امي الحبيبة ،،،
سلام الله عليج ،،، وقبلاتي الحارة على راسج ،،،
اليوم يا أمي الناس كلها تحتفل بعيد الأم ،،، وانا يا أمي كل سنة احتفل معاج بعيدج ،،، وهذا اقل تقدير واحترام لج يا الغالية ....
اعتذر لج يا أمي أني هالسنة ماني يمج ،،، ماني بالديرة ،،، والسبب ...
والسبب آه ياأمي من هول السبب ...
السبب الحقيقي يا أمي خشيته عليج ،،، تدرين ليش يا أمي ؟؟؟ لأني خايف عليج ،،، خايف عليج من صدمة الخبر وألم المعاناة ،،،
يا أمي في كلام ما قلته لج ،،، وبقوله بالمنتدى ،،، ليش ؟؟؟ ابي افش خلقي ..... لأنج اول من يحس بآلامي،،، وأول من يشعر فيها ...
وادري انج حاسه أنه فيني شي خطير ،،، وتدرين اني جذبت عليج ....
يا أمي السبب اهوه ولدي ...
ولدي اللي قلتج انه مريض ومحتاج عملية عادية بالخارج ،،،،
يمه حبيبتي ،،، تدرين ولدي شطلع فيه ،،، يم ولدي طلع فيه مرض الشين ،،،
اي يمه
شفتي معاناتي
ادري قاعدة تحسين بدموعي وانا اخبرج السبب الحقيقي
وادري انه دموعي اختلطت بدموعج
يمه احس فيني صرخة ،،، كثر ما بجيت ما اطلعت ،،، تدرين ليش يا أمي
لآني ودي ابجيها على صدرج ،،،،
يمه ،،، يا غالية ،،، ولدي المسكين ولد الخمس سنين طلع مريض بسرطان الدم
ومرضه خطير وعلاجه صعب ،،، بس ما في صعب على رب العالمين ،،،
يمه ،،، ما اقدر اتخيل حياتي بدون ولدي ،،، يمه خايف افقده ،،، آه يا امي ،،، ما اقدر اتحمل فقدان ولدي ،،، يمه ،،، النوم ما ذقته من يوم مرض ولدي ،،، كل ثانيه ،،، كل دقيقة ،،، كل ساعة اتذكر ذكرياتي معاه
يمه ،،، ولدي الصغير صاحب الجسم الضعيف جرى الكيماوي بجسمه والله يستر عليه ،،، يمه يوم حطولها اول جرعة خشيت ويهي عنه وعن امه وقمت ابجي من الحرقة ...
يمه تسمعيني يمه ،،، ولدي ما سلم جسمه من غزة ابره ،،،
يمه ... خليني انا بس اتحمل عذاب مرض ولدي ،،، ما اقدر احملج اياه ،،، اخاف عليج لأنه كل شي فدا تراب ريلج ....
يمه ،،، بقولج كل عام وانتي بخير واخنقتني العبرة ،،،
اسأل الله يعيد عليج هالمناسبة وانتي تنعمين بالصحة ،،،
ويمه ادعي حق ولدي انه الله يشافيه من هالمرض ،،، ويرد ولدي مثل اول يتمتع بصحة
اسف يا امي طولت عليج بس حرقة قلب ودمعة رجل هزته دمعة وصرخة ولده ...
اخواتي واخواني اعضاء المنتدى
انا حاليا موجود بالخارج وولدي يتلقى العلاج ولكن المشافي رب العالمين أرحم الراحمين ...
وما استغني عن دعواتكم لأبني بالشفاء ...
وسامحوني ،،،
تعليق