دردشة صباحية ومسائية

[Demon of Dark]

:>
انا هنا
:$
...
اشتقنا للسوالف نفس قبل
...

[ســهـالااااات]

ايييييييييييييييييييييييييييه

والله ووحشتوا العيون

والله ووحشتوا العيون

[أميره بكلمتي]

: )






...

[Mazyoon]

شـكــ وبارك الله فيك ـــرا لك ... لك مني أجمل تحية .

موفق بإذن الله ... لك مني أجمل تحية .

[اقوش]

ما بين نور القمر الوهّاج

فى سماء الكون الفسيح

وبين الهواء العليل الذى يطرب بنات الافكار

وفوق عرزاله خشبيه على جوانبها شجر الكاربس

وبجانب امانى الماضى الجميل

تسللت لى جوانب المرزعه القديمه

هاضت شجون الموّلع

وفاضت دموع الوجد

وتسلطن الفكر

بجديد الخبر

توهق البطل بنص الفيلم

وعودة لدردشة الصباحية

صباح الخير

شلونكم

والله يتقبل منا ومنكم صالح

كم هو جميل ضوء القمر

احس بحنانه يلفنى

واشعر بجماله يغطينى

ويعجر اللسان عن وصف الحال

والله كريم

عاد بعد فترة انقطاع عنكم ومااجمل صحبتكم في عالم الخيال

اجد نفسي من جديد بالدردشــة انثر افكاري وابعثر مشاعري من جديد ايضا بصحبتكم

ومااجمل صحبتكم

<<< توك قايلها

انزين خلونا نكمل مشوارنا الصباحي

امس رحت للجمعيه بشتري جم غرض

وانا احوس بالعربانه وقفت عند احدى المنتجات

وبينما انا لاهى بمعاينه المنتج

والا اللى يطبطب على جتفى

ويقول : بابا بابا

والتفت والا هندى مادرى سيلانى

ماسك ورقه ومرسوم على ويهه 13 الف علامه تعجب

قلت : شتبى

قال : بابا هذا ورقه مال مدام يبى اغراض

ويمد لى الورقه

واقعد اقرا فى طلبات شجره الدر

يعنى شغلات انا احتار فيها بصراحه

شلون هالفقير اللى متوهق

كسر خاطرى بصراحه

واقوم أأشر له على الرفوف اللى ممكن يلقى فيها طلبات معزبته

واكمل مسيره شراء اغراضى

ولاحظت ان مو بس هالهندى هذا اللى ماسك ورقه

ويسأل فى هالعالم

لاحظت كذا هندى او سائق نفس الشى

معاهم اوراق وطلبات ويشترون اغراض البيت

وكل ما شافوا غتره ودشداشه راحوا له

عاد سرحت بخيالى وذكرياتى ايام ما كانت روحه الجمعيه

فى ايام الطفوله تعادل روحه للمدينه الترفيهيه

ياخذنا الوالد مع المدام اللى اهى ماما << ياروح ماما

ونتسوق من الجمعيه

يعنى افتقدنا هالصفات الحلوه

الحين مع الاسف نادرا ما نشوف عائله تتسوق بالجمعيه

ايييييييييية

نعيب زماننا والعيب فينا ** وما لزماننا عيب سوانا

والادهى والامر

ان من الطبيعى نشوف الام مع اولادها اهم اللى يتسوقون

بينما الاب لاهى بالديوانيه والا باشغاله الخاصه

بل والاسوء من ذلك

لمن تدش محل الكهربائى او الصحى

وتشوف المدام اهى اللى غايصه بين التمديدات الكهربائيه

او المعدات الصحيه وتشيل من البايبات واللوحات الكهربائيه

والله لم تخلق المرأه لمثل هذه المشاغل الرجاليه

يعنى اتصور ان تنقص من انوثتها ان تساوم الكهربائى

ولا يطلع لى واحد يقول السواسيه وحريه النساء ومادرى شنو

الانوثه لها ما يخدشها اذا عملت عمل الرجال

عموما

حتى شغله السائق للبيت صارت ماصخه

يعنى ماشاءالله 13 واحد فى البيت نصهم شباب

ما وراهم الا الهياته بالشوارع

وتشوفون رب الاسره حاط سائق للبيت حق اغراض البيت

طيب وهالكتيبه اللى عندك بالبيت حق شنو ؟؟

يعنى كنا نقول السائق للضروره القصوى

الحين البيت اللى ما فيه سائق هذا بيت راعيه معقّد

وكذلك الحال بالنسبه للبنات والخادمه

البنات تلاقيهم ثلاث او اربع بالبيت

واللى مجابله المنظره وتسرح شعرها

والا مجابله اللابتوب وترافيان

والا مجابله هذا مهند وخليل ولميس وقاعده تبجى

واذا تبى تخطب منهم يشرط عليك ابوهم

ويقول

والله بنتى طول عمرها دلوعه وما تدش المطبخ

والله مالت عليك وعلى بناتك انزين

[ســهـالااااات]

