░▒▓██صحيح من قال العذارى بهن فرق!/هذا ماجنته مذهله██▓░░

[أورفيوس]

اسعد الله واقاتكم بكل خير
الحقيقة قبل شوي لفت انتباهي
صورة رمزية لـ بنت معانا بالمنتدى !
واعجبتني كثير
ومشكلتي قلبي خضر
فهيضتنا وكتبنا فيها قصيدة
وطبعاً كل إنسان وذوقه
حتى مايزعلن علينا البنات
الوكاد
فيه مقولة مشهورة
تقول : ( انا اشهد ان العذارى بهن فرق )
ولا ادري هل هي من الشعر! ام من الحكمة!
المهم! إليكم ماجنت ......

صحيح من قال العذارى! بهن فـرق!
مدري شعر .. مدري حكيـم ٍ نطقهـا
مدري ومدري من سرق ناظري! سرق
صورة..! ومدري كيف شاعر عشقها
مدري من اهل الغرب والا من الشرق
آية جمـال وجـل مـن هـو خلقهـا
ان اشهد انه احرقـت خافقـي حـرق
في وجهها اللـي غـار منـه حلقهـا
روح ٍ خفيفه بإبتسامـه كمـا البـرق
زاد بحـلاهـا زود تلـعـة عنقـهـا
تمايـل بخفـه كمـا رفـرف الـورق
فوق الغصـون اللـي تمايـل ورقهـا
كن الأنوثه! غارقـه وسطهـا غـرق
هـي درس للأنثـى! وربـي فرقهـا
مالوم من قال العـذارى بهـن فـرق
مدري حكيم! او شاعـر ٍ قـد نطقهـا


وسلامتكم

[اريش العين]

بسم الله الرحمـن الرحيم,,


قصـيده , جمـــيله .. بـ محتوا اجمــل, وفكره رائعــه ,



ولكنهـا ... تواجه بعض النقــد..!

في وجهها اللـي غـار منـه حلقهـا

تبدل القـاف؟ وتغيــّر

عنقـهـا

هٌنـا ايضاَ





ولكــن تبقـى جميله .,,


وصَح الله السـانك..



< تٌنقـل لـ قصاءد الاعضـاء

[كويـتي][F.B.I][]

لاهنت يا الامير


قصيده جزله من شاعر جزل



وصح لسانك ملاين

[أورفيوس]

بسم الله الرحمـن الرحيم,,


قصـيده , جمـــيله .. بـ محتوا اجمــل, وفكره رائعــه ,



ولكنهـا ... تواجه بعض النقــد..!





تبدل القـاف؟ وتغيــّر


هٌنـا ايضاَ





ولكــن تبقـى جميله .,,


وصَح الله السـانك..



< تٌنقـل لـ قصاءد الاعضـاء

شاكر مرورك ياخوي .
وشاكر التعديل وهفوه مني بعد ^^

[أورفيوس]

كويني ...



مرورك اروع من ان يوصف


لاهنت

[LoVeLy GiRl]

صح اللسانك
الله يعطيك العافية

[MiLaNoOo]

كن الأنوثه! غارقـه وسطهـا غـرق
هـي درس للأنثـى! وربـي فرقهـا
صح لســـآنــك