(( سنابل شوق )).. وإرجال ((حــزن))

[للأسف شاعر]

السلام عليكم ورحممة الله وبركاته

ومساكم شــعـــر

(( سنابل شوق )).. وإرجال ((حــزن))

\
\
\

سنابل شوق والطاري من هموم((الشعور))أحيـان
على عشب السهر وأغلى ربيع العمر وأشواقـه

يميل الوصف وعيون القصايد والمدى التحنـان
وصوت الصمت في نبض الجريح وهامة أعماقه

حبيبي لا تخالط جرحـي المغمـور بالأحـزان
ترى بعض الدروب اللي جفاها الوصل مشتاقـه

تغيب اغلى تعابير الجـروح وصمتهـا الخـوان
وينبض للحزن صدر الزمان وناعـس احداقـه

يسيل البوح من واهج هجوسي واحتـري هتـان
ونزف العمر هو مركب عنـاي وموتـي فراقـه

يسافر مغترب ديـره ويرجـع مغتـرب خـلان
مشاويـره محطـات السـواد ولجـة اوراقــه

على ريق الضما ماتت طيوفي والعطش عنـوان
عليه انسـاب ويميـل البخـت لا مـال براقـه

وهبت اللي ترك جرحي ملامح صوتي اللي بان
شريت من العتب حضن الكلام ولحظـة عناقـه

انا اللي يحتري صبره ويسري به مـع الابـدان
شعورن يحترق با ادفى الخفوق ويعلن احراقـه

يصوت للدفاء والبـرد بضلوعـه رفيقـن كـان
مع همومـه تراتيـل الجفـاف وجـرح خفاقـه

تمحور به من المظلم كسـاد الامنيـات وحـان
من الغيره سجع قلبـه ونـادى وانحنـى ساقـه

على صمته كسح كل العباير نبضـه العطشـان
وعاتب با الرماد اخر ثواب الجرح بـا اخلاقـه

يسمي رحلته مركـب قصايـد واللقـاء بستـان
محل في نظرته درب السحاب وعانـق اذواقـه

مع انه لو لقى با اخر فتافيـت الشقـا اوطـان
يجود ويرتمي دلوه مـن اجـل قلـوب عشاقـه

سلب عذره سلب عمره سلب مايشتهـي انسـان
سلب حتى مسافـات الحنيـن وخالـف سياقـه

تمهل فـي مسافاتـه ولـو قلـب العنـا مـالان
عسى يصبح على شمس الوصال وشمعة إشراقه

(( سنابل شوق )) والطاري من هموم ((الشعور)) أحيـان
على عشب السهر ....يورق.....عمر....ما بلل ... ارياقه
حبيبي قلت ماعنـدي وسلمـت القصيـد اوزان
ولابه في رضاك الا شمـوخ اليـاس واسواقـه

عساك ان شفت في جرح الضماير تكرم الزعلان
وترسم له بـدورات الامـل تاريـخ لا اشواقـه

شــعــر : خالد الفرحان

(( دايم الوجد )) ( للآسف شاعر )

[اريش العين]

رد: (( سنابل شوق )).. وإرجال ((حــزن))

جميل ي الفرحان ..



مبدع . صح السانك

[بنوتة ملاك]

رد: (( سنابل شوق )).. وإرجال ((حــزن))


طرح مره مميز وفي قمة الروعه والجمال
يعطيك الف عافيه يارب

[أحلام وردية]

رد: (( سنابل شوق )).. وإرجال ((حــزن))

أبيات روووعه
الله يعطيك ألف عاااافية
تحياااااتي لك