أعمال شاقة لبنات المنتدى ( بالحركه بركه )

[كتكووته^^مكتكته]

~*¤ô§ô¤*~مســـــــــ فل ـــــائكم~*¤ô§ô¤*~


اول شي

انا مادري من وين ييبون الامثال
كلها ضدنا

عالعموم

لو حدج الزمن على اختيار احد الاعمال الشاقه التاليه


1-الخمام




كنت وايد احبه ايام ما كانت داري زل

بس ما كنت استخدم المكنسه الكهربائيه
كله بروش ومكرافه >> نظام اول وغاويه تعب :)

بس كنت اكتشف ان شعري يحت

لاني ما اخم الا الشعر :)


>> لا يحوشك لو شيصير ما اختاره لان عقب ما اخلص متوني كلها تعورني ( الكبر شين )


2- الطباخ



انا احب الطباخ

بس بالنسبه لي مزاااااج

اذا كان لي خاطر
ابدع

بس اذا جذي داشه العب

لا والله اخبص بس يطلع الناتج مقبول

واظن عيوم تعرفني اكثر وحده تحمل جدور :)



3- غسل الملابس



طبعا هذا هوايتي

>> مخلصه تايد وكمفرت البيت

احب غسيل الهدوم ( هدومي وبس )

واتفنن بعد

الاسود بروح ( بالشامبو الاحمر مال العبي )

الفوط بالكمفورت

والملون بروح طبعا والابيض بروح :)

4- غسل الصحون





طبعا هالشي ما اسويه لو ما يبقى فبيتنا عود

اكثر شي اكرهه بشغل البيت هو غسل المواعين

دايما ادش المطبخ اطبخ واخلي الصحون مكومه
وتحقد الخدامه طبعا

مااضحي باظافري انا ونعومه ايدي :)


5- تدريس احد افراد العايله



مسكين اللي بدرسه

امه داعيه عليه

واذا احد جبرني ادرس واحد من عياله
يكون هالشي على عيني طبعا

ويشبع زف وطق مني لو سالته وجاوب غلط

اشوه ما اشتغلت مدرسه
جان كل يوم شكوى بوزارة التربه ضدي

[كتكووته^^مكتكته]

6- تنويم الاطفال



مادري ليش من احط ياهل بحضني ينام !!!

مع ان الاغلبيه تشتكي من سهر عيالهم

ويقولون ان تنويم الياهل اصعب شي
انا اشوفه سهل ومافي اي صعوبه

7- نشر الغسيل




يعتمد عالجو طبعا

اذا حر نو وي
واذا برد نو وي

وهم اذا ربيعي مستحيل لان مره قرصتني نحله وحرمت عقبها :)


8- مساح الجام




هم هذا ما احبه لان دايما ما اقوم فيه عدل
وكل ما ارجع القى في جهه مو ممسوحه :)


9- ترتيب الملابس ورصها بالاكبات ( جمع كبت مادري صح او غلط :) )



حلو منظر الكبت عقب ما يترتب
بس يخرررررررررع والملابس فوق بعض جنهم طالعين من حلج بقره :)

10- كي الملابس



الله يخلي المصبغه

اشحقه عوار الظهر

لو ما يقى بكبتي ولا خرجه
ما اكوي الملابس

اما عوار رقبه بيحوشني ( اشدعوه )


بهالزمن مادري جم ايد يبلنا عشان نخلص كل هالشغل :)




هم اشوه في خدم نشخط فيهم :)


شنو تختارين وليش؟؟


وشنو رايج بشغل البيت عموما

بالنسبه لدارج الفوضويه



منو يرتبها

انتي والا الخدامه والا الماما؟؟


والا مره جذي ومره جذاك؟؟

نبي الصراحه بالردود

يا ستات البيوت

[عيميه^بدويه]

شوفي يا كتكوته يا مكتكته



بشكل عام شغل البيت ماحبه


بس

الطباخ هوايه تجريبيه يعني توني تحت التجربه مو مثلج يا ام جدور البهلول :p


احب الطباخ بس ماعرف صراحه ميح :)


