دردشة صباحية ومسائية

[Demon of Dark]

صباحكم سكر
اخباركم عساكم بخير

والله حاله كل مره نفس السوالف
انتخابات تحقيقات و صداع بالراس

ربي يعين
<=== قولي الله يعين الشعب اللي صوت والاخر مالقى شي منهم

يارب يكون المجلس المره هذي افضل من اللي قبل

...

خيتو سهم هونيها وتهون


متابعه

:)

[اقوش]

مرحبا

شلونكم

ارحب بسهم الغلا وغلا ابوها في الدردشة

وعوده لدردشة بعد العشاء اللذيذ

وهو عباره عن جنيبات طلى ومرقه لحم << أسد

ايه نسيت اقولكم شنو صار اليوم الصبح

اليوم قعدت من النوم الساعه 7 صباحا

وفى هذا الصباح الجميل المفعم بالنشاط والحيويه

واتريق ذاك الريوق

واروح للديوانيه والا الحمدلله ما فيها احد <<< الضفعه

لا يعنى حلو جو الديوانيه تقعد بروحك وتشرب شيشة

والشياب من غير شر رايحين للجيك يدلكون عضلاهم

الله يردّهم بالسلامه

<<< وانت شمقعدك

والشباب فى دواماتهم وانا بطّالى

جان احط اللابتوب بالدوانيه واقول للقهوجى ضبط لى شاى كشري

واولع الشيشة وادش المنتدى ناوى اسولف واستانس

وتونى سويت داش المنتدى وتونى بكتب << اقول اخلص عاد

والا واحد من جيرانّا الشياب داش الديوانيه

ويصارخ : سلام علاكم

يعنى اطالع واقول بنفسى : يا معود مو وقته

ويقلّط ويقدع ويتقهوى

وانا مزاجى كان اشبك واسولف

وينشدنى الشيبان واعلمه

وينشدنى عن الابل واعلمه

وينشدنى عن دوامى وليش انا مو مدوام ووين دوامى

وشنو سيارتى وجم رقم السياره وجم رقم فانيلتى اللى لابسه

وهات يا اسئله

وانا مترّبع وحاط ايدى على خدى واجاوب

والقهوجى صار له ساعه واقف

والحبيب بين كل فنجال وفنجال 13 الف سؤال

قلت خن ابيّن له انى مشغول

واجابل اللابتوب واهو يطالع فينى مثل اللى ناقد على

واقعد اطقطق بالكيبورد يعنى انى عندى شغل

قال هذه الحديده اللى اشوفها حتى عند عيالى هى وشنهو ؟

يقصد الابتبوب

وانا اقول فى نفسى : وليش ما سألت عيالك انت وراسك

تسألنى انا لييييييييييييييييييش

قلت هذا كمبيوتر وانا الحين داش البورصه بشوف الاسهم

انا قلت هذا عذر يعنى عشان افتك منه واجابل المنتدى

اثارينى طحت فى شر اعمالى

طلع الشايب عنده اسهم ويوم طاحت الاسهم حاشته جلطه

استغفر الله هههههههههههههههههههههههاى

المهم

جان ينط وشوى يقعد بحضنى

قال شف لى الشركه الفلانيه والشركه الفلانيه

المصيبه انى ما اعرف للاسهم وعمرى ما اشتغلت فيها

ولا اعرف الموقع مال تداول الاسهم

قلت هذه النشبه

قلت : يبه السريفيس تعبان وماكو كونيشكين بالواير ليس

قعد يطالع فينى وقال : انت وشتقول ؟

يمّى الطفايه قعدت اطالع فيهاااااااااااا وافكر

قلت لا حرام

المهم قلت له مو راضى يدخلنى على مكان الاسهم

ومن الساعه 8 الصبح للساعه 11 وانا اسولف معاه

لين حاشنى احباط واسهال

ويوم بغى يروح قال يلا اكرمكم الله

قلت له : وين تو الناس يا بو فلان ؟

قال : اباروح عندى شغيلات بخلصها

قلت فى نفسى : اذلف ذلفك الله

عاد وين لوين اقوم الصبح

اتذكر اخر مره قعدت الصبح قبل الغزو

وكله اسهر

والله قعده الشياب وعلى وقوله صديقي بالمسن الاماراتي الشواب

حلوه جلستهم وما تنمل لكن عاد لا يطلع واحد مثل هذا

ويكتم انفاسى مثل ما كتمت انفاسكم بسالفتى

تدرون بعد جو الانتخابات الكئيب ودي اضخك وافرفش بس شلون

عاد فية تقلصات بمعدتي ذابحتني تتوقعون شنو السبب !!

