ليله فراق

[غاليه بعيون مغليها]

قصيدة ليلة فراق
مما راق لي للشاعر ثامر بن شبيب


الليله هذي واضحه ليلةافراق
حاولت اعديها وعيّت تعدي
اظروف ماتنطاق ولا راح تنطاق
صد القدر ماهو بصدك وصدي
تعال اخذني بين اياديك مشتاق
قبل لانتفارق حط يدك بيدي
بجلس معك ساعه حبايب وعشاق
من بعدها كيفك ولو صرت ضدي
فيني خليط اشواق باشواق باشواق
واصل معك من كثرت الشوق حدي
ودي ألمك واحضنك حضنت عناق
ياشيب عيني كل ماقلت ودي
في خاطري .. وش خاطري ؟ خاطري ضاق
الكون كله ضاق ماهو بقدي
حتى الدموع اللي استحت كبر واخلاق
تساقطت من فوق خدك وخدي
لوحة شعر تبكي على بيض الاوراق
بيّحت فيها من ردى الحظ سدي
ليلة جفا وافراق مامثله افراق
حاولت اعديهاوعيّت تعدي

[HaWiTeK]

رد: ليله فراق

الله على ابداع الشاعر ثامر

يعجبني ما يكتبه

صح السانج ولسان شاعرها

تسلمين غاليه

[غاليه بعيون مغليها]

رد: ليله فراق

صح بدنك


منو مايحب ثامر شبيب كل اللي هو يكتبه روعه وفي قمه الابداع


ويسلمك الرحمن

وتشرفت بحضورك