .. تثقل النطق.. فـ .. ينكسر البيت.

انا اقولك مطبعـي.. ماقلت لك.. معنـوي.. فـ .. لو تقول

يمكن تقول اش يعني لبرد شعـري..!


ماني بناقد .. لكـن .. اعتبر نفسي اخ لك.. فـ حبيت افيدك . يابوي


لاهنت.. يابويِِ

[برد الشمال]

كحيلان..
فاهم معناك.. ماني بجاهله ..
لكن..
مايصير تقول يمكن تقول وش يعني لبرد شعري

وش .. تثقل النطق.. فـ .. ينكسر البيت.
انا اقولك مطبعـي.. ماقلت لك.. معنـوي.. فـ .. لو تقول
يمكن تقول اش يعني لبرد شعـري..!
ماني بناقد .. لكـن .. اعتبر نفسي اخ لك.. فـ حبيت افيدك . يابوي
لاهنت.. يابويِِ

[align=center]
أها قصدك الثقل ... لا أبشرك طال عمرك ماهي بثقيله
ولكن الكتابه تختلف عن النطق تماماً
المحاوله لدي مسجله بالصوت في الجهاز وبإمكانك سماعها طال عمرك متى ما أردتي ..
يمكن تقول وش يعني لبرد شعري
خفيفه النطق بالنسبه لي ولو كُتبت ( إش ) فلربما أولت تأويل آخر ..
في مواقع كثيره .. يختلف النطق عن الكتابه بكل تاكيد
رغم أنني اختلف معك تماماً بأنها ولو كتبت كما كتبت لا ولم ولن ينكسر البيت وأراهن على هذا. فقط أقرأيها ( وش يعني ) في حالة الوصل لا الوقف.
شاكر ومقدر المرور يا أريش العين. واحترم وجهة نظرك يالشيخه بكل تأكيد.
وتشرفت والله في مداخلتك طال عمرك[/align]

[اريش العين]

هههههههههههههههههههههههههههههههه
ياخي وشو بنكي يدل اني بنت؟
ورب البيت يابوي محتار .. وراي دوام مدري وين احلق لحـيتي.. :(
يابوي والله اللام مثقله؟
:) المهم

على راحتك يابوي\.|. على راحتك


اسفين على الازعاج..
ارد واقولك لك.. اخ وعزيز وغالي

:) اخـوك خـالد الشمري:)

[برد الشمال]

هههههههههههههههههههههههههههههههه
ياخي وشو بنكي يدل اني بنت؟
ورب البيت يابوي محتار .. وراي دوام مدري وين احلق لحـيتي.. :(
يابوي والله اللام مثقله؟
:) المهم
على راحتك يابوي\.|. على راحتك
اسفين على الازعاج..
ارد واقولك لك.. اخ وعزيز وغالي
:) اخـوك خـالد الشمري:)

[align=center]الله دخلك
يا ولد أسف قسم بالله عبالي معرف بنت
شفت الأسم أريش العين
أسف بعنف
وأشكرك حتى يغمى عليك طال عمرك على هالمداخله وأعذرني على هالخطأ في قراءة معرفك والله يا خالد..
أخوك برد[/align]

[شاعر وفا]

اخوي الغالي برد الشمال
لكل انسان وجهة نظر ويجب على الجميع
احتراامها ولكن لايفرض على احد ان ياخذ بها
ووجهة نظري في برد الشماال انك شاااعر متمكن
ولاعليك غبااار وصح السااانك ملاييين على هالابيات
واتمنا ماتحرمنا من جديييدك القاااادم




تحيتي لك وفالك التوفييييييييييييييييييييق

[كويـتي][F.B.I][]

أأنت مبدع

وشعرك بحد ذاته ابداع

صح لسانك مليون

لحضورك جمال ولبياتك جمال


لاتحرمنا من كل جديدك

[برد الشمال]

اخوي الغالي برد الشمال
لكل انسان وجهة نظر ويجب على الجميع
احتراامها ولكن لايفرض على احد ان ياخذ بها
ووجهة نظري في برد الشماال انك شاااعر متمكن
ولاعليك غبااار وصح السااانك ملاييين على هالابيات
واتمنا ماتحرمنا من جديييدك القاااادم
تحيتي لك وفالك التوفييييييييييييييييييييق

[align=center]يا هلابك وشهادة يالغالي أفتخر بها
نقطه / إرضاء الناس غاية لا تُدرك
وإختلاف الود لا يفسد للرأي قضيه
تنويه 2 / السطر السابق قُلب عمداً
تحيتي شاعر وفاء [/align]

[برد الشمال]

أأنت مبدع
وشعرك بحد ذاته ابداع
صح لسانك مليون
لحضورك جمال ولبياتك جمال
لاتحرمنا من كل جديدك

[align=center]
كويتي


الإبداع طال عمرك هو حضورك وعسى عمرك طويل




وأفتخر بمرورك طال عمرك[/align]

[شمّوخ? آِنسـِآن]

صح لسآنك ولاهنت

دام البشــر (ملت) من أصنـــاف غدرك // تموت قبل إنك ترى تشوف غـــــــــــــــــدري

فل المشاعر (قبلها) فل شـــــــــــعرك // يمكن تقول وش يعني لبـــــــــــــرد شعــري

قصيدهـ جزله .. اهنيك على روعه اختيارك للمفرادات

تسلم يمناك .. دمت بود

[برد الشمال]

صح لسآنك ولاهنت
دام البشــر (ملت) من أصنـــاف غدرك // تموت قبل إنك ترى تشوف غـــــــــــــــــدري
فل المشاعر (قبلها) فل شـــــــــــعرك // يمكن تقول وش يعني لبـــــــــــــرد شعــري
قصيدهـ جزله .. اهنيك على روعه اختيارك للمفرادات
تسلم يمناك .. دمت بود

[align=center]

شموخ إنسان


مرورك مهيب طال عمرك وذا رونق خاص


شكراً إلى حد الثماله[/align]

[kaka 22]

صح لسانك يا برد الشمال


وقصيده عجزت لا افهم محتواها هل هي هجاء لاريش العين ام مدح !

:)


ومبدع ما شاء الله


ولكن


كما ذكر الاخ أريش العين


يمكن تقول وش يعني لبرد شعري

مكسووووور طال عمرك

:)


لو اش تجبر البيت





للافاده فقط :)



وجزل يا برد الشمال

[برد الشمال]

[align=center]لاهنت يالغالي على المرور


وتسلم والله ووجهة نظر على الراس والعين


هلافيك طال عمرك[/align]