حب الشاب والبنت في النت؟؟..؟؟..؟؟

[حبـــــ q8 ـــــبي]

بسم الله الرحمن الرحيم
**************************

السلام عليكم ورحمة الله وبركاته......
******************************************
بصراحه تمنيت أن أطرح موضوعي وأجد منكم النقاش ولو سمحتوا اللي مايبدي رايه بعد إذنه يعني لا يقرا ...... :)
************************************************** ************************************************** **********************
جميعنا لايستغني عن الكمبيوتر والنت.....
وجميعنا يجلس عليه لساعات طويله وأحيانا تصل إلى أيام متواصله....
فهل جميعنا يستخدمه بالصوره الصحيحه؟
طبعا لأ...
فمنا من يستخدم النت للدمار منا من يستخدمه للعمار(الاستفاده).....
منا من يجلس عليه للعب....
ومنا من يجلس عليه للعمل....
ومنا من يجلس عليه ويقع فريسه سهله لذلك الجهاز اللعين والتكنولوجيا الحمقاء....
إن كنت فتاة فقد تقعين في شباك الذئاب....
وإن كنت شاب ربما تقع فريسه....
وقلت ربما ليس سوى لسبب أنك شاب لا تتضرر بأي مصيبه على خلاف الفتاة...
نعم فالبنت كعود الكبريت عندما تشتعل مره واحده عليك برميه لأنه أصبح فاسدوغير قادر على الاشتعال مره أخرى...
والآن إبداء الرأي مفتوح للجميع دون خلاف سوى التذكير بأننا نعيش في الكويت،في عصر يختلف عن عصر روميو وجوليت وعبله وعنتروغيرهم من عشاق الزمن القديم....

[احمد 2]

مشكووووره اختي الدانه والله كلماتك حساسه ورووووووعه ومثيره للاهتمام

وعن نفسي بصراحه استخدمه للعب والتسليه والاستفاده من المواضيع المفيده

والتعارف بين الناس تعرف عن شخصيات واراء من الناس اللي تتكلم معاهم

والف شكـــــــر علي موضوعك لانك نزلتيه بصوووره لائقه ؟

[Stars _Whisper]

الحب على الانترنت !!
ليس مستحيل بل قائم وبكثرة
اولا لنفهم مما يأتى الحب ( اهتمام - حنان - توافق افكار - توافق مبادىء ) قد يتنتج هذا الحب
على النت عندما يتكلم الناس شات رووم مثلا يتقابلون يتفاهمون ينفعلون يكرهون يغضبون ويحبون
وفوق كل هذا ينسون انهم عل الانترنت يعيشون حالة من الافتراضية غير حقيقية
مثلا لو تعلق اثنان فى يوم وتكلموا لساعات وساعات وفجأة قطع الاتصال انقطعت العلاقات ...
لا اخفى ان بعد الحالات تنجح وتستمر بالزواج ولكن نسبة 2% وربما اقل
المشكلة ان الانسان بالنت يحمل حياته الخاصة أكبر من طاقتها فللإنسان همومه الواقعية وقد وضع عليها هموما افتراضية او لنقل افراحا ً

على كل الحب على الانترنت موجود ولكن لا افضله فمعظم الوقت يحب الشخص الاخر قبل ان يراه
وعندها :) لا مجال للتراجع وجرح المشاعر " اتورط " :)

[تــوتــه]

يسلموووووووو على الموضوع وانا اقول كلامج كله صح

تحياتي

تووته

[anti_love_777]

حب النت واقع ليش لا بس وين الي يحترمه




عذابوه

[STAR]

صح كلامك وربي كله صح

ومشكوره ما قصرتي

[شهرزاد مات]

اول شى مشكووره اخت دانه على الموضوع

وانا حاب ارد عليج واقول مع احترامي لنظريتج ترى اهي غلط والسبب انه اكو حب من ناحية النت وهذا ترد على حسب الثقه

وعلى حسب الانسان اللي تشوفينه اهو يستاهلج ولالا وانا حاب اقولج ياليت والله نرد على ايام قيس وليلى وعنتر وعبله

لان والله اهم اللي اخذو النصيب الكامل من الحب على الاقل القلوب كانت مرتاحه وكانو يوثقون ببعضهم وممخلين مجال للشك

حسب قرائتي لقصتهم وياليت انج تغيرين النظريه اللي انت راسمتها براسج وتأمنين بشى اسمه حب سواء بالنت او غير النت

اذا اكو ناس حبو بعضهم بمكان غير محترم مثل المجمعات وامان القز يعني النت اكيييد مرات يكون مكان محترم والدليل الاحترام

اللي بيننا اللحين بين اعضاء المنتدى وانا اسف على الاطاله

[لولوه-الكويت]

كلامج عدل و يسلم هالبؤ
و انا برايي ماكو شي اسمه حب عن طريق النت
كله جذب و اوهام و البنت مسكينه تصدق

[لولوه-الكويت]

"سوالف بنات" هذا ثاني موضوع لي

مرحبا شباب و صبايا المنتدى
هذا ثاني موضوع لي بهالمنتدى
ان شاء الله يعجبكم
واهو عن البنات و سوالفهم مع الشباب
و للي مالهم شغل بهالسوالف نفس حالتي
اقروا الموضوع و ضحكوا عليه:::::::



