b+f Open Flame Kitchen

[zytoooona]

بالبدايه بعطيكم نبذه بسيطه عن المكان

مطعم OFK تابع لنفس الشركه التابعه لها مطاعم b+f Burger Boutique , b+f Road Side Diner , Slider Station
طبعا ال Road Side Diner موجود في مسقط , عمان
و ال Burger Boutique في مجمع الرايه
و ال Slider Station مقابل مجمع الوزراء[/COLOR][/B]

مطعم OFK موجود في مجمع 360 في ال Garden Area
وبجانب كافيه كاريبو

حق الي مايدلون اقرب مواقف للمطعم الموجوده مقابل علامه جيان

المطعم مازج خليط من مطاعمه السابقه مع اضافه اطباق جديده
القعده مالت المطعم تحسسكم انكم مو بالكويت و ستايله يونس !!




الذهبي الموجود ورا هذا فرن البيتزا


هني كنا قاعدين و ورانا كانت الشوايه


اول ماتقعدون ايبون الضيافه خبز و لبنه مع اعشاب وزيت
وصودا تفاح مع قطع تفاح




طبعا قبل لا اروح كنت فاتحه بلوقات وايد وحاولت اختار الاطباق الانسب وتمينا يمكن ربع ساعه بس نقرر شنو بناكل ورسينا على الآتي
بحط الصور الخاصه فيني و بشرح شنو فيها وتقيمي حق كل طبق و بعدها بحط الصور الاوضح والاطباق الي كليناها و ماصورناها



من اليمين:
الطبق الي مخلص كان عباره عن قطعه لحم اتينن موجوده مع المقبلات اسمها cocola ancho ribs ومافيها عظم واايد ترفه (انصح فيها وااايد)


السلطه Tokyo salad اهيا سلطه ملفوف نفس الكول سلو بس على ستايل ياباني ذكرتني بالسالمون سالاد مالت ماكي وفيها افوكادو (انصح فيها كتجربه مره اولى فقط ممكن اكلها بعد فتره بس مو على طول بس حلوة)



وبيتزا مارغيريتا .. حلوة ترفه وضعيفه احلى شي و جبنتهم وايد حلوة ( انصح فيها )


La fungi مشروم كبار (حبتين فقط) محشي جبن و فلفل الهاليبينو وااااااااايد عجبني وراح اطلبه بالمره اليايه ان شاء الله (انصح فيه و بقوه لمحبين الماشروم)



الصورتين تقريبا مشابهتين بس الثانيه طالع فيها البيرغر
اول شي بشرح البيرغر
الصغار هذول راح تلاقونهم مع ال Sliders
طلبنا الداينمايت واايد حلوة و سبايسي
والثانيه نسيت اسمها بس فيها البصل المكرمل (سألوهم عنها او اقروا المكونات بالمنيو)
البيرغر الكبيره هذي موجوده مع البيرغر العادي وكل طلب بيرغر تختارون نوع الفرايز الي معاه
وطلبنا كان Duke Burger حلوة وطعمها ذكرني في الوابر مالت بيرغر كنغ شفتوا شلون البيرغر لمن تكون سموكي وتحسون بطعم حراق الشواي جذي طعمها ( مقبوله ) والبطاط المدور (عجييييب)
الطبق الي بالنص

Asian Style SugarCane Shrimp lollipops
عباره عن ربيان ملفوف في شعريه و العصي ملوته قصب سكر و التغميسه مالته سويت شيلي (انصح فيه)
بجذي خلصت جزيئه الاكل
وبرجع اتكلم عن المطعم
المطعم في قعده VIP وتقدرون تحجزونها قبل فتره بس لازم الفاتوره تكون بحدود ال 100 دينار شي من هالقبيل
وهذي صوره القعده

