دردشة صباحية ومسائية

[اقوش]

احم احم يالله صباح خير

[لؤلؤة البحار]

لولوئة البحار


مشكور علي الاطراء قد لااستحقة ولكن هو تقيمج الذي يري كل شي جميل

بالنسبة للقصة هو واقع متشابة لحد ما

ولكن يوجد سوال لماذا يخون الزوج!! او الزوجة!!

هل بسبب الروتين القاتل بتعامل المرءة الجسدي

فا يجد لذة من نوع اخر مع امرءة اخري

او بسبب ذبول العواطف بين الطرفين بسبب انكشاف عيوب كل شخصية

بعد سنين من الزواج فيصغران بعين بعض فلا تتفاعل مشاعرهم

ام هي رغبة شيطانية تتجدد كل مارئا اثارة جنسية قد يكون

السبب المتداول عند العامة هو ضعف الوازع الديني

قد اختلف ليس اختلاف جذري ولكن يوجد رجال ونساء لايفكرون بالخيانة وايضا ايمانهم ضعيف

من وجهة نظري اري فية مشكلة بالتعامل الجنسي بين الزوجين

فا احد الطرفين اجزم انة يخجل من بوح رغباتة الجنسية لطرف الاخر

فا يجد مساحة ينثر بها رغباتة الجنسية مع انثي تقاسنة نفس الرغبة المكبوتة لديها

الموضوع ايضا لا استطيع الاسترسال بة لانة تشخيص الاسباب وعلاجها لايصلح لنشر


هذا رايي بالنسبة لخيانة الزوج في القصة التي ذكرتيها مع تحفض شديد

لكل شخص اسبابه مختلفه قد تدعوهـ للخيانه

من الممكن أن تكون كما ذكرت عدم المعرفة الكافيه قبل الزواج مما يجعل

الزوجين تختلف نظرتهما لبعضهما البعض

ولكننا كشعب مسلم ومجتمع متعلم ومثقف على الزوج أو الزوجه

تحمُل الطرف الآخر ومحاولة تغييرهـ للأفضل لأن الخيانه لم ولن تكون سببا

لحل أي مشكله قد تواجه الأزواج في حياتهم

والهروب من الواقع حل فاشل لأي مسأله تواجه الفرد بغض النظر عن الفشل

في الحياة الزوجيه أو عدم تفاهم الطرفين .

هذهـ وجهة نظري الخاصه


:

ودمتم بود

:

لؤلؤة البحااااااااااااااار

[لؤلؤة البحار]

هلا وغلا

صباااااااح الووردااااااات

موو مصدقه عنووني

أقوش صاحي الصبااح

هههههههههههههه

[Demon of Dark]

بالانتظار

<=== تطالع يمين ويسار وتقول ياربي متى يحط الموضوع
بخاطري اضحك شوي

مو بس بتضغطهم الا بتفجرهم


متابعه

...

[اقوش]

هههههههههــ

صباح النور

تدرين اخر مرة صحيت الصبح قبل الغزو لاني كلة سهران

مداخلتج جميلة وتبين مدي ثقافتج

الجو الان اكثر من رائع فيجبرك النسيم العليل علي الكتابة وانت مبتسم

عودة لدردشة الصباحية

فاصل ونواصل

:)

[لؤلؤة البحار]

حلووهـ

فاصل ونوااصل

>> وش هالغرووور

ههههههههههههههههه

[اقوش]

