حب النت ..حب الماسنجر..خطأ......أم صح؟(ارجو من الجميع المشاركة)

[فتاة حالمة]

السلام عليكم

شلونكم يا الأعضاء.....؟
عساكم بخير؟




و الحين بعد ما سلمت عليكم حبيت اطرح عليكم سؤال محيرني......و مطير النوم من عيني..

سؤالي هو انتوا بصراحة اتمنى انكم تجاوبون عليه بكل صراحة و امانة مع ذكرالأسباب .اوكي

السؤال يقول انه هل العلاقة بين البنت و الولد يعنى مثل الصداقة عبر النت بين الولد و البنت حراام..؟
هل هي صح ام خطأ؟



يعنى مثلا ذاك اليوم طلب منى شاب انه اضيفه عندي بالماسنجر و انا طبعا رفضت علما بأن انا بكل صراحة تعلق قلبي فيه و حبيته من كلامه و وثقت فيه بعد......لكن بنفس الوقت ما اقدر اترك مبادئي و قيمي علشان حب بالنت ..



فانتوا برايكم هل تصرفي صح و لا خطأ ارجوووووووكم اتمنى منكم ردود سريعة و وافية



مع حبي ...



اختكم فتاة حالمة

[STAR]

اختي فتاة حالمه اذا انتو وتعرفون بعض من زمان ومن بدون نت وطلب منك الماسنجر تعطينه عادي لان الحب ماراح يتغير سواؤ في النت او الشارع لانك انتي وثقتي فيه وحبيته مره وصرتي تغارين عليه صح ولا لا

النت عادي بدال ماتقضون وقتكم بالتليفون وخساير عليه مسكين ادخلو نت وماسنجر وصوتي واجلسولين بكره منها انتو توفرون وتستافادون

انا هذا رايي

[عود اسنان]

اول شى مشكووره على موضوعج وانا حاب اقول رأي بكل صرااحه

اول شى انتي محد يلومج على رفضج لان انتي بنت يمكن تخافين من اشياء محد يعلم فيها غير ربج واذا انتي تقولين انج حبيتيه ووثقتي فيه فهذا مايمنع انج تظيفينه عندج بالمنسنجر وتشوفين الولد هل اهو يصلح لج ولا لا يعني اهو يستحق الثقه ولا لا يعني يكون تحت الدراسه منها تشوفينه هل اهو يستحقج ولا لا وعلى فكره ترى الحب مو عيب سواء كان بالنت ولا غير النت بس انا اشوف انه اكو ناس مفهومهم عن النت شى ثاني يعني عندهم ان الولد اللي يشبك بالنت هذا مايستحق الحب ليش شنو ذنبه يعني ذنبه انه شبك بالنت وتعلق ببنت وحبها وحب انه يكون علاقه شريفه وصادقه معاها ترفضونه بالطريقه هذي والله انا بصرااحه رأى انه عادي الحب بالنت ولا غير النت عادي وكل انسان مسير مو مخير يعني يشوف شنو اللي يناسبه ويناسب سمعته ويسويه

اسف على الاطاله ومشكووره على موضوعج الحلوو

[احمد 2]

الحب هو الحب

سواء كان بالسطح والابالنت المهم انه يحب من قلبه والبنت نفس الاحساس ؟تكون صادقه معاه ؟

[احمد 2]

سوووووووووووري

الف شكررر فتاه حالمه علي مووضووووووووعك ؟ومنهوووووووواللي يبطي جبدي من الصبح بالرسايل ؟للمجهووول

[نيستا الشمري]

الله ما ادري بس انا اشوف انه ما فيها شي

[حبـــــ q8 ـــــبي]

قوه فتاة حالمه.....
بصراحه أنا نفسج ونزلت موضوع اللي كان عنوانه حب الشباب والبنت في النت .....
يعني الحمدلله موبس أنا اللي عندي هالمشكله .....
والله يا اختي في شباب يحتقرون البنت وفي شباب لأ بالعكس يحترمونها .....
والله أعتقد الاضافه عالماسنجر أهون من الجوال .....
شوفي اللي يريحج وسويه .....
والله يوفقج ويحميج من كل شر .....