صج والله عاد جذي لا احم ولا دستور

انت باي حق تغيب هالغيبه

ومن سمحلك تطول علينه ها



ورجاءا ما نبي اي مبررات اقناع ضرب اقناع

وين راح هالريال وين اختفى حي والا ميت


صاحي مريض تو تو تو


اقول ترا لنا حق وانت مطالب


ترفع الجلسه لحين سماع اقوال المتهم

^

موجنه قلتها غلط

[اقوش]

صج والله عاد جذي لا احم ولا دستور

انت باي حق تغيب هالغيبه

ومن سمحلك تطول علينه ها



ورجاءا ما نبي اي مبررات اقناع ضرب اقناع

وين راح هالريال وين اختفى حي والا ميت


صاحي مريض تو تو تو


اقول ترا لنا حق وانت مطالب


ترفع الجلسه لحين سماع اقوال المتهم

^

موجنه قلتها غلط

والله ياسهالااات ماانقطعت عن عالم الخيال

وكل يوم اشبك بالساعات ولكم حق بمحاكمتي

بس اخذتني ترافيان حسبي الله علي بليس اللي اخترعها

يعني تخيل بكل سيرفر ابني قرية جديدة ويهجم علي واحد ويدمرها

واروح اشتري قرية قوية ب 30 دينار واكفخ اللي هجم علي

<<<وبعدين هذي حياتك ؟؟

والله اشتقت لكم ولاتذلوني عاد خلاص

[،، سهم الغلا ،،]

هههههههههههههههههه

حيالله حيالله


اقووش منور خيوو

[ســهـالااااات]

يبووووووووووووووووووووووووي

انت الله باليك بتريفيان

انا اعيب ع الي يمي طلعت حتى انت طايح بالفخ


يبا في قريه للبيع واصله 240 دينار لووووووووووووووووووووووووول


محصنه من كل شئ

يلا تشتري


ولا تنسى حلاوة الدلال 5 دنانير او كرت ايزي بو 3




افا عليك بس المهم انك متواجد بينه

ولك وحشه يالغالي


يلا يلا نبي اخر الاخبار بشرنا

[اقوش]

هههههههههههههههههه

حيالله حيالله


اقووش منور خيوو

الله يحييج سهم الغلا

ماشاء الله انا علبالي انقرضتو ومابقي الا سهالااات

وين منو منو منو نسيت

<<< ديمون

اية ديمون الغالية ومنو منو نسيت !!

<<<نوال

اية نوال شخبارها مشرفتنا النشيطة

وبعد منو منو

<<<اريش العين

اية ياحلية عاد اريش العين احس انة بيقول شي من مشاركاتة بس يخونة التعبير

ومنو منو منو

<<< اميرة قلبة

ياحليلها بس اتشكا وينكم ماكو احد يعني مشاركاتها تصرخ وتطلع

ومنو ومنو

<<< انت مال طراقات ماتذكرت رواد الدردشة

انزين

وينكم ماكو احد غير سهااالات شكلي بتحلطم نفس اميرة قلبة

طيب انا بنام عند دريشة الدردشة اذا دش احد قعدوني

[Demon of Dark]

السلام عليكم
صباح العسل والسكر
هلا والله اخوي
توني اشوف النك
نورتنا خيو بوجودك
و عيدك مبارك
<=== خلص العيد من زمان

اممممممممم
وبعدين وين الغيبه
<=== وانتي شكو صج لقافه
...

