لهجتنا الكويتيه في القرآن الكريم

[-MAR-]

السلام عليكم ..

اشلونكم شخباركم ..

عجبني موضوع وحبيت ابحث عنه لانقله لكم للاستفاده ..

والحمدلله الله لقيت نسخه عندي بالبيت << صارلي اسبوع ادور :p


ندخل بالموضوع ..

باحد الندوات الي مرت على ..

مر على هذا العنوان " لهجتنا الكويتيه في القرآن الكريم " ..

في احد فكر يدور عن المصطلحات الي نستخدمها الي ماخوذه من القرآن ؟؟!!

بالفعل بعض الكلمات العاميه موجوده بالقرآن ..

لا يحظرني اسم الكاتب الحين بس ان شاء الله مااكون غلطانه اسم الكتاب " لغتنا في القرآن الكريم "



يمكن البعض وده يعرف شنو الكلمات وشنو اهي الايات الي استوحينا منها الكلمه .؟؟

بس قبل لا ابدي حبيت اوضح ان مو بس اللغه الكويتيه .. هم طرح علينا بالندوه امثله للمصطلحات الاماراتيه و السعوده والسوريه والمغربيه الموجوده بالقرآن ..


اما الحين راح ابدي بالامثله واتمنى تستمتعون بالموضوع ..




حوس

حاس [فعل]

يقول الله تعالى :" فجاسوا خلال الديار وكان وعدا مفعولا "

قال ابن عطيه في التفسير " " فجاسوا" ( بالجيم ) ..

وقرأ ابول السمال " فحاسوا " ( بالحاء )

وهما بمعنى الغلبه والدخول قسراً ومنه الحواس ، وقيل لابي السمال إنما القراءة (( جاسوا)) بالجيم فقال ..

(( جاسوا وحاسوا )) واحد ..




قلت : وفي اللهجه " الحٌوس" بمعنى الخلط والمزج ..

فيقولون " حست الشاي "

اي حركته ليذوب مافيه من سكر ..

كما يقال " "حاسنا حوس

و"حوسه" اي جعلنا في اضطراب وحيره ..

وانا " محتاس " اي حائر في امري ..






***







حوط

حوطه [اسم]

قال تعالي :" بلى من كسب سيئه واحاطت به خطيئه فأولئك اصحاب النار هم فيها خالدون " البقره 81


" حوطت داري " : بنيت حولها حائطا او حيطاناً

وفي اللغه : حوَط بالفتح من حاطه يحوطه حوطه وحيطه وحياطه اي كلأه ورعاه ..




قلت : نقول في اللهجه ..
" حوطه " ونقصد الارض البور غير المبنيه المحوطه بسور يكون غالبا من طين ، ترمى فيها القمامه عاده ..


***





اخرا وليش اخيرا ..

حوب

حوبه [اسم]


قال تعالى :" واتو اليتامى اموالهم ولا تتبدلوا الخبيث بالطيب ولا تأكلوا اموالهم إلى اموالكم وانه كان حوباً كبيرا"

وأما " الحوب" ، فإنه الاثم، يقال من " حاب الرجل يحوب حوباً وحٌوباً وحيابة" ،

ويقال منه " قد تحوب الرجل من كذا "..



قلت وهي كذلك في اللهجه ..

يقال " هذي حوبه افلان " اي مظلمته




هذي لبعض الكلمات الموزعه والي حصلت عليها ..

وفي كلمات كثيره طبعاا الي اعجبتني مثل ..

وجود كلمه " عتوي .. مستانس .. حموله " والكثير منها ..

موضوع كان ممتع .. فالقليل منا اظن انه يدرك وجود هذه الكلمات ..

فلنحافظ على هذه اللهجه .. ونستبدل كلماتنا الغربيه بالكلمات الكويتيه والعربيه الجميله المستوحيه من كتابنا

وقرآننا الكريم ..



حبيت اجمع اكبر عدد ممكن من الكلمات بس هذا الي طلع معاي .. والكتاب موجود وان شاء الله اذا عرفت اسم الكاتب راح ايبه لكم ...

بس الاهم من كل هذا ان اعجبكم موضوعي << ايدي طاحت لوول :p

واتمنى انكم استفدتو ..

تقبلو خالص تحياتي لكم ..

اختكم : كويتيه غير:icon_biggrin:

[Demon of Dark]

اي عدل كلامج غلاي

وايد كلمات نستخدمها مذكوره بالقران

يعطيج الف عافيه الجهد

الف شكر لج

تقبلي تواجدي

[عاشق الحزين]

تسلمين على الموضوع

يعطيج العافيه

[طفوليه حدي]

تسلم الايادي على الموضوع العسل :)

طـــــــف طــــــف *_^

[شمّوخ? آِنسـِآن]

يعطيج العافيه


تسلمين ع المعلومات المهمه


عسآإج ع القوهـ ,, دمتى بحفظ الرحمن

[شيوخ ذلتهم عيوني]

يسلمووو يالغلا كويتيه غير على الموضوع القيم ولاهنتي ,,,

ولهجت الكويتين اكييد تكوون في القرآن الكريم لانهم عايشن عليه ,,,,

تقبلي مروري,,,

[مـــحـــامـــي]

يعطيج العافيه على الموضوع

ومشكوره على المعلومه :)

[-MAR-]

حيااكم الله حبايبي ..

الاهم من كل هذا انه حاز على اعجابكم .. واستفدتو منه ..

لا تحرموني من هالطله

تحياتي

[شاعر وفا]

الله يعطيك الف عافيه كويتيه غير
على هالموضوع الجميل وتسلمين على
هالنقل المميز ربي لايحرمنا طلتك
ولا جمال مشاركاااتك





تحيتي لكي وفالك التوفيييييييييييييييييييييييق

[كـلـى فـدآهـ]

الله يعطيج العافيه حبيبتى >> كويتيه غير

وتسلم ايدج

[-MAR-]

حيااكم الله ..

والله يعافيكم .. امنوييين ..

تحياتي لكم

[الـزين يفرض نفسه]

يعطيـج العافيه كوكو ..

مانكسرت ايدج ليلحين هههههههههه << اتغشمر :p


قــوواج الله يالغاليه .. وتسلم ايدج ع الموضوع << مسويه اكل :P


قــوواج الله :)

[$ليل المحبه$]

تسلمين قلبوووو على الموضوع الله يعطيك العافيه
لك مني كل احترام

[-MAR-]

يعطيـج العافيه كوكو ..
مانكسرت ايدج ليلحين هههههههههه << اتغشمر :p
قــوواج الله يالغاليه .. وتسلم ايدج ع الموضوع << مسويه اكل :P
قــوواج الله :)

تنكسر ايد العدوو ان شاء الله :p

لوووووول

حيااج الله امنوره اختي حبيبتي ..

تحياتي لج

[-MAR-]

تسلمين قلبوووو على الموضوع الله يعطيك العافيه
لك مني كل احترام

الله يسلمج ويخلييج

حياج الله .. لا تحرمينا من هالتواجد

تحياتي