دردشة صباحية ومسائية

[@منطوق قلبي@]

هلا والله أخوي سهااااالات أخبارك
والله لكم وحشة ماتبينون مب شي الدردشة من غيركم
أقوش مادري شفيه علينا قطعنا مره وحده يلا عذر الغايب معاه
انا سمعت عن ماكينة الخياطة بس ماصدقت ترى السالفة طلعت صج

متااااااابعه
تحيااااااااااااااااااااتي

@منطوق قلبي@

[ســهـالااااات]

هلا غلاي منطوق قلبي

عساج دوم بخير وصحه وعافيه

طبعا هذي المكينه سالفتها صج وبالاول كانوا يقولون انه جذبة ابريل

لكن تبين انها حقيقه

يعتقد البعض ان الي يسعون لشراء هالمكائن عندهم مخططات مشبووووووهه والله العالم

انا اقول يمكن صج يعني لو نفكر هذيل الناس العاديين شيبون بالزئبق وللعلم الزئبق

مو متواجد الا بالعراق وخصوصا الاحمر يعني شئ غريب بصراحه

تحياتي لكم حبايب قلبي

الحين اخليكم واذا الله كتب بليل اكون وياكم

تحياتي

[Demon of Dark]

بصراحه سالفة الزئبق انا مو مقتنعه منها كلش
مو داشه راسي <== المخي رافض تواجدها شسوي


ومن زود قناعتي لقيت لكم المقال هذا شرايكم فيه


نصـاب وطماع وزئبـق أحمــر



هل يولد النصاب نصاباً أم يصنعه المجتمع؟ وهل يولد الطماع طماعاً أم يربيه المجتمع؟؛
أسئلة كبيرة بحاجة إلى بحوث ودراسات وخبراء في تخصصات عدة ولن يتسع المجال هنا لمحاولة الإجابة عنها؛ ولكننا نسمع ونشاهد ونعرف الكثير من النصابين والطماعين بل وقد نكون من ضحايا النصابين في فترة من حياتنا أو ضمن قائمة الموصوفين بالطمع.
الشائعة الأخيرة عن الزئبق الأحمر الموجود في إبر مكائن خياطة قديمة لنوع محدد منها والتي رفعت سعر هذه المكائن بصورة كبيرة والتي أطلقها نصابون وركض خلفها طماعون وتداولتها مواقع الإنترنت ورسائل الجوال استدعت أن يصدر من وزارة الداخلية ممثلة في المتحدث الأمني لها تصريح تحذر فيه من تصديقها ومن النصابين الذين روجوها.
إن شائعة الزئبق الأحمر تمثل حلقة من مسلسل مكسيكي أو تركي طويل بدأ عرضه منذ زمن في مجتمعنا وقد يستمر سنوات طويلة ويكشف لنا في كل حلقة منه واقع شريحتين من المجتمع بدأتا تنموان بصورة كبيرة؛ الأولى شريحة النصابين الذين يتفتق ذهنهم على أفكار جديدة كل يوم ليمارسوا النصب والاحتيال على الآخرين مستغلين بصورة رئيسية خصلة الطمع التي يغيب عقل وإحساس من تتمكن منه وتجعله يقدم على مغامرات غير محسوبة بصورة سليمة وعلى استثمارات وهمية أو القيام بتصرفات لا تمت بصلة إلى العقل والتدبر والمنطق وهؤلاء هم من يمثلون الشريحة الثانية التي بدأت تزداد بشكل كبير في المجتمع.

إن الرغبة في الثراء السريع وضعف فضيلة القناعة لدى هؤلاء تجعلهم يريدون أن يتجاوزوا كل مسوغات النجاح في الحياة؛ مادية كانت أو غير ذلك من خلال القفز فوق القيم والمبادئ أو تغييب العقل والمنطق وهذا ما عزز قوة خصلة الطمع لديهم مع أن الغالبية منهم يقعون ضحايا نصب واحتيال الشريحة الأولى فتجدهم يخسرون مدخراتهم والبعض يخسر عقله واتزانه وجميعهم يخسرون احترام الناس لهم قبل خسارتهم احترامهم لأنفسهم. ولكن لماذا يحدث هذا السلوك ويتكرر في مواقع مختلفة من بلدنا وبأشكال وطرق مختلفة وكيف يمكننا معالجته؟؛
إن الضبط والانضباط هما الأساس في معالجة هذا السلوك؛ فللتعامل مع النصابين من المهم أن تكون لدى المجتمع ممثلاً بكل فئاته الرسمية وغير الرسمية أدوات قادرة على رصد ممارساتهم وضبط مرتكبيها ومعاقبتهم بما يردع كل من تسول له نفسه التنفع بهذه الممارسات؛ أما الانضباط فهو سلوك مجتمعي نتحمل مسئوليته جميعاً يجب أن يعزز لدينا القيم الإنسانية الإيجابية النقية التي تحارب القيم السلبية الفاسدة؛ فالقناعة تقطع دابر الطمع والرضا يحجم شهوة الاستحواذ والعدل يمنع الظلم والصدق يقضي على الاحتيال وتحكيم العقل يقتل الشائعات والخرافات حتى لو كانت زئبقاً أحمر في إبرة ماكينة خياطة قديمة يستخدم في السحر واستخراج الذهب والكنوز المدفونة !!!.



ها شرايكم باللي مكتوب


لكم مني الاحترام

....

متابعه :)

...