ليش لمى تحبين واحد يطلع اقصر منج؟؟

ليش لمى تحبين واحد يطلع بدون وساكن بصليبيه؟؟

ليش لمى تحبين جيكر يقولج شتحبين فيني!و مو واثق من نفسه؟؟

ليش لمى تحبين حلوو يمدح روحه ويعدلج جم وحده تحرشت فيه؟؟

ليش لمى تحبين ولد الضاحيه ماتشوفينه كل يوم سفره وشاليه؟؟
ليش لمى تحبين ولد خيطان 24 ساعه بمحل التلفونات بالدبوس؟؟

ليش لمى تحبين واحد بطالي مقزر حياته كلها نوم ونت؟؟

ليش لمى تحبين شاطر يقولج سوري حبيبتي بس الحين بدرس؟؟

ليش لمى تحبين واحد تكتشفين انه جنس؟؟

ليش لمى تحبين واحد على قد حاله تشترين لج وله كرووت؟؟

ليش لمى تحبين ولد فلوس ما اييبلج شي بعيدميلادج؟؟

ليش لمى تحبين بدوي يقولج احنا اصلنا حضر؟؟

ليش لمى تحبين حضري تحسين روحج انتي الريال؟؟

ليش لمى تحبين واحد اصغر منج يقولج يا العيوزه؟؟

وليش لمى تحبين واحد اكبر منج يقولج يا الياهل؟؟

ليش لمى تحبين واحد وتخلصين له يطلع آآخر شي حقير؟؟

ليش لمى تحبين واحد عقب سنتين يقول امي غصبتني آآخذ بنت خالتي؟؟

ليش لمى تحبين سني تكونين شيعيه؟؟

ليش لمى تحبين شيعي تكونين سنيه؟؟

ليش لمى تحبين واحد وتكونين تبينه يطلع مو اصيل؟؟

ليش لمى تحبين واحد اييب اليهد بطلع نقصه عليج؟؟

ليش لمى تحبين واحد قزييز يقولج قعدي بالبيت؟؟

ليش لمى تحبين واحد مليق تصيرين مليقه نفسه؟؟

ليش لمى تكونين صخله اطيحين بواحد مزيوووون؟؟

وليش لمى تكونين حلوه وااااااايد (كيكه) تحبين جيكر؟؟

ليش لمى تحبين واحد يطلع رفيج اخوج؟؟

ليش لمى تواعدين واحد يطلع رفيجه ولد خالتج؟؟وياي معاه بعد :x

ليش لمى تحبين واحد يطلعلج واحد ثاني كتكووته غصبن عليج هم تحبينه؟؟

ليش لمى تحبين واحد يعطيج سكب واذا حقرتيه رد وراج يركض؟؟

ليش لمى تحبين واحد تقوليله ودي اشوفك يقولج تعبان بنام وتشوفينه صدفه على الحب؟؟

ليش لمى تحبين واحد تقوليله انت وينك يقولج حبيبتي انا بفرايديز واهو جدامج قاعد
بأبل بيز؟؟

ليش لمى تحبين واحد يقولج انا ما اطلع كله بالدوانيه العب ستييشن مع الربع وكل ماطلعتي اهو بويهج؟؟

ليش لمى تحبين واحد يقولج ليش عندج خط ثاني؟؟(يعني ما اكلم امي ما اكلم خواتي رفيجاتي)؟؟



ليش لمى تحبين تلوع جبدج و ودج تنتحرين!!ليش لمى تحبين تحسين ان محد يستاهل!!ليش لمى تحبين تندمين الساعه اللي عرفتي حبيبج فيها؟؟
[/COLOR] [/SIZE]

لـــــيـــــــش
لــــــــــيــــــــــــــــش
لــــــــــيــــــــــــــــــــــــــــــــــــش

الحل الوحيد انتحري وخلصي نفسج
ههههههههههههههههههههههههه :D

[عنوسه ^_~ ماتهاب]

حب عن حب يفرق
وانا طرحت موضوع بالصوتيه بخصوص عن هالشي كان بالروم فوق 22 شخص وسميت عنوانه من الحب عن طريق الانترنت وكنت اناقشه بس ماشفت احد مأيد :)

بس هم اقول حب عن حب يفرق وخصوصا بالنت

وتسلمين اختي الدانه علي هالموضوع

[المهمومة]

مشكورة حبيبتي الدانة
اهلين فيك كويت777 وينك؟؟؟؟؟

[!!كويتي!!]

مشكوووورين على الموضوع الحلو ويعطيكم الف الف الف الف الف عافيه
بس لوله اضاهر كنتي اتحبين اونقدرتي عشان جذي تحذرين البنات

[حبـــــ q8 ـــــبي]

مشكوووورين كلكم على المرور ويعطيكم العافيه...
أخوي أحمد2 مشكوووور على صراحتك.....
تسلم ياستارزعلى كلامك الراقي...
تسلمين توته حبيبتي على المشاركه....
anti_love777صح لسانك...
STARمشكور على المشاركه....
شهرزات مات مشكور ....يعطيك العافيه على المرور....
لولوه الكويت مشكوره على المشاركه....
KUWAIT777شكوووور على المشاركه وتسلم ايدك....
هلا فيج المهمومه وانا كاني موجوده معاكم...
مشور أخوي عبووووود على المشاركه والله يعافيك...

[البـــــــــدر]

مشكووووووووووووووووووووووووره اختي الدانه على الموضوع الاكثر من رائع

وانا اقول في حب بالنت بس بنسبه قليله يعني 10% بس والباقي جذابييييييييييييييييييييييييييييييييييييييييين

[حبـــــ q8 ـــــبي]

العفو أخوي البدر وتسلم على المشاركه...