المكياج هل هو عنصر ضروري لزينة المراه وجمالها؟؟؟؟

[alwalah]

مرحباااااااااااااااااا

والله وحبيت اشوف رايكم في البنات اللي يحطون ميكب = مكياج

ويطلعون عشان الناس يطالعونهم وااايد اسمع عن بنات وحريم بعد متزوجين مايطلعون الا بالميكب

ومايخلون ويهم طبيعي في مره من المرات سألت وحده عن سبب زيادة المكياج في ويها قالت : والله وتبين الصراحه

انا اذا طلعت وويهي جذي كلمن يقول عني جيكره فأستر على روحي بالمكياج احسن لي :mad:

ليش هذي خلقة ربك ليش تخربينها بالميكب واذا قصدك عشان الشباب يطالعونك ترى اغلب الشباب

يحبون البنت على طبيعتها بدون تزيييف في شكلها اذا بطلعييين حطي شوي ومعدات بسيطه مثل المسكره والكحل هذي الشي :rolleyes:

اغلبيت البنات مايستغنووون عنه اما بتحطييين شدوو وبلشر وبودره وكحل وحمره وانتي رايحه براده دقيقه ليش يعني

حق من كل هذا حق الهندي اللي يبيع؟؟؟؟ :D :p :D :p

والله انا اقول انه المكياج هو تزيييف من عند الغرب وانصح كل امراه مدمنة مكياج التخفيف منه وشوفووو شلون بتصيروووون في قمة الجمال


وتقبلوووووووو كل التحيه :




نـــــــــــــور الــــــــــــــولــــــــــه




هذي كم صوره للبعض البنات والمكياج :rolleyes:

[نمـول KiSs Me CLa$$ic]

نعم نعم
صحيح
لووووووووووووول
لولا المكياج البنات مايعيشوون لووووووووووووول
ومشكوؤوؤور

[عنوسه ^_~ ماتهاب]

حبيبتي نور المكياج مو كل شي هو زينه بس
بس غلط ان الوحده ما يكون عندها ثقه بجمالها وكلا مكياج
عادي اطلع من غير مكياج
وحتي لو بحط احط شي هادي
لان مهمها كانت سحت او جيكره لازم تقول الحمد لله :p
والي تعتمد علي المكياج اضن انها ما عندها ثقه بنفسها
يعني كلنا نحط مكياج بس مو درجه اني ما اطلع الا احط مكياج
غلط !!
ثانكس علي الموضوع يا الغلا انتي

[alwalah]

يسلمؤؤؤؤؤؤؤؤؤؤؤؤؤؤ حبوبه نمله وعنووووووووسه على المرووووووووووور





كل التحيه : نـــــــــــــــور الـــــــــولـــــــــه


واقول هذي العباره خلج طبيعيه احلى جذيه : :D :D

[تــوتــه]

صح والله كلامج



يسلــمووو على الموضووع

[alwalah]

تسلميييين حبيبتي توووووووووووووته على المرووووور الطيب

وكل التحيه لج :


نــــــــــــــــور الــــــــولـــــــــه

[فتاة حالمة]

صحيح كلامك كله عدل الوحدة لازم تكوون على طبيعتها علشان ما تتعب بحياتها ......صحيح ان التغييير حلو لكن الإدمان عليه شي

غير صحى ...

على العموم يعطيك الف عافية على الموضوع الحلو

[alwalah]

الله يعافيج قلبوووووووووووووو حلومه

على المرووووووووووووور


نــــــــــور الـــــــــولـــــــــــه

[قلـ الأسـد ـب]

نور الوله حسب راي الشخصي فان المكياج مطلوب لاكن ليس بمعني التكثير منه لانه الله يحب الجمال ولاكن لا ايد من يحطون المكياج من دون مناسبه فقد لاحظة الكثير من الفتيات وبالذات الطالبات بالمعهد او الجامعات انهم لا يذهبون الا بالمكياج وهنا السؤال لماذا ؟ انا من سوف اجواب واقول لك للفت النظر الشباب وليس غيره هذا فكيف علي طالبه ان تضع المكياج وهي ذاهب للجامعة او المعهده وتقولون الشباب هو من يعاكس ويضايق اليست الفتاة بافعاله هي من تعاكسه بلفت نظر الغير اليها فهل يعقل ان الشاب منا يضايق الفتاة من غير سبب واقعي فسبب الاول هو الكثر من المكياج وغيره من امور ثانيه في الشهر الفاة وهو شهر رمضان الشهر الفضيل لفت نظري سياره علي شارع الخليج وفي عز النهار أربع من الفتيات الصغيرات بالسن وكان واضح عليهم صغر السن والذي لفت نظري هو شكلهم وجمعتهم بالسياره فكان من الواضح انهم طالبات كانو مكثير من المكياج لدرجة لفت نظر الغير لهم بصوره وقحه فهل هذا يعقل من بنات الكويت المتاثيرين بالغرب واعمالهم فقد كانو يرقصون وصوت الموسيقي عالي لدرجة يسمع من علي بعد 20 متر تقريبا اعلم اني دخلت في موضوع غير الموضوع الا تبينه لاكن اسمحلي فهذا ما رئيته وضايقني

