ماهو شعورك عند عدم الرد على مواضيعك ؟ سؤال محرج .. موضوع يحتاج للنقاش !

[black shadow]

الســـــــــلام عليــــــــكم ورحمة الله وبركــــــــاته

ماهو شعورك عند عدم الرد على مواضيعك ؟؟؟

لاشك أن أحدنا عندما يطرح موضوعاً ويجد مشاركة الأعضاء
وتجاوبهم معه بالرد عليه فإن ذلك يسعده ويدفعه إلى المزيد
ألا توافقوني على ذلك ؟؟؟

سؤالي إذا طرحت موضوعاً او مشاركة 000
ولم تجد من يرد عليها فماهو شعورك ؟

وإذا كان هذا الأمر حالة عامة وظاهرة في منتدى ما فما رأيك فيه ؟؟

ولكن السؤال هنا
لك أنت أخي /أختي العزيزة صاحب/صاحبة الموضوع..
بكل صراحة هل تردُّ أنت على كل المواضيع..؟؟
هنا المشكلة..
مسألة التعليقلت هذه حكاية نسبية تماما..

تقبلو تحيــــــــــــاتي ... وشكرا




والموضوع منقول

[عود اسنان]

مشكووره اخت بلاك شادو على طرح الموضوع اللي يستحق النقااش

بصرااحه اهي ترد على قوة شخصية الانسان نفسه يعني اى شخص يهتم برواده لمواضيعه

ويحووشه احبااط اذا شاف موضوعه الناس اهملووه بس لازم يكون عنده اصرار وقوة اراده

ومايخلي معنوياته تحبط حيييل لان الاحبااط اساس الفشل عشان جذي المفرووض انه يتغلب على

اليأس ويصارع ويكافح ويحاول يشوف شنو العيب بموضوعه ويصحح العيب هذا ويحط شى مميز

عشان يجذب فيه القراء واللي يردون على موضوعه واذا على سالفة ان الناس مايردون بصرااحه المفرووض ان الانسان

يكون متفهم ويقتنع ان ارضاء الناس غايه لاتدرك ويكتب موضوع جديد ويكافح هذا وجهة نظري انا واسف على ااطاله

[تــوتــه]

يسلمووو على الموضوووع



وانا نفس كلام اخوي عوود اسنان

[black shadow]

مشكووووور اخوي عود على الرد العقلاني
وانا اتفق معاك في ان الاحباط اساس الفشل وان الشخص لازم يكون عنده اصرار واراده
لكن هم هي مسوليتنا انا نشجع وترى واجد مواضيع تلقى الزيارات فيها كثيره ومنهم اعضائنا لكن اغلبهم مايردون على الموضوع ليش؟؟؟
ترى والله كلمه مشكوور ويعطيك العافيه تسوى عند الي حاط الموضوع الدنيا وما فيها

[Stars _Whisper]

اوافق على كلام عود واضيف ان قد يكون الموضوع ممتاز ولكن غير مناسب لعقلية او اهتمامات الاعضاء الاخرين
يعنى مثلا مواضيع السياسة هنا مالها شعبية لكن قد تكون فى منتديات اخرى او بلاد اخرى ذات شعبية
مثلا الطرب والفن هنا لها شعبية وفى بعض الاماكن الاخرى حدث عابر
يعنى المهم نفهم عقلية وذوق من نخاطبهم بمواضيعنا
ويمكن ذلك عن طريق عمل اختبار بموضوع او اثنين
واذا كان العضو فى بداية اشتراكة يفضل انه ينقل موضوع من مكان اخر على النت ويشعر ان الموضوع متميز ويضعه هنا يسترك له انطباع لدى الاخرين ويعطيه ثقه فى نفسه .

ومشكوره على الموضوع يا شادووو

[cheekygirl]

تسلميت عالموضوع حبيبتي

شوفي الصراحة انا الموضوع اللي يجذبني عنوانه ارد عليه
وبعض المرات ارد عالمواضيع الجديدة كلها اذا كان لي مزاج

ومن ناحية مواضيعي اذا ماردوا عليها الاعضاء
الغيها لأن مالها لزمه طبعا مو من اول يوم انطر اسبوع بعدين الغيها

ومشكلة المنتدى عندنا اهني ان الاعضاء
يكتبون مليون موضوع في يوم واحد

واكيد ماراح نقدر نرد عليهم كلهم
فاقتراحي ان المواضيع القديمة

تنحذف علشان يقدرون كل الاعضاء
ان يردون على كل المواضيع

وسلملم وشاكرة لج عالموضوع الرائع
وانا من زمان كنت افكر بهالشي

[black shadow]

مشكوووره اخت توته على المرور الحلو بس كنت افضل لو تكتبين رايج الخاص لانه موضوع للنقاش

[فتاة حالمة]

ما تقصرين يا الغالية على الموضوع الرووعة هذا ...صج موضوع يستحق الرد علييه ..