اما غسيل الهدووم اسمع عنه بس ماعرفه كلش كلش وعلى قولتج الله يخلي المصبغه


احب غسيل المواعين متعه عندي احب تنظيف المطبخ


دم ضروسي الكوي وماعرف كلش تعال واضحك اذا كويت فوطه ماعرف


تدريس اليهال زوينه فيه اطول بالي شوي بعدين طق :)


تنويم اليهال ماحبه كلش لان الدوده اللي عندنا بالبيت ينومني واهوا بعده قاعد



بشكل عام اعتمادي اكثر شي عالخدامه الا غرفتي انتي شايفه كبرها ماقدر على تنظيفها بروحي


فلازم الخدامه صراحه تساعدني فيها


بشكل عام ماحب شغل البيت لكن اذا مملكتي الخاصه(بيت الزوجيه) لا عاد اقلبه جنه :p


تسلمين عالموضوع الاكثر من رائع وطوول عمرج افكارج روعه

[كتكووته^^مكتكته]

عيومه

فشلتيني

قصيتي ويهي

وانا اقول مشرفة قسم المراه اكيد بتكون ست بيت درجه اولى

خلاص هونت يبا بحطج عالمواضيع المكرره :)


من ناحيه الدوده ينومج ولا ينام انا معاج فيها

عطيه خزه من خزاتي المعتاده يطخ على طول


منورتني

[عاشقــ تويتي ـة]

[font=Comic Sans MS]كت كت

تسلمين على هالموضوع الحلو
إبداع الصراحة

أنا بسوالف المطبخ أفشل
وبسوالف غسيل الملابس من كثر ما افشل يمكن اخلي ويه أهلي تحت الرمل من الفشلة
مرة غسلت عباية الماما صارت وردية من على الأطرف <== ليش ما أدري
أما غسيل الصحون أضبطج فيه بس خليني أخلص من الغسيل تلقين المطبخ صار سكيتينق

وصلنا عند الشي اللي ابدع فيه اللي اهو تدريس أحد أفراد العايلة هوايتي بس المشكلة ما اعرف اصرخ على اليهال اللي أدرسهم لانهم يعرفون إني ما أعصب فيستهينون فيني ويلعوزوني .. فأحب أدرس أحد كبير
:) ما أحب أدرس اللي أصغر مني (( من أخواني خصوصا )) كلش كلش أما إذا عيال الناس عادي صغير كبير نوبروبلم

وااا حياتي اليهال أمووت على تنويم اليهال فديـــــــــتهم والله ,, أكبر دليل مرة بنوم عيال بنت عمي
صعدتهم فوق داري انا نمت واهما ردو إنزلو :p

نشر الغسيل .. منو أنا ...؟!؟ مافي شغل
مساح الجام .. هذا أحبه لأن أقعد أغني وأستعرض وانا امسح الجام
نو وي ارتب الملابس بالكبت هذا من تاسع المستحيلات


فبالنسبة لأسئلتج
الله يخلي الماما واايد واايد تنظف داري
وكلمتها كل ما تنظف داري (( هالغرفة ماراح تتسنع لو مهما ننظفها )) ::$$
وبالنسبة لأدراجي الفوضوية أتذكر مرة الماما والبابا مسافرين
وانا بالمدرسة وعندي إختي الكبيرة الله يسلمها :) دشت داري ونظفت أغراضي (( من غير حق ))
وقطت كل شي ما عجبها (( من مجلات وقصاصات جرايد .. الخ ))

سوري طولت عليكم :$[/font]

[* مغـ،،ــرورة *]

حبيبتي كت كت الف شكر لج على الموضوع الرائع

اولا انا مالي بشغل البيت ولاشي ولاشي
كل مادش المطبخ امي تزفني :p
تدرون ليش ؟
لان لمن تقولي سوي جذي اسوي شي غير واخرب المطبخ واطلع <<<< وناااسة
ولاتقولي ييبي شي مثلا اروح ايبلها شي ثااااااني ماله شغل بالسالفة
يعني انا ست بيت فاااشلة :( شسوي بعد