[محبــوب القلـوب]

مشكورة اختي نور الوله على هالموضوع الحساس وهو المكياج صدقيني صار المكياج بالنسبة للبنت موشرط تكو البنت حلوة ولا جيكرة والله المكياج صار بالنسبة للبنت نفس الهوا ونفس الماء مافي غنى عن هالشغلات اللي بصراحة البنت تنفق نص مصروفها اذا كانت طبعا موظفة عليه تدرين اختي هالسنة اكبر نسبة استيراد مكياج حق الكويتيات مادري ليش يمكن البنت تحب التغيير مادري البنت الي كانت عمرها 11 سنة بنت عمية تفتحت عيونها للدنيا وتعلمت ان المكياج صار لها نفس اللعبة قبل البنت الصغيرة تشتري لعبة باربي وتجرب عليها شعر ولا مشط بلاستيك الحين باربي اكبرت صارت تجرب على نفسها تدرون البنت تصرف 200 دينار كل شهر على المكياج وااتمنى اختي الوله ماطولت عليج بس صج ماقلت السلام ولا قلت احم احم نص اللي هني بنات
برررررررررررررررررررررررررررررررررب ناطر الحش قصدي الرد لوووووووووووووول

[alwalah]

مشكور اخووووووي قلب على المداخله الحلوه منك بس ترى صج البنات لين صارو يبون يلفتون النظر يحطون المكياج

مثل ماقلت في الجامعه او المعاهد هم مفتكرين اذا حطو مكياج دبل بيصيرون حلوين انا مانكر انه المكياج له دور في الجمال :rolleyes:

بس مو بكثره عاد وموضوع البنات اللي يحطون ميكب برمضان هذي الظاهره صارت عادي الميكب صارخ جنهم مايدرون انه في شهر عباده

مو شهر تعدل ومصخره مثل ماذكرت صج هذي الموضوع داش عرض لوووووووووووووووول بس هذي الشي صج يصير عندنا :D :D

ويعطيك العافيه اخوووي على المرووور الطيب



كل التحيااااااات :


نــــــــــــــــــــــور الـــــــولــــــــه

شوفوووووووو الصوره مافي داعي حق كل هالميكب :p لووووووووووووووووول

[alwalah]

مشكووووووووووووور اخوووي عزوبي ويعطيك العافيه على المداخله الحلوه صج والله :)

انا لاحظت بنات الكويت كله مكياج في مكياج مادري ليش احنا في البحرين عندنا يحطون بس اكثر شي حق الجامعه

خبرك عشان لصبيان يطالعونهم لوووووووووووووووول اما عن موضوع اليهال والله صج انه اليهال قبل ابرياااااااااء وفيهم شي اسمه براءة طفوله

وكله البنات مثل ماقلت العابهم باربي يعني شغلات بنات لكن الحين ولايدور تلقه تطلع مع امها تأخذ مكياج وباليل تقعد تمكيج عمرها وهي ياهل

ام 11 سنه 13 سنه بالكثير والمشكله الاهل مايقولون لهم شي بعد والله حاله (( زمن اقشر عسى تنفج رقبتي فج لووووول )) :rolleyes:

على العمووووووووووم المكياج مثل ماقلت صار جزء من الحياة وانا اتمنى انه بناتنا مايتمادووون في هشي ويخربوون خلقة ربهم وعساني ماطووول

(( كل هذا وماطولتي خذتي كلام اللي جدامج واللي وراج يمه منج لووووووووول >>>> تكلم روحها لوووووووووول )) :D

وفي النهايه تقبل كل التحيه مني :



نــــــــــــــور الــــــــــولــــــــــه

قبل اليهال براءه هذي الصوره حق عزوبي لووووووووووووووول :D

[تمرد امراة]

شكرا يالوله على هالموضوع تعقيبا على كلام قلب الاسد وعزوبي وانتي اعتقد ان المكياج احيانا مايكون غرضا للفت الانظار فقط وموكل وحدة حطت مكياج يعني بتلفت احيانا اكون عادة تعودت عليها البنت او كل الي معاها حاطين فاتحط او بشرتها محتاجة لتغطية فتغطيها بمكياج الاساس او .......او.........او..............يريت انحط اعذار احسن من نسب كل من احط مكياج بالانحطاط الاخلاقي وبالنسبة للي شفتا يا قلب في الشارع هذي فئة صغيرة من البنات ما تمثل بنات لكويت بشي ولا نحب انا نذكرهم ونقول الله يهديهم...وبالنسبة للبرائة الي اختفت ياعزوبي فعلا وهذا مو لسبب البنات بل من الانفتاح الي صار الحين احنا ضحايا ولكن هذا مو عذر لازم نلجأ للدين فنسلم ونواجة هالفتن الي تصير وبتصير الله يكافينا شرها

[alwalah]

مشكوره حبيبت قلبي تمرد على المداخله المتميزه منج ياقلبي ومشكوره

ايضا على توضيح وجهة النظر حبيبتي وتسلمييييييييييييييييييييييييين لي يالغلا


كل التحيات :


نــــــــــور الـــــــــولـــــــــــه