مفتي السعودية ينتقد المسلسلات التركية "الانحلالية

[BIG^BOSS]

السلام عليكم ورحمة الله وبركاته



مفتي السعودية ينتقد المسلسلات التركية "الانحلالية










الرياض (رويترز) - نسبت صحيفة يوم الاحد الى مفتي عام المملكة العربية السعودية انتقاده للمسلسلات التركية بوصفها "خبيثة وانحلالية وضالة" على الرغم من الشعبية الجارفة لمسلسل (نور) " Noor" المدبلج الذي يعرض في قنوات فضائية عربية.

وقال مفتي عام المملكة ورئيس هيئة كبار العلماء وإدارة البحوث العلمية والافتاء الشيخ عبد العزيز بن عبدالله ال الشيخ خلال حفل ختامي لمنتدى في السعودية ان القنوات التلفزيونية التي تذيع تلك المسلسلات معادية للاسلام.

وأضاف في تصريحات نشرتها صحيفة الوطن السعودية "أية محطة تنشرها فانما هي محاربة لله ولرسوله.. لا يجوز النظر اليها (المسلسلات) أو مشاهدتها ففيها من الشر والبلاء وهدم الاخلاق ومحاربة الفضائل ما الله به عليم".

وقالت الصحيفة انه وصف تلك المسلسلات بأنها "اجرامية وخبيثة وانحلالية وضالة وضارة ومؤذية ومفسدة".

وأشار الى أنه يتحدث باسم هيئة كبار العلماء.

ونال مسلسل (نور) " Noor" التركي كثيرا من الشعبية منذ اذاعته على قناة تلفزيون (ام. بي.سي) MBC الفضائية المملوكة لسعوديين. وصار بطله التركي الوسيم كيفانك تاتليتو محط اعجاب كثير من النساء العربيات.





,
,
,
,

,
,


فمان الله

[**funcky^girl**]

[align=center]يعطيك العافية اخوي

و انا اشوف ان كلامه عدل 100%[/align]

[«…أحلـى…كـلام…»]

الله يعطيه العافيه ويطول بعمره

ويجزاه خير على الفتوى اللي انتظرها من وقت ..

ومثل ما ذكر " انها محاربة للإسلام "

والطامه الكبرى صاحب القناه من الكبار بالمملكه

نتمنى يصغى لـ هالأمر ويكون فيه جانب آخر من بعد صدور الفتوى


" يثبت لمشاهدته " ..

كل الشكر بيج بوس ،،

[SuL6aN]

بيغ بوس

يـ ع ـطيك العافيهـ ع الـ خ ـبر

. . .

بس اهوه على اي اساس يقول انها معاديهـ للإسـلآم . ؟

اهمه الناس طبيـ ع ـتهم جذي .. وبعدين تركيا

جمهوريهـ علمآنيهــ ..

على طول صار المسلسل معادي للإسلآم

هل في المسلسل ما يشوهـ صورة الإسلآم ..؟

المسلسل من اول حلقهـ ماشفنا فيه شي عن الإسلآم

. . .

انا من اشد المعجبين بـ مسلسل " سنوآت الضيآع "

وانا اشوف ان السينآريو زين صج ان تمر اربع حلقات مافيها احدآث

بس ع الاقل احسن من مسلسلاتنا الخليجيهـ ..

النص الي تحت مقتبس من مسلسل كويتي .. . ..

_الو بو عبدالرحمن .. شلونك .؟
_تمام الله يسلمك انتا شخبآرك .؟
_الحمدلله , بو عبدالرحمن مشغول اليوم ؟
_ لا والله آمر
_لا بس انا عآزمكـ ع العشا اليوم بإيطاليا . شقلت .؟
_خلاص ماعندي مانع .

النص هذا الي فوق مقتبس من مسلسل كويتي

يعني هل المشاهد سفيه عشان نخلي السيناريو جذي

عازمه ع العشا بإيطاليا . .

المسلسلآت الخليجيهـ تصور واقع المجتمعات الخليجيهـ الواقع السخيف المادي البحت . . .

المسلسلات التركيهـ .. تصور الواقع التركي .. هذي طبيعتهمـ شكو نقول عنهم جذي . . .

. , .

استآذي بيغ بوس

يـ ع ـطيك العافيهـ وعسآك ع القوهـ

سوري ع الإطآلهــ

[**funcky^girl**]

اخوي بيكهام
:")

شوف انا اعتقد ماكو انسان صاحي فالدنيا يقول ان المسلسلات الخليجية هادفة (الاغلبية)
كلها خمر و سكر و بنات و دعارة و مغازل
بس!!!