حبيبتي متميزة بمواضيعج الرائعة

[AL_3aNeEeDaH]

شغل البيت عندي انا مزاااااج لووووول

احب اطبخ واعدل الغرف واجابل اليهال ادرسهم وانومهم و احب اكوي,, (امووت باليهال)

غسيل الملابس والمواعين وتصفيط الملابس والكووي والخم لووول هذا مو عندي انا ما يمشي :p

(( طبعا اعرف اسويهم بس ما احبهم مالي مزاج يعني لوول ))

وغرفتي حقي بروحي يعني اقدر اعدلها بس ما اخمها اخلي الخدامه تخمها لووول

وطبعا لما اكون في بيت الزوجه هذا شي ثاني ,, اسوووي كل شي :) << اصير ربة منزل مثاليه لوول

ثانكيوو كت كت عالموضوووع !!

[قمر الكويت]

و الله وناسه شغل البيت ترى :p


أولا أحب اغسل هدوم لان انا اغسل هدومي بس طبعا بالغساله :p

هم اتفنن على قولتج الابيض بروح و الالوان بروح و الاسود بروح :p

و الطبخ عـاد على حسب المزاج على قوولتج اذا كان لي خلق اصك على منال العالم < قولي و الله :p

و اذا عاد مالي خلق اسمم اهلي كلهم :p

و اما داري خليها بصووب انا اللي ارتبها و اعدلها و كل شي يعني احب اهتم فيها

و هدومي و كبتي انا ارتبه صج احيانا تلقين فووضه بس انا اللي ارتبها ما اعتمد على الخدامه :p

عااد تعاالي عند الكووي اوف اوف حارقتلج تيشيرتات اخوي ثنتين الله وكيلج و حجاب أمي :$

ما احب اكوي الا حجاب المدرسه :p

و احب اغسل مواعين وناسه :p

أما التدريس لا يحليلي بالي طوووووووويل بشكل فضيـع بس عااد لا اتنرفز احذف الكتاب و صاحب و الكتاب :p

وووبس

تسلمين حبي و عساج عالقووه

[دلــ بزياده ـــع]

ثانكس يـ كتكت

مشكوره ويعطيج العافيه

تسلمـ يدينج على طرح هالموضو المفيد

.................

اما انا عن نفسي انا وحيدة الماما والبابا

يعني ماكو يهال وهمـ مااروح لـ المدرسه بالمره

والخدامه يصير عندها الشغل بسيط ماكو شغل وايد

انا احب قعدة الصبح وارتب غرفة نومي كل يومـ

وهمـ ارتب غرفة الماما والبابا بروحي كل يومـ

وهمـ مراتـ ارتبة البيتـ وهمـ مراتـ اسوي الفطور حق البابا والماما

اما عن كبتي وداري انا اللي ارتبهمـ دايمـ بروحي وانضفهـــــ ااا بعد

اما بـ المطبخ فاشله 100% بس في شغلات انا اسويها سهل ومتعوده عليها

اما عن الغسيلـ .. مراتـ انا اغسل ملابسي بـ الغساله

هذى اعمالي اليوميه بـ اختصار

...

[كتكووته^^مكتكته]

عشوقه


تسلمين عالتواصل حبيبتي
ماله داعي تعرفيني بنفسج
اعرفج شغيله :)
ذكرتيني بسالفة الادراج
يبيلي حمله على ادراجكم

[كتكووته^^مكتكته]

مغروره

على جذي بعطيج كورسات :)

منوره حبوبه

[كتكووته^^مكتكته]

العنيده
اي خو احنا عند الريل

حاجه تانيه :)

منوره

[كتكووته^^مكتكته]

قموره
ست بيت يا عسل
الله يحميج ولا يغير عليج
ولا يورطني واعطيج شي تضربينه اوتي :)

[كتكووته^^مكتكته]

دلوعة


الله يحميج ويحرسج
ويخليج للماما والبابا يارب