صباح الخير

واتمني لكم نهار يغلبه السكون والطمأنينة

وتأمل كل ماهو جميل والاستمتاع بة ودعوكم الي الحب والتسامح

لان ممارست الحب بشكل يومي تجدد الانسان بأكملة

والتسامح يجعل القلب نابظ بشعور لايحسة الي المتسامحون

لكن حينما تسأل اي انسان ماهو اجمل شي لديك يقول الذكريات الجميلة

ذكريات جميلة مرت عليكم وتتمنون ان تعود وتحتظنوها بشوق

طيب ماعليتا خلونا نكمل مشوارنا الصباحي

تبون الصراحة مدير المنتدي كلمني وقالي المنتدي يطيئ

وابيك تكلم العضوات يخففون من اوزانهم شوي بس انا استحي اكلمهم

وكلمتك لانك انت ماتستحي طبعا

<<<عزالله عادة لة مايستحي

قلت يمكن بكل المنتديات واهو متوهم

عاد شغلت سيارتي ومريت كم منتدي مالقيت شي

طلع بسبت اوزانكم الثقيلة فااستحو علي وجيهكم شوي وسوو رجيم

مو تقصون علينا وتقولون إحنا ضعاف تري بنحط ميزان علي باب المنتدي

والله بعض الاعضاء يقول انا اكل سلطة وتوست اسمر واهو ماكلة بعير كامل ومفترسة

احنا الرجال والله معذورين ستعش الف عزيمة شنسوي

أذا ماجينا قالو موإجتماعي او قاطع طيب شسوي

مرة حظرت عشي وماتعشيت ومسكني راعي العزيمة وسحبني غصب

ياالطيب والله مسوي رجيم وجاي توجيب لك ماينفع كل كل اقولك كل طيب باكل لاطقني

واطلع وانا ومنتفخ وجني مطقوق موماكل

طيب إحنا معذورين والبنات ليش إمتان ليش

بعرف بس تفرس من هالاكل خايفة اتموت من الجوع

والله مدري

تمرك منتفخة اعوذ باالله قطار مو مرة

اللييييية الحين كلهن يقولن وي أنا بسم الله علي وزني 49

لا والثانية وي انا 48ونص يعني كلش مقطعة الرشاقة

انا توني دشيت بالثلاثين

وياحبيي شوف شنو صارفيني دشيت بحالة إكتأب

قمت وسويت رياضة بطيح وزني >>> يتشبب

أحنا تهون علينا المشكلة بالحريم الله يعينهم

ياخوي حريمنا الخليجيات من تدخل بالثلاثين

تنتفخ بشكل غريب ناقص تعلق خيط عليها وتصير تفيخا

ابيييييييية

اذا الاهل حكرين ماكو نادى

تفتح صفحة الاعلانات وما تخلى لعبه حق الرشاقه والضعف

الا تشتريها وتداوم عليها اسبوع وتالى تحذفها ورا الباب

وتجابل المعكرونه بالباشميلا واللحم والدسم

واذا كانت تروح نادى مجتهده الله يحفظها

ومستحيل احد يدري من رفيجاتها انها تروح نادى

عشان عرس فلان بعد شهرين تبى تسوى مفاجأه

بجسمها الرشيق وقوامها الانيق وتحر بنات عمها ورفيجاتها

عاد كلهم بطّات لا فتحوا البوفيه ما تشوف الا هجموا

وتشوف فوقهم صحون تتطاير وجناط وسكاكين وملاعق

ووحده طالعه من هالزحمه عاضه لحمه هبره كبيره

وتركض مثل الاسد ويلحقونها البنات يبون ياخذون هاللحمه

بحلوجهم واهى تهز راسها يمين وشمال حتى محد ياخذها

والله قاعد اكتب وانا ميت من الضحك لان اتخيل بعض العرب اللى عندنا باللمنتدي

<<< اقول اسكت لا تتعرض لمحاوله اغتيال

لا جد بعض النساء جل اهتمامهم بالموضه والموديلات ومع الاسف مو لزوجها

عشان فلانه تشوف شكلها ولبسها ومن ترجع من العرس

حذفت كل شى ومسحت الميك اب وقعدت مع زوجها ببيجامه النوم

جنها واحد من ربعه ؟ شدعوه عااااد

عاد ديمون من طريقه مشاركاتها البريئه والهادئه

اتوقع انها ضعيفه جدا وطويله لدرجه انها اذا بتدش بيتهم تدنق شوى

عاد انا ما لقيت االي ديمون ذات الاسلوب الراقى

الله الله

لولوئة البحار تتذكرين قبل لمن كنتى بالابتدائي تكون معاكم وحده طويله

الابله تقعدّها اخر شى بالصف

اتوقع اهي جذيه

ما شاءالله عليها

حسبى الله على ابليسي

لا انا كنت اقصد العضوه مناير

<< ايوالله خلهم يدورون مناير فى البحث عن الاعضاء

مصيبه لو تطلع عندنا عضوه اسمها مناير هههههههههههه

[لؤلؤة البحار]

