شنو الشي اللي شريتيه وتحسفتي؟؟

[كتكووته^^مكتكته]

مرحــــبا



عشان كلنا نستفيد ن اخطاء بعض
ومانطيح في الغلط اللي طاحت فيه وحده من خواتنا

ياليت لو كل وحده تذكر لنا منتج او عطراو ميك اب او اي شي ( بنوتي ) طبعا استخدمته وتحسفت
يعني مثلا قالولها انه مبيض او مقوي للشعر او عطر قوي وريحته حلوة او كريم حمايه وعقب مااستخدمته شافت انه مايفيد ولا قد المديح اللي انمدح ..




انا بالنسبه لي ..
شدوات شارمل خذت سمعه عالفاضي وكريمهم الاساس بعد يتكتل عالويه ومافي حل وسط يا ابيض ابيض جنج كاسبر او اسمر جنج ماخذه تان ..


عدسات جونسون مع ان الوانهم وااااايد حلوة بس تحرق العين مو بس انا اعاني اغلب رفيجاتي يشتكون من هالعدسات ..



انصحوني بحبوب فيفول حق الشعر لا فادت شعري ولا قالها الله بس اتفختني عالفاضي ...


تحسفت اشكثر لما شريت امبولات تفخ الخدود مااستخدمتها الا مرتين والحين الكرتون قاطته بالدرج ...


مشكلتنا كل ما سمعنا شي بنجربه وفلوسنا طايره على غير سنع
ساعات يصير الرخيص احسن بوايد من الماركات اللي كلها نفس الشي وماكو شي مميز فيها ,,


عطر بريتني انغريت فيه ,, الناس اذواق يمكن عاجب غيري بس بصراحه جنه حلاو بايت حده بايخ هالعطر كل مااشوفه عالتوايت ودي اكسره ...




اذا تذكرت شي بقولكم ,,

ناطره تفاعلكم

[الريم اللعوب]

والله انتى ساجه وانا جذي سار لي مع العدسات وميك اب شارمل حتى مكياجي على الطل الوان مائييه بس لعب بالووويهه

وعطر برتني اييه والله وانتى ساجه انا بعد تلووع جبدي منه جنه حلاوو مكتووت علييج

لوول من جد ولله اغلب للي قلتييهم سارووو معاي هم الصبغات في صبغت ولاء مووو شي ما تصبغ عدل ما تطلع اللوون عدل حدها موو شي

والله وانتى الساجه الماركات ما تنفع بس خسارت فلوووس على الفاضي وحنا اووول ما نسمع بالشي نركض ورا جنه مهبل

بس خووو اناا خذييت تجارب من الدعايات ما اشتري شي الا وانا سأله عنه توووب بعد

تسلمميييين قلبووو على المووضوع الحلوووه وان شاءالله اذا سارل معاي شي

اووو لقييت منتج غرييب ما عجبني بقوولكم

ربي يعطييج العافيييه سوري على الاطاله

تحياتي

[AL_3aNeEeDaH]

والله وايد وعلى قووولتج مررررات الاشياء اللي نشتريييها من الهناااادوووه تكووون احســن بمليووون مره من الماركـــات :p

مشـــكووووورة على الموضووووع :)

[كتكووته^^مكتكته]

دلع

ذكرتيني بالدعايات
انا شي عندهم مااتعامل معاه
لان بالدعايه شي
وعندج شي ثاني



منوره الموضوع حبيبتي

[كتكووته^^مكتكته]

العنيده

منورتني يالغلا
بس بغيت اسامي منتجات عشان ما نتعامل معاهم

:)

[عيميه^بدويه]

يعطيج الف عافيه كتكوتي عالموضوع وفعلا وايد نطيح بهالاخطاء وماكوو فايده مانتعلم وانا وحده كل يوم شاريه شي وعقبه تشوفينه مع الفاتوره مقطوط اتحسف ليش شريته وطبعا شغلات وايده ميك اب او بدي وايد صراحه بس اللي طرى على بالي الحين شدو شارمل شريت نفنوف عرس اخضر وابي شدو نفس الدرجه رحت شارمل عطوني شدوو بالمحل ينن بالبيت ويع ويع ويع صج صج تحسفت وشريت ماسكارا ماركة لوريال توها نازله من غير لا جربها وبالبيت صج تحسفت ماعجبتني وطبعا غيره وغيره وايد وانشالله كل ماذكر بقولج :) وعساج عالقوه عالموضوع الحلو

[AWRAD]

..

