أسفة بس في ملاحظة غريبة بالمنتدى!!!

[@ أميرة @]

انا لاحظت ان الكل يدش ويرد على الموضوع، بس مو الكل قرا الموضوع او يعرف الموضوع عن شنو!
طبعا انا ما اعم بس نسبة قليلة اللي اهم جذي...
ولا انتوا شنوا رايكم...


بس من غير زعل و بليييز لا احد يزعل

[Stars _Whisper]

المشكلة فى انه ما بيقرى اعتقد انه بيقرأ ولو بنظام سطر اه وسطرين لا لكن المشكلة احيانا تكون طول الموضوع
تانى شىء اللى يديلك الاحساس هذا هو الردود المكررة مثل مشكور على المرور او مشكور على الموضوع الروعة وغير ذلك

وانا اؤيد فكرة ان كل رد لازم يكون عليه بصمة وفكر صاحبة

ثانى شىء لمن اراد ان تقرأمواضيعه بعناية اقرأ مواضيع الاخرين وردودهم بعناية وحاول قدر استطاعتك ان ترد على كل شخص على حدة

[معقوله تنسيني]

والله ياريي من رايج لان بعض الناس ومنهم انا فيني ميزه وهالميزه اكتسبتها من خلال خبرتي بالمنتديات اربع اعوام في عالم المنتديات صرت من اول ماشوف العنوان اعرف شنو مكتوب وكل شي ومرات او اغلب المرات اشوف مواضيع كثيره منسوخه او منقوله واشكرهم شكر بسيط والحين اقولج الله يعطيج العافيه ومشكوره على المشاركه

[@ أميرة @]

اول شي مشركورين على الرد
ثاني شي: صح الردود دايماً تكون مكررة و الناس دايما اذا كان طويل ما يقرونه طبعا مو الكل بس شوي نسبة منهم

[عود اسنان]

مشكووووره اخت الاميره على الملاحظه الدقيقه وبصرااحه هذا الشى صاير

بس ماندري شنو نسوي لان في ناس يجاملون بردودهم يعني بس اسمنا ردينا

وبعضهم يرد رد برا الموضوع يعني اهو مايقرا الموضوع بس كتب مشكوور على الموضوع

ومشا المهم ياليت من اخواننا انهم يتصفحون الموضوع ويناقشون فيه عشان يشد الحماس

[@ أميرة @]

العفو اخوي على ردك...
يعني اذا واحد يبي يجامل على الأقل يقرا...
او يجوف الموضوع عن شنو اصلا...

يعني مثلا واحد حاط موضوع استفتاء يرد عليه ثاني مشكور اخوي ما قصرت على المو ضوع الحلو؟!؟! :rolleyes:

ليش يعني يحطون روحهم في موقف؟؟

[الشمرية]

صح كلامج اميرة وصراحة انا وايد ملاحظة هالشي بس يمكن يرجع هالشي لان الموضوع طويل فالعضو يقرأ اول سطرين
ويرد رد بسيط فأرجو تقصير الموضوع لان الكلام بمعناه مو بعدد الاسطر
وشاكرة لج هالملاحظة

[@ أميرة @]

العفو حبيبتي


بس احنا انحظ هالمواضيع اكيد لمعلومات اللي بالمنتدى و وناسة اللي بالمنتدى :)