وش ذاااااااااااااااااااااا

<<< تصاااااااااااااااااااااااارخ:kaioken:

وش هالحــ ق ـــد عالبنوتااااااااااااااااااااااااااااااااااااااااااا اات

فديت البنوتات وفديت اوزانهم الرشيــ ق ـــه:dance:


وبعدين لاتحسبوونا مثلكم يالشباااااب

بسم الله عليناا

وهـ وش حلاتنااا

[Demon of Dark]

هههههههههههههههههههههههههههههههههههههه
بطني بطني
اولا توقعك في جزء كبير صحيح
الحمدلله مو بطه ويقولون يبيلي شوي وزن

المهم نرود للحوار

بالنسبه للي قلته اي والله صادق في حريم وايد جذي
يعني البعض
كل همهم الاكل تقول مجاعه
ماادري ليش
ياناااااس الواحد ياكل يسد جوع من ينبط ينفجر
والا تلقاها تقول وي لازم اسوي دايت <=== يعني لغه
والاخت مطيحه بالاكل 24 ساعه
وياليت اكل صحي كله زيوت وشحوم وسعرات حراريه لاخر حد
<=== احلفي انج ماتاكلين مرات جذي <== مرات وربي مرات حدي وجبه و مااكلمها مرات
وتلقاني مو ماكله قبلها يوم كامل شي يتسمى اكل كل سناكس

و الا النوادي شقول فيهم
مره طالعه المركز وشفت النادي اللي يتدربون فيه
خير ان شاءالله دبابات تسوي تمارين
وتلقى الوحده منهم بتموت كل شوي توقف مو قادره اتنفس ابي ماي
والا احلى عذر عندي سكري وانخفض تبي شوكليت <=== خوش نصب
والا الثانيه تقول ضغط وتبي شي مالح
ياحلاتهم
ترا المشي كل يوم والاعتدال بالاكل يحل مشاكل وايد
خليكم مهتمين بنفسكم وصحتكم تراها لكم مو للناس
يعني اذا صار عرس صارت خوش وحده تبي تكشخ تسوي ريجيم
والله ضحك ع تعليقك هجوم وربي مره نقلو لي حجي عن سالفه جذي ماصدقت قلت غشمره
وبعدين طلع صج تقول مجاعه مو معازيم
حمدلله والشكر
<=== حلاتي مااروح الا اذا اكلت بالبيت انتي بالاول روحي بعدين تحجي

ترا الاكل كله مرض <=== شفيج كله قولي اغلبه ترا يصدقون يموتون يوع منج

و بعدين تعال شنو انتو الرياييل عادي
لا والله حلاتك تشوف واحد مرته محافظه ع وزنها وجسمها عشانه
واذا مشت يمه تقول اهو المره وحامل بالشهر ال9 بعد من الكرشه
خو روح نادي امشي خفف شوي
حسسها انها متزوجه ريال مو ماخذه فيل الله لا يبلانا

صج اقوش قولي لو مرو عليك 2 متزوجين
الريال فيل والمره عاديه شتقول
واذا المره دبابه والريال عادي شتقول
واذا الاثنين منهم عاديين شتقول
واذا الاثنين ماشاءالله فيل ودبابه

<=== سؤال منطقي ويحتاج الى دراسه
لمعرفة مايدور داخل راس اقووووش

متابعه

:)

[اقوش]

لولوة ليش تصارخين!!