ان المسلسلات التركية غزت العقوووول بطريقة غير مباشرة
صج ان في ناس كانت متابعة لمسلسلات مكسيكية بس اهما مو مسلمسن و عندهم كلشي عادي
و بعدين هذيلا الي تابعوا لمسلسلات المكسيكية ما انتجوا بلايز على صور الممثلين و لا فتحوا مطعم شاورما على اسم المسلسل و لا غيروا اسامي بناتهم و لا صنعوا شبس بأسم المسلسل
و انا عندي معلومات اكيدة سامعتها في الاخبار امس ان بالخليج صار في 700 حالة غيرووا اسامي بناتهم
هاذي غير الي انولدوا و سموا بأسم البطلة
اوكي بس موضوع محاربة الاسلام ما وضحت لك
شووف
الاتراك مسلمين و الي يتابعه يدري انه اهم مسلمين بس اهم عندهم الشرب حلال و عادي
و بعد مسلسل سنوات الضياع البنت تحمل بالحرام و مستانسة و المجتمع مستانس و اهم مسلمين
و بعد ... و بعد
و كل هذا و تقول مو منحلة
بس انت شوف كل شي الحين بالسوق مكتوب عليه (نور)(مهند)(لميس)


بس حبيت اوضحلك وجهة نظري لان بصراحة مقتبساتك للمسلسل الخليجي استفزني لان معرووف انها منحلة و الكل يحاربها فليش نجذب على عمرنا و نقول ( ليش ما تكلمنا يوم صار كذا و كذا ) ؟؟
:2ar15smilie:
و سلامتكم

:")

[SuL6aN]

**funcky^girl**

اهم شي انهم .. "" مسلمين "" .. بس الشرب عندهم حلآل

اي اسلآم هذا الي يحلل الي حرمهـ ربنا .. جل جلآلهـــ ..

بـ ع ـــدين انا شرحت وجهة نظري اهوه يقول معآديهـ للإسلآم

والمسلسلآت ماتعرضت حق الإسلام والمسلمينــ . . .

بـ ع ـدين .. انتي تقولين ان النآس غيروا اسامي بناتهم

انا سمـ ع ـت هالموضوع

الي اهوهـ ان الناس يسمون اسامي بناتهم وعيالهم على اسامي البطل او البطله

نور مهند .. لميس .. تيم .. يحيى

اي كان الاسم واذا يسمون مطاعمهم على اسم المسلسل انا اشوف ان هالشي

مو من المسلسل من بعض العقلياتـ المتخلفهــ

. . .

وبالنسبهـ حق موضوع لميس انها حآمل بالحرام وجذي واهيا مستانسه

. . . اهيا مسيحيهــ والحين بدول اوروبا والدول المسيحيهـ عموماً المولود

الام تقدر انها تسجلهـ بأسمهآ . . . يعني الشي هذا مو مقتصر على لميس ولا ع الاتراك

الموضوع هذا عند الجآليهـ المسيحيهـ عآدي . . .

مشكورينـ مرهـ ثآنيهـ

[رووح الانـوثهـ]

انا اللي اشوفهـ انه المسلسلات المكسيكيه صار العن من جذي ومافي احد حرمها والمسلسلات الخليجيه بعد مثل ( الانحطاط في مسلسل الامبرطوره) هم هذي محد حرمها جت عالمسلسلات التركيه ؟؟؟!!

اولا انا اعتبر تركيا دولة مو اسلاميه وحالها حال الاجانب وابدا عمري مافكرت اني اقلدهم بشي بصراااحه انا من متابعين مسلسل نور وعلى اخر الحلقات ومابقى شي ويخلص المسلسل والحين توهم يحرمونه لمن وصل للنهايه ليش ماحرموه من الاول ؟؟؟!!

بصراحهـ مسلسل نور اعتبره مسلسل اجنبي وعمري مافكرت انه هالمسلسل تركي واسلامي !!!! واتابعه واابدا ماعمري فكرت اقلدهم ..!!

وعلى فكرهـ فيلم تايتنيكـ سووا عليه فنايل وشيبس واقلام ودفاتر ومذكرات ؟؟؟ وماحرموه..

ولبنان همن دوله فيها مسلمين ويشربون ويحتفلون وكل شي عندهم عادي ومسلسلاتهم العن من مسلسل نور !!

عالعمووم يسلمو بيج بوس عالخبريهـ ..!!

