بـصراحه يابنـات شنـو موقفـكم .. ؟

[ورود النهار]

السلام عليكم ورحمة الله وبركاته

شلونكم شخباركم؟؟؟

إقري الموقف وردي بصراحه.....




اتصلت اقرب صديقه على قلبك وطلبت منج تخرجين معها لان في موضوع تبي ان تصارحج فيه
وصلتوا للمطعم وطلبت قهوه وسألتج وقالت لك شنو رايج فى الحب ...؟
جاوبتيها ان الحب شي حلو وقعدتي تقوليلها عن الحب وحكاياته لانك جربتيه بس ماقلتي لها عن اللي انت تحبيه وكنتي ناويه تصارحيها بهالشي
وسالتج هل الحب حرام
جاوبتيها ع طول لا الحب أصدق ما بالوجود ...

وسألتج هل أحببتي من كل قلبج...جاوبتي بنعم
طبعا تحمستي وقعدتي تلحين عليها ان تقول لج عن اللي تحبه بشرط ان تقوليلها ايضا بمن تحبين
وبعد عناء قالت لج ؟؟
انا احب ........................
إكتشفتي بأنها تحب نفس الشخص اللي تحبينه
ما هو موقفك بصراحه؟؟؟

[كـلـى فـدآهـ]

موقفي انى اروح حق الصبي اقول له اختاااار انا او اهيه وانا ما ابي مشاكل اقول له حاول تختار يا انا او اهيه عشان تحس بالحب لان انت ما عندك قلبين عشان تحب فيهم وطبعا لى اختارها انا امشي بهدوء بس طبعا بيترك جرح بقلبي صعب يروح بسرعه

[media]http://www.6rb.com/songs/40892.html[/media]

[( الفجر البعيد)]

لو كان (( الخاين )) مبآدلها باللي يسميه حب ...
الله يهنيهم !!!
بس
بقولهـــا هالشخص لعب علي وعليج
راح اثبت لها انه انسان خاين
اطلب قهوة 3..... واخليها تشوف الخيانة بعنيها !!

[كويتيه وبس]

اول شي اكيد انصدم

وشي راح اكيد اتركه واقولها بعد اهي تتركه لانه طلع انسان لعوب ما يستحق الحب ولا بالاساس يعرف يحب

تسلمين ورود النهار على هالموضوع

يعطيج الف عاافيه

[مذوبتهم]

[frame="2 80"]لو صار معي الموقف كان تخليت عنه و خليته لها لانه خاين و بعدين ابديها علي لانها صديقتي و اتصل عليه و انهي اللي بيني و بينه[/frame]

[لؤلؤة البحار]

لو كان (( الخاين )) مبآدلها باللي يسميه حب ...
الله يهنيهم !!!
بس
بقولهـــا هالشخص لعب علي وعليج
راح اثبت لها انه انسان خاين
اطلب قهوة 3..... واخليها تشوف الخيانة بعنيها !!

الفجر البعيد
ماأخبي عليكـ حبيت اجابتكـ كثير
تسلم ديااتكـ

ورود النهاااااااااار
موضوع نايس
يسلموووووووووووو
مع خالص ودي
لؤلؤة البحاااااااااااااااااار

[i! غرور ـأنثى i!]

مارااح اقولهاا اني احبهـ
بس راح اوااجهه الولد هذاا
اذاا كاان فيي شي بينهم
***

اماا اذا مافي شي بقولهاا للاسف
انا ويااه انحب بعض مو من نصيبج :p

يسلموو حبوبه ماتقصريين ^_^

[ღاميرة قلبهღ]

يسلموووووووووووووو


صنآحتن والله بتركه واترك عشره من امثاله دامه بايعني بهالرخص ولايهمني حبي له دامه

خاااايني


ولاراح اقولها بسكت واخليه بيني وبين نفسي

[شيوخ ذلتهم عيوني]

والله موقف يحسد عليه مادري شقولج

بس عندي سؤال اذا هو يدري عن حبي له او حب صديقتي ؟

اذا الجواب اي اكيد راح اخليه واقنعها بالحقيقه


واذا الجواب لا هني يتغير الموقف مادري عاد شنو راح يصير

ماعمري مريت بالموقف والله لايجيبه انشاءالله




يسلمووووو على السؤال ولاهنتي ياقلبي



تقبلي مروري

[ScReAmQwEeN]

موقف صعب ،، يعتبر خاين ،، وراح اتركه لها او لغيرهاااا ،،
واهيااا لو صديقتي صج همن راح تتركه ،،


تشكراات

[ورود النهار]

يعطيــكم العافيه على مروركم

[silentHell]

أكيد بصآرحهـآ وبقولهـآ إني أعرفه

وأقولهـآ إنه لعب علينـآ ... وأوضح لهـآ

ومآاتخلــى عنهـآ أمـآ أهوآ { يغور بستين دآهيه :p }



يسلموو

[ام بدر]

اولا العلاقة من الطرفين مع هالشاب خطأ بحد ذاتها اما اذا اقصر الامر على مشاعر

طاهرة في القلب لكل منهما دون الدخول في علاقة محرمة شرعا ، اذا لا ضرر من

ان تصبر كل منها لترى من منهم صاحبة قلبة والتي سوف يكون قدرها ان يرتبط

بها ، اما غير ذلك فلا داعي اصلا لذكر الموضوع او الدخول في نقاش عنه .



ان كان مرتبط بانسانة وعلى علاقة باخرى فان ثبت ذلك فهو بلا شك انسان لعوب

غادر ، ما فعله يستحق العقاب عليه ولا اتوقع ان احدا يرضى على نفسه الهوان

والمذلة وان يشاركه احد فيمن يحب .


الموقف الاصح التأكد قد لا يكون الشاب على دراية بمشاعر الاثنين اذا فما ذنبه

في اللوم دام انه يجهل الامر . ولكن ان كان يعلم بالاثنين واستغل كل منهم


اذا الحل ان كل منهم تحمد ربها على انه انكشف الحين ومو بعدين والاثنين

يتركونه وفورا دون نقاش وبالنسبة لي فرقاه عيد والاحلى انهم يسوون

حفلة بعد ( من باعنا بعناه برخيص )


موقف بصراحة صعب ولا تحسد عليه اي انسانة تقع فيه . الله يوفق الجميع

لما فيه الخير والصلاح بما حلل الاسلام واباح .


كل الشكر على نقل الموضوع ، اتمنى تقبل مروري على ان يكون وصل صوتي

واحترم وجهات النظر من اخواني الاعضاء فالاختلاف في الراي لا يفسد في الود

قضية ولكل منا افكاره وتوجهاته بما يناسب فكره .


تحياتي للجميع .


دمتم بحب