شغل البيت تعذيب ام تهذيب؟؟

[كتكووته^^مكتكته]

×?°السلام عليكم يا بنوتات×?°


قلنا بنوتات يعني شباب وقفوا بعيد وخلكم على جنب

شغل البيت هل هو تعذيب للبنات خصوصا اننا بزمن الخدامات وميري يبيلي قلاص ماي وكاندي عطيني الريموت؟؟


والا تهذيب للبنت وبناء امراه وست بيت للمستقبل درجه اولى؟


ان وجد ,, وطبعا مو وايد ومو كلكم
شنو شغل البيت اللي تحبونه؟


وشنو اللي ماتحبونه.. طبعا اظن حدث ولا حرج



انا بالنسبه لي

مستعده اسوي كل شي

الا اني اغسل الصحون

لان اظافري يتكسرون وملابسي تتنقع

:)


يالله يا بنات همتكم ,,
شغل البيت ناطركم


وعشان ما انسى

×?°النقاش هدفنا ×?° ,,,

[عيميه^بدويه]

جلام يسلموو كت كت عالموضوع اهوا اذا تبين الحق اهوا تهذيب وبالعكس



شغل البيت يخليج ست بيت اد الدنيا بس احنا وين وشغل البيت وين اولا اللي كليه واللي دوام ومدرسه


بعدين بطالع تلفزيون بشبك بدرس بطلع وخاصه ان اكثر وقتي رايح صراحه عالطلعات يعني كلش ماكو وقت


حق شغل البيت فالخدامه وايد احسن الا بالطباخ وييع لا ماحبها وانا من ناحيتي عكسج احب غسيل الصحون و

على تكسر الاظافر لبسي قلوفز وبعد احب تنظيف غرفتي بس اما غرف غيري لا انسي واللي ماحبه الكوي

وتصفيط الملابس والكنس ( الخم ) الا اذا سيراميك او رخام امسح الارضيه وناسه وبس سلامتج قلابش

[كتكووته^^مكتكته]

°ˆ~*¤®§(*§*)§®¤*~ˆ°عيميه بدويه°ˆ~*¤®§(*§*)§®¤*~ˆ°


اي انتي خو الله يعينج

كلش ماعندج وقت حق الشغل

مو فاضيه

:)

تلقيص ومداهر ومكاصخ

وايد سوالف

:)

لا انسي انا شي في غسيل ما احبه كلش

الطباخ والقص والتزيين لعبتي

بس غسيل
نو نو

عشان جذي خدامتنا تكرهني
لاني اطبخ واكود المواعين
ويالله غسلي

تنغث ,,,


منورتني

[AWRAD]

صباحج ورد كتكوتي


اكيد شغل البيت يخلي البنت ست بيت فيرست كلاس.. بس احنا تعودنا على الخدم .. لان اصلا ما عندنا وقت حق مجابل شغل البيت

:)

انا اكره شي اسمه طباخ و غسيل الصحون .. مادري ليش متعقده من المطبخ

بس اكثر شي احبه اهو الترتيب.. وخصوصا ترتيب رف الاكسسوارات عندي .. اعشق عالشغله

و عموما انا ما احب احد يرتب غرفتي غيري .. علشان جذي تلاقيني حابه هالشغله من قلب

:)


شاكرتلج على هالموضوع الحلو مثلج
الله يعطيج العافيه

[ام البيبيات]

الله يعطيج العافيه كتكوتي وتسلمين خوش موضوع

انا غرامي شغل البيت خصوصا الغسيل بانواعه المواعين الملابس /واحب الطبخ سعادتي وانا اطبخ تعرفين من

عمري 9سنوات وانا اطبخ وطبعا احب الشغل كله بوجه عام بس شغله وحده مااحبها لاتقولين لي سوي حلووو

طبعا اذاكان بسيط اسوي والبركه بوصفاتج كل شئ صارعندي سهل عسي الله يخليج لنا ولايحرمنا منج

[بـاربـي]

الله يعطيج العافيه حبوووبه على الموووضوع

آنه من ناحيتي عندي شغل البيت حق البنت تهذيب

ماأحب الكوي بس باجي شغل البيت أحبه وبالأخص التنظيف هوايتي

ومثل ماقالت اختنا عيمية^بدوية الوحده منه مو فاضية يا دراسة ياطلعة ماكو وقت حق الشغل

بس من ناحيتي خميس ويمعه أطلع حرتي بالشغل

ومشكوووره ياقلبي على الموووضوع

.................................................. .................................................. ......................................