[rose85]

[align=center][rainbow]والله انا اشوف شمعنا الفتوى ما طلعت الا على المسلسلات التركيه اظن mbc قنوات ملك للسعوديه هذا الي اعرفه كاهم يحطون افلام اجنبيه مسلسلات سوالف تفشل شمعنا ما طلعت الفتوى انا اقول ماله داعي حالهم حال اي مسلسل اجنبي اوكي تركيا دوله مسلمه بس عاداتهم اقرب للاروبيين يشربون ويسوون سواد الويه احنا علينا من قصه وبعدين صج المسلسلات الخليجيه ما قصرو ليش ما يفتون يقولون هذا حرام

بس عاد تبون الصج انا اتابع مسلسل نور اوكي بس في ناس عقولهم صغيره الي يلبسون بلايز على صور الممثلين ثيمات خلفيات كل شي شدعوه عليكم كبرو عقولكم مع احترامي لك راي وكل كلمه
هذا راي
وشكرا[/rainbow][/align]

[كويـتي][F.B.I][]

غريبـــــــــه

بيج قــال مفتـي وهذول يعترضـــون

اركدو واجعلو الشياطيـن تركـــد

هذي شهواتكـم تحلل هالمسلسل وكيـفكم الله الي يحاسب

بيكهــام المسلسل حرام ولاجدال في ذالـك

وبعض الخوات الي قالو ليش هالمسلسل شمعنــي

لان الاتجاه اصبح عليـه كبير والمفتي من دوره يخبر الناس انه حرام
وبعدين كل مسلسل في شذوذو حرام او فلـــم

سنوات الضيـاع لا اجد فيه سوا بهايــم تمثـل لعقول ضعيـفه
تحلل ماتريـد


شكرا اخي بيج
وكل كلام شيخنا الفاضل صحيح

وخل الربع يفتون الذنب لـهم

[SuL6aN]

[align=center] بهايم تمثل لعقول ضعيفهـ << هذا رايك

كلآم الشيخ الفآضل صحيح < هذا رايك

. . .

انا اشوف ان المسلسلات التركيهـ عآديهـ < هذا رايي

مشكورينـ [/align]

[كويـتي][F.B.I][]

خلاص امش على منهجها

يعني لاصارت بحياتك تعتبرها عاديــه

لاتغار على حرماتك كما يفعلون

تسكر كماا يسكرون

تزني كماا يزنون

هل كل هذا عادي بنسبه لـــك..؟عجيب انت

[SuL6aN]

كويتي

يا اطخهـ يا اطلع مخهـ . . ؟؟ ! !

يا اما اني اتابع المسلسل واقلدهم في كل شي

ولا اني ما اتابع المسلسل مرهـ وحدهـ . . ؟

. . .
هـ م ـسهـ //

مو بالضروره اني اخليهم قدوتي . . واقلدهم في كل شي

انا اشوف ان متابعة مثل هالمسلسلآت شي عآدي . . .

انا ما قلت تصرفآتهم . . .

. . .

بعدين على اي اساس احنا نلومهم على تصرفآتهم

اذا تركيآ جمهوريهـ علـ م ـآنيهـ .. واغلب الشعب مسيحي

. . .

[Mr-F9la]

والله انا ماشوف ان فيها شي ان تابعنا هالمسلسلين !!

بس مادري ليش مطلعين فيهم عيوب الدنيا ماشوف فيهم شي

على الاقل احسن من مسلسلاتنا !!

يعطيك العافيه بيق بوس

:)

[تمنيتك]

كل واحد بيفتي علي كيفه ؟؟

شكو معاديه للاسلام ؟؟ لااهم سبوا الاسلام ولا شي


انا مع اخوي بيكهام

تراا اهم مسلسلين حالهم حال اي مسلسل ؟؟

مسلسلات الخليجيه صارت ابله منهم ؟؟ شدعوا بالمسلسلات الخلجيه البنت ماتطلع مع الصبي ؟ ماتحمل منه و الويسكي .. كل مسلسل والله شكثر مسلسلات جذي .. مو يتحجون عن الواقع ؟؟؟ ليش هذي عاداتنا ؟؟


مادري ترا اهم مسلسل وبيخلص وخلاص .. قام الدنيا وقعدت شدعواا

[SuL6aN]

تمنيتك

اهوه مفتي السعوديهـ عدل

وينتقد مسلسل تركي . . ؟ ؟ !!

ليش ما سمعنا انتقاده عن مسلسل ( اسوآر ) السعودي

وكان ع الـ ام بي سي .. ؟

والي تابع المسلسل وشاف ميساء مغربي شنو كانت تسوي

مع السآيق . . يعرف ليش . . ؟

مشكورين مرهـ ثآنيهـ