انا بعلمكم

اعضاء جسمي اختلفو منو يصير الرئيس

القلب قال انا لاني اوزع الدم عليكم ولولاي اتموتون

الرئة قالت استريح انت ودمك لولا الاوكسجين اللي اجيبة لتخيس انت ودمك

الكلة قالت لحظة وين رايحين انا الرئيس

انا اللي اصفي دم القلب الملوث بكسجين الرئة

المخ قال لولا تنظيم عقلي جان مدد يقدر يأدي وضيفتة انا الرئيس

واهم في جدال لتزعم رئاسة الجسم

دش عليهم الز........؟؟؟؟؟ ياربي شلون اقولها

انزين فهمتو

جان يقول انا الرئيس

طالعولة بحقارة قالو ياالله برا مابقي اللي انت يا.........

قال زين انا اوريكم ماني طالع

يوم يومين اسبوع واهو متمسك بالمصارين عيا يطلع

الجسم تلوث القلب عيا يصخ الرئة ماتقدر تسحب الهوا انخنقت من الرئحة

والكلة داخت والمخ عفن

قالولو اطلع انت الرئيس بس فكنا

<<<شقصدك بالدردشة هذي !!

ابيييييييييييييييييية

لا تأسفن على غدر الزمان لطالما ... رقصت على جثث الأسود كلابا

لا تحسبن برقصها تعلوا على اسيادها ... تبقى الأسود أسوداً والكلاب كلاب

ابارك للعضوات وللبراليين دخول المجلس

[Demon of Dark]

لوووووووووووووول
اما الشايب لا تعليق
جنى صار لي موقف قريب منه بس ارحم
اطلعت تعرف لسوالف الكمبيوتر
وحلاتهم يطبون بدون موعد ماتشوفهم الا عند الباب

<=== اكره الشي هذا لازم يعطوني خبر والا مااحب استقبل احد

اما سالفة الجسم عجيبه <=== يعني تفكير منطقي وسليم ميه ميه


متابعه

:)


وصباحك سكر

[ســهـالااااات]

انما الشياب لا تعليق

يخوك تمنيته عندي اليوم

فعلا تعبان تعبان تعبات النفسيه اكس نفسيه مو شي موليه

حياة ثابته روتين يومي مافي تغيير

والله لو اقولكم يمكن تضحكون علي وصلت فيني الامور اوقف جدام المراية وافكر اقص شعري

العب بلحيتي اسوي شي جديد اي تغيير

يا عمي طوفوا طوفوا عادي تعودت
.............................
اخذت من فلسفة هتلر عدم الالتزام
وكسبت نفسي وريحت القلق والضمير


مــــــــــاأعرف الالتزام..
ومايمشي علي قــــــانون

................

تحياتي

[زقـرتيه]

اشراااااايكم باللي صااااير الحين

بالبيوت ولوية الامتحانات

وكل ابو وام يصير فيهم صداع وعوووار راس

والسبب احنا اللي ما نبي ندرس << فتنت على روحها صج خبله

انا والله يكسروووون خاااااطري ابوي وامي

[Demon of Dark]

سهالااات عادي الحياه مرات تخلي الواحد يطلع عن طوره
الروتين والضغوطات تتعب الواحد لكن يحاول يغير عشان مايمرض اكثر

....

زقرتيه
اما الوقت هذا لا تعليق
حالات استنفار عند البعض
الله يعينهم ويوفق الجميع


متابعه

:)

[ســهـالااااات]

الله كريم خيتي ديمون

اشوف في ريحه انثويه

في ضيف يديد

زقرتيه

هلا فيج خيتي

تصوروا ياجماعة الخير حرمه تغتصب زوجها

اه منكم يالحريم

في واحد يقولي تخيل متلثمه بشماغ وتهدد فيه

بصراحه لا تعليق يعني

ما ادري شتقولون انتو

[Demon of Dark]

سهالااات حلوه بصراحه
اقول لو صار الموقف هذا لك شنو تسوي
<=== خوش سوال صح

يالله عطنا رايك

...