[HoNeY RoSe]

انه عندي شغل البيت تهذيب ..

بس ياكثرهم عند الله الي ما احب اسويهم :>



ما احب اغسل مواعين .. ما اكنس ... ما احب انشف مواعين وهالسوالف .. وترتيب ثياب :p >>> كبتي بكمل الشهر مو مرتب :>

وايد ..

بس احب انظف غرفتي مو وايد بعد هههه .. واطبخ بس ما تخليني امي اطبخ ...

والصراحه احنا ورانا مدارس يعني ما عندنا وقت نظف ونشيل ونحط .. ابدا مو من صوبي ..


مشكوره كت كت ع الموضوع ..
ربي يعفايج ياقلبي

[كتكووته^^مكتكته]

|--*¨®¨*--|ورودتي|--*¨®¨*--|


صباحج سكر

ومساج عسل

منورتني والله

فديت اللي يرتبون رف الاكسسوارات والله


مره وحده رتبيلي اكسسواراتي لانهم شي دش بشي واذا ييت بطلع وخاطري البس شي
تلاقينهم داشين ببعض ولازم اقطع لي سلسله وامشي
:)

[كتكووته^^مكتكته]

|--*¨®¨*--|ام البيبيات|--*¨®¨*--|


يا ست البيت يا انتي



حلاتج والله
وزين دام وصفاتي مسويه شغلها
عيل كل يوم بيبلج خلطه

منورتني

[كتكووته^^مكتكته]

|--*¨®¨*--|باربي|--*¨®¨*--|


الله يعينكم عالدراسه والله



انا ايام الدراسه كل ماكان في شغل بيت
اقول عندي امتحان
:)

منورتني

[كتكووته^^مكتكته]

|--*¨®¨*--|امرآة الحديد|--*¨®¨*--|

عاد انتي سالفه دارج اللي جنها داري

وتكود الاغراض بالدرج

تثبتلي ان انا وياج ستات بيت درجه اولى

بس ما الومج

انتي الدراسه والامتحانات


الله يوفقج حبيبتي

[clupatra79]

CC0033 السلام عليكم والله يعطيكى العافيه كتكوته على الموضوع لانه مهم طبعا لاى فتاه

اولا وانا بنت وده من وقت قصير كنت بكره شغل البيت وطول عمرى النانى بتعمل البيت وتاخد بالها مننا او بعد كده امى وطبعا كنت اتعودت على الكسل انما بعد الزواج قررت ان مفيش خدم او نانى وانا الى بعمل كل حاجه طبعا كان فى الاول صعب انما كل شىء بالتعود وعايزين تعرفو اسوء حاجه عندى تطبيق الغسيل فى الدواليب يييييييييييييييييييييييييييييييع بس نصيحه مش لازم الاعتماد على الخدم لان ليها مساوىء

[lulu]

تسلمين غلاتي
كتكوته
على الموضوع الجميل
اكيد شغل البيت تهذيب
وانا اشوف وجود الخدم للمساعده
والمفروض كل البنات يتعلمون شغل البيت
وهذا لمصلحتهم لانها بتتزوج وبتخدم زوجها واولادها
والحمدلله انا اطبخ واغسل وعيان واغسل ملابس واكوي وانظف
مع وجود ومساعدة الخدم طبعآ
إلا بعض الحلويات ما احب اطبخها او ما تعلمتها
تسلمين يالغلا ولا تحرمينا من مواضيعج القيمه
وربي يعطيج كل الصحه والعافيه

,

[كتكووته^^مكتكته]

*·~-.¸¸,.-~*clupatra79*·~-.¸¸,.-~*



عدل كلامج
الخدم ما وراهم الا الدوخه وبدال لا يرتبون البيت يخربونه زياده
مو حلو البنت تتعود عالخدم


منورتني

[كتكووته^^مكتكته]

*·~-.¸¸,.-~*lulu*·~-.¸¸,.-~*


الله يعافيج ويسلمج


انا ممكن اسوي كل شي الا الكوي والغسيل

الطباخ عاد هوايتي وبالذات الحلو لان فيه تزيين وسوالف ديكورات احبها

منورتني قلابش