مع السلامه باطلع من المنتدى نهائيا

[غربه سجين]

بسم الله الرحمن الرحيم


ماراح أقول الى اللقاء باقول الوداع



أتمنى من أي عضو غلطت بحقه أو إني كتبت موضوع يجرح أحد أعتذر لكم كلكم




سامحوني ماأنا إلا بشر يخطئ ويصيب


وأدعوا لي أن أقبل قدمت على ماجستير في الفيزياء النوويه




أختكم /غربه سجين

[ام البيبيات]

الله معاج اختي ويوفقج يارب وان شاء الله ترجعين لنا بخيرلاتقولين وداعا قولي الي لقاء

[غربه سجين]

لا وداعا

الدنيا تفرق ماتجمع

[غربه سجين]

أنا باأطلع لأني بصراحه منبوذه في هالمنتدى

[بـو حبيب]

افا اختي افا عليج بس

بالعكس انتي اختنا

بس انتي اللي قاعده تقولين حق روحج هالكلام

وانتي مو منبوذة بالعكس ومواضيعج مميزة

ويالله قعدي ياويلج ان طلعتي

دمتي بود

[غربه سجين]

بو حبيب


هذا من طيب اصلك يالغالي


مااظن اني راح اتراجع عن قراري

[BIG^BOSS]

السلام عليكم ورحمه الله وبركاته


اختي الغاليه والله مادري شقولج مشاركاتج 46 ما اقول الا الله يوفقج يالغاليه ونشالله النجاح دوم في حياتج وانتي طلعتي امبجر من المنتدى لكن تركتي بصمه عضوه طيبه وحبوبه ومحد زعلان عليها ولا شي وفكري عدل قبل لا تطلعين يالغاليه والله يوفقج ومع السلامه .

[غربه سجين]

مشرف منتدى السيارات

كلك ذوق وكلامك درر لكن انا تحطمت


اول موضوع اكتبه ينحذف لي


بالله مو تحطيم



يشرفني مروروك يااخوي

[BIG^BOSS]

اختي الغاليه انتي زعلانه عشان انحذف لج موضوع يمكن الموضوع مكرر ؟

[غربه سجين]

اخوي ادوشتك معاي



مشكور على اهتمامك



اتمنى يكون مكرر

[BIG^BOSS]

لا عادي اختي انتي عزيزه وغاليه والله ومانبي نخسرج وعساج عالقوه يالغاليه وتحياتي لج بتوفيق ونجاح .

[عاشقــ تويتي ـة]

هلا حياااتي

ما عليه ياقلبي

طبعا قريت رسايلج اللي يتني وانا رديت عليهم

اتمنى تاخذين بكلاامي

وياربي تردين عن قرارج وبخصوص ان في موضوع محذوف لج

اكيد اما يكون مخالف لقوانين المنتدى او انه بيكون مكرر

وانا ما اعتقد يطلع منج شي مخالف

فشي أكيد بيكون مكرر لان اي موضوع مكرر من واجب المشرف انه ينقله لمنتدى المواضيع المكررة

فأنا أقوول استهدي بالله حبووبة وخلج بمكاانج

وبالعكس ليلحين محد شااف خيرج من شرج ,, شلوون تقولين عن نفسج منبووذة

وبخصوص درااستج الله يوفقج ومنها للأعلى



مع السلامة

[غربه سجين]

عاشقه تويتي


الله العالم انك لك معزة بقلبي


ارتحت لك ياقلبي


بس افكر بالموضوع وارد لك

[غربه سجين]

انا لي اكثر من 8شهور ادخل زائره بهالمنتدى

منتدى رائع واعضاؤه مو كثير

المواضيع تاخذ حقها بالنشر

علشان كذا سجلت فيه

[غربه سجين]

فكرت



وفكرت


وفكرت



لقيت انه لاجل عين تكرم مدينه


وانا علشان عيونكم يالي تفاعلتم مع موضوعي هونت ماباطلع من المنتدى



انتم قدرتم تخلوني اتجاوز الاحباط الي كان فيني


اتمنى تتفاعلون مع موضوعي القادم


بعنوان ذكريات طفولتي مع الصور