تويت
جتني حزينة ترفع الصوت هو ليه
هو ليه ماتبكون والبال خالـــــي
صغيرة والدمع ماعاد تخفيـــه
ترسل سهام الحزن والصوت عالي
يبه أمير قلوبنا مانخليـــه
اللي رفعنا في دروب المعـــــالـــي
هذي صوره يا يبه تفتخر فيه
حر نداوي مايجيله مثـــــــالي
والي محلي صورته رفعت يديه
يبه كأن يديه ليه ظــلالــــي
وعيونا لصور جابر تراعيه
مثل القمر يوم طلع والــهلالـي
المدرسة تبكي على طول طاريه
وطابورها من عقب الافراح زالي
وسكت لحظه قلت يابنت أراعيه
لحظة وداع وصمت يثري خيالي
من قالك ماهزنا يوم ننعيه
زلزال حزن كان فوق احتمالي
والحزن غطانا بكامل معانيه
أسدل ستاره ثم زاد اشتعالي
وزحف له الشعب الكويتي يواسيه
جموع تدعيله تجول اجتوالي
كل المزايا شيخنا تجتمع فيه
يشهد له العالم جنوب وشمالي
يابنت عذراً ماأقدر أشرح ووفيه
وأدري بعد لله كل الكــمالــــي
ويبقى الأمل بإخوانه الي تباريه
آل الصباح ومشيهم بالعدالـــي
حكم قديم وشامخات مبانيه
ثابت على مر الزمن واللـيالــي
ماقل دل وصادق الود نبديه
غالي وودعنا ولازال غــالـــي
فلاح عشوي العنزي
.gif "Smile777 (44)")
.gif "Smile777 (23)")
تعليق