[ســهـالااااات]

صبحكم الله بالخير حبايب قلبي

والله ما ادري شفيني قلبي ناقزني

واسولف مع روحي عيوني تدمع بروحها

صرت اخاف اقول يا ستار شبيصير عسا خير يارب

اقولبها يمين اردها شمال نفس الشي ولا اي تغيير

الله العالم باسرار القلوب

وربي يعدي كل شي على خير ويصلح الامور

اتمنى تكونون بالف خير وعافيه

تحياتي لكم

[Demon of Dark]

صباحك نور خيو

لا توسوس هونها وتهون

ترا الدنيا ماتسوى تسوي بروحك جذي

....

اقووووش وينك غايب عنا

...

متابعه

[@منطوق قلبي@]

صبـــــــــــااااااااح الخيـــــــــــــر


ما أجمل الحياة وفيها عزيز يتذكر وقلب يتأثر ومخلص لا يتغير ....

عطر الله صباحكم وقلوبكم بالطيب ورزقكم بالخير وأسعد أيامكم....

((( جمعــــــــة مبــــــــــــاركــــة)))


تحياااتي
@ منطوق قلبي@

[ســهـالااااات]

متى الايام تجمعنا بحبايبنا تعبنا الصبر ملت مدامعنا

احب هالاغنيه وايد وعلى فكرة اهي حق حاتم العراقي


بصراحه صار جدامي موقف يوم امس كنت طالع مع واحد من ربعي

واقفين الاشارة حمرا احنا بالحارة اليمين وبالحارة الوسطيه كورولا فيها بنت

والحارة اليسار واحد راعي بورش لفيت ويهي والا ماشالله لا اله الا الله

مو بنت وربي قمر جد والله ما تنوصف الي حصل ان راعي البورش قاعد يكلمها

ومن هالسوالف انا وصاحبي نتطمش بنشوف شتسوي له

والحبيب يكلمها يحاول الظاهر ما نفع جان تبطل الدريشه وتطلع راسها وكرمكم الله

بصقت ( تفلت) بويها ومشت اهي كملت سيده واهو راح فوق تحت

طبعا انا قلت يستاهل وصاحبي ميت ضحك

مع اني افضل ان البنت تكون ساكته ولا ترد على احد حتى لو تحرش فيها

بس زين تسوي فيه طقت روحها خخخخخخخخخخخخخخخخخ

سلامي لاختي منطوق قلبه

شلونج خيتي بشرينه عنج اتمنى تكونين بصحه وعافيه

اختي ام كرشه ديمون ايييه وانتي بعد طمنيني عنج

وربي لكم وحشه وحشه وشوووووووووووووووق ولهان عليكم وعلى سوالفكم

وينك اخوي اقوش ما تبين اتمنى تكون مرتاح وبعافيتك

[Demon of Dark]

اخوي سهالااات البنت بصراحه ماتنلام
بس لو مكانها احقره ما اتعب لساني مع ناس جذي

زين تسوي فيه يستاهل بصراحه


انا بخير اخو دامك بخير يالعصقول <=== سمعتها من سلامااات مالي شغل

صج اقوش وينه مختفي لايكون فيه شي
اقول سهالااات شوفه شفيه وطمنا

متابعه

:)

[ســهـالااااات]

خو يا ام كرشه لو اعرف اخبار اقوش جان ما سالت عنه

خخخخخخخخخخ مساكم الله بالخير

اقوش مو موجود ومنطوق قلبه ما ادري شفيهم

انشالله يكونون بخير وبصحه وعافيه

بسم الله علي وين عصقول شحلاتني

جسمي يهببببببببببببل فديتوني خخخخخخخخخخخخ

والله امس كنت شابك مندمج واسولف مع رفيجي فجاة انقطع جك بم فصل

والا الجهاز بكبره معلق

وتو بعد فصل علي وعلق الله يستر شكلي بدور لابتوب مو وقته وربي اهي اهي

لي باك

[Demon of Dark]

اها الله يعينك

شدراني قلت يمكن تقدر تعرف اخباره

<=== متابعه

[ســهـالااااات]

في سؤال محيرني

ليش الحريم ما يعجبهم العجب لوووووول

عاد من زينهم

[ضـاري]

لأنهم / ناقصاات عقل ودين ..

[Demon of Dark]

السلام عليكم

لا تعممون الشي
الحريم مو كلهم نفس الشي

وذكر مقولة ناقصات عقل ودين
تفسيرها مو نفس اللي الاغلب يعرفه


<==== سهالاااات خلااااص كااافي
شنو ام كرشه ترا ماصارت

اتمنى مالقاها مره ثانيه

....

متابعه

...

[ســهـالااااات]

اروع ما لدى سهالات هو رفع ضغط الفتاة خخخخخخخخخخ

شرايكم في بيت الشعر هذا لوووووووووووول

اي والله صادق اخوي ضاري

ناقصات عقل ودين وفوق هذا ما يعجبهم العجب

خاكتوسريت والله

لا وديمون معصبه بعد يوووووه قصدي ام كرشه خخخخخخخخ



شفتو اشلون اهي اهي اهي

حاطيني بمسابقة صاحب الشعبيه الكبرى

ضيقوا خلقي الله يستر

مالي خلق اسوي دعاية واعلان

ام كرشه لا تنسين تصوتيلي خخخخخخخخ <<<=== حلوه هذي ام كرشه وتبي صوت بع

اقول استرييييييييييييييح

لنا عوده

[Demon of Dark]

اوكي هذا رايك فينا
حجي حلو

لا والله وتبي اصوت لك
ماراح اصوت

و لا تقول مره ثانيه ام كرشه
لان صج صج ترا ماصارت
قلنا نتغشمر
بس مو جذي

ياااربي مليت طقت جبدي

متابعه

:(