و بالمستقبل ان شاء الله على دخله الشتا بيفتحون قعدات خارجيه



كان ودي اجرب السويت بس للأسف كنا حاجزين فيلم وكنا متأخرين دفعنا وطلعنا على طول
اي نسيت اقولكم الحساب طلع تقريبا 36 دينار
بجذي اكون خلصت بس بذكر جم شغله
المطعم كان يفتح بس للعشا الحين يفتح غدا و عشا من الساعه 1 الى الساعه 11
للحجز 25309990
طبعا الحجز يكون فقط للغرفه ال VIP
اما حجز طاوله عاديه مافي الي ايي اول يدخل اول او اذا زحمه تحطون اسمكم وتنطرون
تقيمي للمطعم A
المعدل للطلب للشخص تقريبا من 10 الى 30 دينار ممكن السعر يقل بس احنا حبينا نجرب اغلب الاشياء فطلع لنا معدل 12 دينار للشخص

و اشياء ممكن اجربها بالمستقبل:
المقبلات
korean wings & drumps
chicken liver
ancho ribs loli pops
Caesar Salad
Southern Fried Fish Popcorn
Tempura
Mozzarella Crunch
الاطباق الرئيسه
Sweet Potato Gnocchi
Green Curry Osso Bucco
Wild Fire Burger
Roma burger
rib-eye Steak
Rack of lamb
Korean BBQ Ribs
Swanky Burger
the beef patty
West Cost Burger
"Romano" Pizza

العصاير
Burnt Wood
Strawberry Blast
السويت
Dates Cheesecake
Banana Popcorn
Tiramisu
Chocolate Brownie Pudding
وفي سويت كيك كاكاو داخله رازبيري بس ما اعرف اسمه



منـــقـــووول

[مصمم Photoshop]

رد: b+f Open Flame Kitchen

WooooooOOw
بصراحه واااو حلو المطعم ودي اكل منه .
يعطيج العافيه على الموضوع زيتونه .
شكراًَ

[zytoooona]

رد: b+f Open Flame Kitchen

woooooooow
بصراحه واااو حلو المطعم ودي اكل منه .
يعطيج العافيه على الموضوع زيتونه .
شكراًَ

اي انصحك فييه حده يوونس وقعدته حلووه

وانا صرااحه قبل لا ارووحه وايد ناس حبطوني

ترى مو خووش واكله عادي

بس لما رحت والله حلوو وعجبني

ويكفي القعده وايد حلووه

[Demon of Dark]

رد: b+f Open Flame Kitchen

اممممممممم
نايس
يبيله
ماننحرم غلاي
تقبلي تواجدي
..

[zytoooona]

رد: b+f Open Flame Kitchen

نورتي يا حبيبتي

....

[سآرونه]

رد: b+f Open Flame Kitchen

امممم
شكله حلو يعطيج العاافية

[zytoooona]

رد: b+f Open Flame Kitchen

الله يعاافيج

نورتي

[خشوووش]

رد: b+f Open Flame Kitchen

بيني و بينك ما يهمني شكل المطعم كثر ما يهمني جودة الاكل

و جاري تجربته

يا مال العافيه و لا تحرمينا من جديدك

[zytoooona]

رد: b+f Open Flame Kitchen

اهوا صج لازم اتعرف اذا الاكل حلو ولا لا

بس هم المكان له تأثييير


لان انت راايح مع ربعك تبي تستاانس وتقعد بمكان حلوو ونظييف


وترى اكله حلووو

انا حبيته

[دقات قلبي]

رد: b+f Open Flame Kitchen

والله شكله مطعم فاخر وراقي واكلاته غريبه حتي بالشكل..


يعطيك العافية زيتونه ع التقريرررر


تقبلي مروري

اختك ددقات قلبي

[zytoooona]

رد: b+f Open Flame Kitchen

اي المطعم حلوو

الله يعاافيج

جربووه وو قولولي رايكم

[mo6rga_:P]

رد: b+f Open Flame Kitchen

اول شي بالعافيه وثانياا احب الشي الغامض والغريب وان شاء الله جاري التجربه
اهم شي في سوشي =)

[zytoooona]

رد: b+f Open Flame Kitchen

الله يعاافيك

وايي رووح جربه ووقولي راايك

وحياك الله ,, نورت الموضووع

[HaWiTeK]

رد: b+f Open Flame Kitchen

والله شكل المكان عجيب

والمطعم خوش شغل

يعطيج العافيه

[zytoooona]

رد: b+f Open Flame Kitchen

المكان رووعه

الله يعاافيك ,, نورت