بالنسبه لموضوعك اللي طرحته
هذا واقع مجتمعنا المر
وبصراحه بصراحه
احنا سفرنا الخدامه قبل رمضان
صج تعب وايد وضغط بس ماعليه
احسن من وجودها لان وجودهم يغثني
ومااحسن وجودها له اهميه وايد
و سالفة السايق وي وي
حدث ولا حرج
مو بس الجمعيه وغيره
تصدق وحده رفيجتي تقول
والله احس السايق اهم من ابوي
لدرجه اذا قلنا لابوي شي قال عندكم السايق كلموه
شرايك فيه هذا مال طق صح

والمراه باليومين هذي صارت تسوي كل شي
يعني الحين اذا ابوي مسافر و خرب ليت بالغرفه اخليه
زين وانت بكرامه مغسلة الحمام ماتشتغل عدل اخليها بعد
لا اسويها وعادي بعد
شنسوي الحياه والظروف مرات تجبرنا نسوي جذي

<=== اقول مو جنج زودتيها بالحجي بس خلاص فكينا

...

متابعه
:)

[ســهـالااااات]

طق طق طق

طق طق طق



اقوش يا اقوش


قوم اقعد ابيك بسالفه


طق طق طق <<ترننننننننننننننننننن<يعني جرس


اقوووووووووووووووووووووووووووووش


اوكي لا تقوم نومة اهل الكهف <انشالله يطلع لك خفاش من الدريشه ويعض خشمك



ديموووووون



يبا شتبون من الخدم ترا محد يدلعهم غير المعزبين

تلفونات وطلعات والا السايق كومار قزرها فرارة ع البحر

ويرد البيت ياكل وينام لا ومرات ما يغسل السيارة الصبح

يقول عطوني فلوس بوديها مغسله


يخاف على بشرته الحنطاويه مع ويها



تصدق من قبل سنه وست اشهر على قولة صباح اللامي

شدني موقف عجيب


اقدر اسميه لك <تعنت خاده في وجه معزبتها>


اثناء تجولي بين ازقة الجمعيه الكبيره وبالتحديد رفوف الحلويات

حدثت مشاجره كلاميه بين خادمه وامراه عجوز في بداية الامر قلت لا يعرفون بعض وتشاجروا


لكن اتضح انها <معزبتها>

وسبب المشاجره حين قامت المعزبه بوضع سنيكرز لبنتها وكتكات لخادمتها غضبت الخادمه

ولم تقبل


فقالت


انتي كله قول انا بنيه داخل بيت سوا سوا ليس زييب سنيكرز هق سارة وانا زيب كتكات

ليس ما في سوا سوا ها


جان تطلع الخدامه برا الجمعيه والعيوز وعاليه تترجاها تعالي <<واحلى سيفون من الخدامه




اقوووووووووووش ما قعدت

[،، سهم الغلا ،،]

خخخخخخخخخخ


والله انا عن نفسي ماستغني عن الخدم


نو نو نو وي استغناء

[ســهـالااااات]

حلاة الواحد يخدم نفسه بنفسه

شفيكم ما تعلمون من اوربا


كله عيز بعيز يبووووووووووووي


انا اقترح

اصدار قانون رسمي بالتقاعد لكل خادمه او سائق يتجاوز عمره الـ 50 سنه

وتكفل الدوله بكل حقوقه بشرط يكون توفير السكن مهمة المعزب



وذلك تقديرا واجلالا واحتراما للخدم لاعمالهم الجليله

وبذل جهود جبارة في مساعده ومد يد العون لاغلب الاسر الكويتيه والمقيمه



^^


قرار يبحث وفي طور التنفيذ


سهالات دوت كوم

القناة الاولى


دمتم

[اقوش]

هلا بأبلة ديمون

سهالااات يالله صباح خير تقعدني علي خفافيش وعض خشوم

يااخي انا ضيف عليكم انطر شوي اتطيح الميانة

والله كلامكم عين الصواب لان المنطق يحتم علي الانسان التعاطي مع الحدث

بنفس المردود المرجو من الفعل نفسة واستخراج استنباطات جزئية تتبلور بعالمنا المعاصر المنبثق

من اللا وعي بحيث الواحد يكتب كلام مو فاهمة ولااحد يسالني شنو كاتب

لاني خفافيش سهلااات يحومون عند راسي

الله مااجمل الشتاء ونسيمة الهواءالعليل لاني فاتح الدريشة وااستنشق السعادة

تدرون بالشتاء يقل الاحباط ونكون دائما بحالة مرح

ويذهب الكسل

ابييييييييييييية

ذكرتوني بابو طنوش ؟؟

هذا يبيلة دردشة بروحها