متابعه

:)
...

[ســهـالااااات]

هاي يا حلوين

ادري ولا واحد فيكم حلو الا انا ==>>> يرجى الانتباه لم يتم تحديد اي جانب من الحلا

يمكن برما يمكن كنافه والا لقيمات خخخخخخخخ

الموهيييييم

صج طقت روحي الالهام صاير مو شي والخاطرة ما اكتملت ادعولي

اليوم تقابل الارواح بعالم الخيال واشوف عيونها عشان يكتمل الوصف

ديمون اوف دارك

تبين الصراحه ما طير الالهام مني غير كلامج

حاولت اتخيل روحي بالموقف

اعترف المسكينه حاولت حاولت لكن ما قدرت

بالنهاية اقتنعت انها انثى وبعيده كل البعد عن تجربة الاغتصاب

فاتت مهمة الرجل لتجعل من حاولة الاغتصاب طريحه الفراش بجانب وسادتها

وهي تقول هنئيا لي بزوج مثلك فقد اظهرت جانبك الرجولي

لكن لم اكتفى حتى تعالت صرخاتها بقول

اعترف اعترف اعترف

انا انثى

<<==== ديمون ما استقبل رد لا تعليق


تحياتي للجميع

[Demon of Dark]

عدنا

اخي سهالااات توقعت منك هذا الرد
الذي يدل على انك رجل تثق بنفسك
وتعلم بانك لن تكون في هذا الموقف
الذي لايحمل اي معنى الرجوله العربيه الاصيلة

لك مني الاحترام
دمت كما تحب ومع من تحب

[ســهـالااااات]

ديمون اوف دارك

اعترف شهادتي فيج مجروحه لكن شسوي

ما اقدر اعبر لان راسي بينفجر وربي مو شايل روحي

مجابل لابتوبي غصب واشوف الشاشه 4


لدرجة اني وانا قاعد على القنفه طحت على ويهي

ما ادري شصاير فيني
يترجوني روح الطبيب مو راضي شسوي عناد وما يسوي


النفسيه صايره موشي

الله كريم ويرخص مهور الحريم عشان اتزوج 4 لوووووول

[Demon of Dark]

ماتشوف شر اخوي

اجر وعافيه ان شاءالله وتخفيف ذوب

اي الشرع حلل 4
ربي يوفقك ويهنيك وياهم
وحلاتك تحطهم ببيت واحد

متابعه
:)

[،، سهم الغلا ،،]

صبااح الخير..

شلوونكم .. مع الويك أند..

بالنسبه لي >>> محد سالهاا ..

هالويك اند موشي ...
يسد النفس وملل وو مادري ...

والله يستر ..
بس ويعدي لان عن جد ملل..

[كحيلأن]

[frame="6 80"]

سلام علي‘ـكم ورحم‘ـه (أللـه) وبركـاتـه

السـاعه:5:53

صباحـأ.

..سهرأن.. وودي بلزقـاره .. بس البـاكيــت خـالي ..

والم‘ـاي صارلـه سـاعه يغلــي ..

ومشتهـي شاي .. بس متعاجز اصلحــــه

. والمــللـ والطفشـان ... دخلـ مخـي

وضيـقه ..

وقوقـل وااليوتيـوب < طق مخـه منـي ..

مـافي فيلم بليوتيوب ماشفته..

.. وتونـي متريق كبده<< الله يعز المطـاعم

أشهد انـي مبطـي ماجيت منتــدى

مشـاكلـ هلدنيـه واشغالهـا ( ماتخلص)

وأخيرأ

صبحكم الله بلخيـر..

وعسـى مرتـاحيـن

وأبـارك على المشرفيـن الجدد في المنتدى

وفالكم البيرق..

..

( يازيـن النوم زينـه )

[/frame]

[ســهـالااااات]

تدرووون شلون اخذلي فره واييكم