اقسم بالله اكتب دردشة عنكم باالبنات اخليج ماتدشين بنكج

بس انا ساكت ومابي اصدمكن

<<تهدد

اية اهدد براسك شي

<<< اشفية انفعل

يااخي مااحب الامتان

<<ليش فية متينة ظاربتك

لاشدعوة عااااد

[اقوش]

ديمون قضبني صديق بالمسن وقعد يشكيلي وضع البلد السياسي ويتحلطم

ياالله صباح خير انا ودي اعطية بلوك وافتك

ياعمي انا وين وانت وين

اشوة افتكيت منة

طيب

إذا الرجال متين وقصير والمرة ضعيفة وطويلة

اشوفهم من بعديد رقم 1 ورقم 15

واذا المرة متينة والرجل ضعيف

احس انة مغلوب علي امرة مسكين ويمشي مدنق وراها ومنزل راسة

واهي اللي تشتري الاغراض واهو يفتح بوكة ومدنق راسة ويمشي وراها

واهي اللي صوتها عالي واهو صوتة خافت ومدنق راسة ويمشي وراها

واهي اللي تراجع المدرسة وتناقش الادارة واهو مدنق راسة ويمشي وراها

واخر القصة ودوة المستشفي وعطوة دهون لرقبتة المسكين مايقدر يرفع راسة

هههههههههــ

واذا الاثنين نفس الوزن شحلاتهم جوز كناري تحس لما تنظر أليهم امتزاج شكلي

وإذا اهي فيل واهو دبابة

احس ليما يمشون بحالة توتر تعم المكان يعني ليما يدشون مطعم نظام بوفية يحس بحالة اكتأب

صاحب المطعم

وليما يدشون البلاوكات بيشترون خام مهاوش عليهم

ابييييييييييية

تذكرت رفيجي وزوجتة المتاااااان شلون يجيبون عياااال

[Demon of Dark]

اهم شي انه مسكين مدنق راسه
كسر خاطر

تصدق عاد وانا اكتب تذكرت رفيجه ومرته الله يخليهم لبعض

وبالنسبه لرفيجك بالمسن الله يعينك عليه
وحلاته مزاجك رايق والاخ مزاجه سياسي ومادري شلون
<=== لو عندي اغير الموضوع واخليه ينقد ع روحه
يلقى سالفه داشه عرض عاد اهو يفهم بان سالفته لا تعليق
<== طبعا باسلوب مو جذي بعدين يقولون عني ماكو ذوق ولا برستيج

متابعه
وبنتظار المحور القادم

خوفي انك تطيح فينا البنات وتنسى الشباب
يالله حليك فيهم شوي


:)
...

[لؤلؤة البحار]

بااااااااااااااااااااكـ

[اقوش]

اي باااك يالولوئة البحار

تعبت وانهد حيلي سهران من امس

ومبقق عيوني بالمنتدي

لولوئة تروح تريح وتسترخي وتجيني مهدود حيلي باااااك ومفعمة بالنشاط والحيوية

<<<وانت حاسدها

لا بس احس عيوني طاحو علي خدودي تعبت

<< روح ناااام

بنام بس ماارضي زبونة تجي الدردشة واروح واخليها

<<<شنو يعطونك فلوس هم

اي والله اراكم إذا اسدل الليل استارة وعم السكون بثرثرة مسائية

ماعلية سامحينا يالولوئة

[اقوش]

اهم شي انه مسكين مدنق راسه
كسر خاطر

تصدق عاد وانا اكتب تذكرت رفيجه ومرته الله يخليهم لبعض

وبالنسبه لرفيجك بالمسن الله يعينك عليه
وحلاته مزاجك رايق والاخ مزاجه سياسي ومادري شلون
<=== لو عندي اغير الموضوع واخليه ينقد ع روحه
يلقى سالفه داشه عرض عاد اهو يفهم بان سالفته لا تعليق
<== طبعا باسلوب مو جذي بعدين يقولون عني ماكو ذوق ولا برستيج

متابعه
وبنتظار المحور القادم

خوفي انك تطيح فينا البنات وتنسى الشباب
يالله حليك فيهم شوي


:)
...

شوفي موانا الي اهجم علي بني جلدي

الظاهر الظاهر ياديمون انج مقرودة تحرضيني علي الشباب

طحتي بواحد مثلي لايرحم ولايعرف الرحمة

<<< جذاب والله طيوب وما يأذي احد

وشكلج بتصيرين ضحيتي بالدردشة القادمة

واكيد راح اتكلم بموضوع عنج <<< راحت فيها البنت

بس اكيد مع الحفاظ علي الذوق العام وعدم التجريح

لان الكاتب دائما يمثل بيئتة وتربيتة

ها شقلتي !! ولي شوف ضحية غيرج