[فتاة حالمة]

يسلموووووووووووووووووووو على مشاركاتكم الغالية................

ستار: اشكرك اخوى على المشاركة الحلو ة هاذى و بالنسبة لرايك انا ما اعرفه انا حبيته من كلامه و مشاركاته بالنت؟؟

فما ادرى شسوى و انا اخااف نى اكلمه لأنى ما اكلم شباب و اخاف ووايد على سمعتي ..


عود اسنان: و الله انت بالذات انا مانى عارفه شقولك عقب موقفي الأخير مشكوور و الله خجلتنى بكلامك العسل..و بالنسبة لرأيك انى اضيفه عندي انا و الله احبه و من كثر ما احبه ما اقدر اني اختبره اخاف اني انصدم فييه..و اخيرا ا مشكوور حبيبي على مشاركتك الغالية

[فتاة حالمة]

احمد 2: يسلمووو اخوى على مشاركتك الغالية .....بس ترى الحب مو سهل..

عاشق_ ريفالدو: اشكرك على رايك ..

الدانة : يسلمووووووووووو حياتى على كلامج العسل


و شاكرة من الجميع حسن التواصل

[WoOoOoOoW]

الحب بالنت موعيب بس مو ثقه ....
انا وحده لو صرت بنفس الموقف هذا مااظيفه الا بعد اختبارات اسويه ليه
واذا نجح ظفته واذا مانجح مستحيل اظيفه لانه مو ثقه ....
واذا كنت تحبينه صحيح وانت صريحه لاتتعاملون مع بعض الا بالصراحه

واذا كنت خايفه تنصدمي منه ..انصحك انك اووول تسوي ليه اختبار عشان تنصدمي الحين احس من لما تتعلقي فيه اكثر وتظيفيه


بس

في نظرري لالالالالالالالالالالالالالالالالالالاتفكري تكلميه تلفووووون ابدا ....(مااحب البنات الي يكلمون تلفون حتى لو تحبيه لاتكلميه)

واذا صار نصيب وانخطبتي عليه كلميه:d

ومشكووووووووره على المووضوع

[!!كويتي!!]

يسلموووووووووو اخت فتاة حالمة على الموضوع الحلووووووووووووو
وبصراحه هو مايصير بي إذا انتي اتعرفينه من زمان وواثق منه فيعني عادي يصير اتنزلينه بلمسنجر
ومشكووووووووووووووووو على الموضوع ويعطيج الف الف الف الف عافيه على الموضوع الحلو

[فتاة حالمة]

واو : يسلموووووو حياتى على كلامج الحلوو و الله عطينى امل ...و بالنسبة للتليفون هذا اخر شي افكر فيه لأنه غلط و اشكرج على مشاركتج الغالية

عبوود: يسلمو اخوى على كلامك الرائع و و انت فعلا اكثر من رائع و شاكرة لك المشاركة الحلوة

[بنوته كووول]

شكرا عالموضوع


صراحه اذا انتي ا تعرفينه وما شفتيه شلون راح تحبينه
يمكن يصدمج او يذهلج لما تكلمينه !!!!!!!!!!!!


والله طلعت شاعره قمت ارد بالقوافي ويسلموووووووو يا عمري
وانا اعجبت براي اخوي عود اسنان يمكن صح كلامه
صدقيني طاوعيه

[لولوه-الكويت]

حبيبتي فتاة حالمة
لا تفكرين هالشي والله لمصلحتج لا تضيفينه
و هالكلام للكل لاني اشوف وايد عندهم عادي هالشي
والله يا اختي الصبيان صايرين ذيابه
مو كلهم بس اغلبهم و في بعضهم يمثلون العفه و الشرف عليج و بعدين تنصدمين فيهم
اختي والله قاعده انصحج انا هالموقف صار معاي وايد و كنت دايما اصدهم

[عاشق الجروح]

مادري والله ومشكوره على الموضوع