تسلمين كتكوتي على الموضوع


بالنسبه لي
انا جربت كحل اسود من جيفنشي وما عجبني.. ما يثبت ويدمع العين
اكثر من وحدة اعرفها جربته ونفس المشكله

وفي شغله ثانيه
جربت بودره مضغوطه من سيسلي
غاليه عالفاضي .. وتخلي الويه اجلح

هذي الشغلتين اللي طروا على بالي الحين وانشالله اذا تذكرت راح اقولج
الله يعطيج العافيه

..

[ŋαŋ]

أمممم

بالنسبه لي

لمآ شريت قلووس من مكياجي رفيجاتي بدايم بمدحون فيه
قالوا روحي مكياجي و اشتريه و ما رآح تخسرين شيء
لمآ شريته وحطيته ع شفايفي وععع استغفر الله اهو لونه وردي واذا حطيتي على الشفايف صار بني غامق كأنك مدخنه زقاره وبعد فيه عيب ان اذا تبين تمسحينه بيالله ينمسح كأنه ملزق فيج .. مثل الصمغ

يعني خســرت 700 ريال تقريبـآ على الفاضي ..

يمكن هذا الشــــيء الوحيد اللي تحسفت عليه لأن دايم اشتري من ذووقي وانا مقتعه فيه فيطلع زين وما عليه اي كلآم


تسلمين حبيبتي ..

[كتكووته^^مكتكته]

عيميه بدويه

حلوة منج ويع ويع ويع
لا تعيدينها بس :)

منوره الموضوع يالغلا
اهم شي انا نستفيد من تجاربنا ومانطيح في نفس الغلطه

[كتكووته^^مكتكته]

ورودتي

انا بصراحه ما جربتهم

بس زسن قلتيلنا
عشان ماافكر اشتريهم

منوره الموضوع غلاتي

[كتكووته^^مكتكته]

ريمي

مكياجي اخذ خبه اكثر من اللازم
احسه مال يهال
مايصلح لنا

منوره الموضوع

انا ماافكر اشتري شي من مكياجي مره

[الحب اسرار]

عادي نشارك وياكم لووول

<<< راز ويهه بكل مكان



اممممممم


انا صارت لي سالفه غريبه عجيبه وتحسفت عليها وايد الصراحه

كنت بسافر الامارات واهلي درو اني بسافر ويا ربعي

فقال لي ابوي ابيك تييب لي ساعات سواج " ماركتها سواج حق الي مايعرف "

المهم سعرها بالكويت 55 دينار وبوي ربعه كلهم عطوه فلوس وعطاني اياهم عشان اييبها لهم

رحت الامارات ودشيت السوق وخذيت الساعات اطلعت علي الساعه الوحده 450 درهم

يعني تقريبا 36 دينار كويتي

قلت خلني اشتري جم وحده زياده اطلع فلوس السفره

وشريت ثنتين حقي وحده ابيعها ووحده استعملها

المهم يوم رديت الكويت و لا الساعه بالكويت صارت تقريبا 38 او 39 دينار

والساعات طاحو بجبدي محد يبي يشتري لوووول

لا وربع ابوي الي خذا فلوسه والي شرى ساعه قبل لا انا ارجع لوول

:(

[كتكووته^^مكتكته]

الحب اسرار

منور القسم والموضوع

اي ساعات سواتج صارت شوربه والكل لبسها
انا والله شريتها وما لبستها الا مره

وين مااراوح اشوف الناس لابسينها
وزين يسون خذو فلوسهم :)
لانك لو بتبيعني بدينار ما اشتريها منك :)

اتغشمر ..
لانك راح تعطيني اياها هديه :)

>>> عياره