و انا عن نفسي طبعا اكون سعيدة لمن اشوف اكبر عدد من الردود على مواضيعي فعلشان جذييه انا ما احب انزل مواضيع شكثر بيوم واحد ...يعنى باختصار ما انقى اي موضوع و السلام لا احاول انزل موضوع مميز و حلو ...و بصراحة مشالله على اعضاءنا ..ما فيهم اللى مواضيعه بايخة او سخيفة لا بالعكس لو بتقرانين بباجى المنتديات راح تشوفين مواضيعهم اغلبها تافهه ..

و يعطيج الف عافية على الموضوع الحلو

[black shadow]

ستارز ويسبر: مشكووور على الرد وانا اييد رايك والانطباع الاولى للعضو يعد اهم شيء لازم تكون مواضيعه الاولى قويه
تشيكي: كلامج صح لازم المواضيع القديمه جدا تنحذف مو معقوله يكون عندنا العدد الهائل من الصفحات محد فاضي يشوفهم
ومبروك على اشرافج حبيبتي
وياويلج مني لو ما رديتي على مواضيعي لوووووووووووول

فتاه: مشكووره على الطله الحلوه وانا اكون بعد سعيده لو احد رد على موضوعي وخصوصا لو كان صديقتي الغاليه فتاتوه النايمه لوووووول
ماعليه ميانه
وكلامج صح منتدانا من احلى المنتديات




ومشكووورين كلكم على الردود الحلوه

[anti_love_777]

والله يرد ولا ما يردون كله واحد كله نت محد شايفني ولا شايف واحد ما اعتبر فيها شي اصلا


والموضوع القوي يطرح نفسه والناس غصب ترد عليه وبس



وكل واحد له وجهت نظر




عذابوه

[black shadow]

مشكوووووووور اخوي على الرد بس شفيك جنك داش هوشه؟؟
ياعم يعني يعجبك تحط موضوع ويكون الردود عليه صفر
وبعدين انا وياك في نقطه انه نت بس لو كان الامر تافه لين هالدرجه ليش الناس تتعب وتحط مواضيع؟؟؟
واكيد الموضوع القوي يطرح نفسه بس هم العضو الي تعب ونزل لنا الموضوع وحتى ولو كان تافه لازم نشجعه ونشكره ونرد عليه

وهذي وجه نظري


وشكرا

[anti_love_777]

لا مو داش هوشه ولا شي انا جذي تقدر تقول شيطان


المهم


اي صح واحد يتعب بس لاازم الواحد يتعب حق الناس الي تقدر يعني مثل كويت 777 فيه ناس وايد تقدر اما يعني منو الي يروح ويسوي موضوع بمنتدى فاضي


ويعطيك العافيه يا قلبي



اخوك عذابوه

[anti_love_777]

اسف عبالي انته ولد طلعت بنت لووووول


يعطيج العافيه اختي

[K$@NdRa]

يسلمووووووووووووووو على موضةعك الرائع مثل ماقالو يحتاج نقاش ................
وهذا رائي
_الرد على الموضوع يختلف من منتدى لمنتدى بعض المنتديات نايمه وبعضها لا فعلى حسب نشاط الاعضاء فيها بيلقى العضو ردود
2_اذا العضو ما اعطى فكره عن نفسه من خلال كتاباته في منتدى معين ماراح يعرفونه الاعضاء وبالتالي تنخفض شعبيته
3_اذا كان العضو معروف عنه اخلاقه وطيبته ومشاركته بالنقاتشات والردود على مواضيع بكافه اقسام المنتدى ما اتوقع بتكون الردود على مواضيعه قليله <<<<<<<<علمي نفسك بعدين تفلسفي
عن نفسي ما اهتم لعدد الي شافوه بقدر اهتمامي للاعضاء الي علقو على الموضوع حتى لو كان تصحيح اخطاء او وجهة نظر مختلفه عن وجهة نظري...........بالعكس احس ان فيه اهتمام بالموضوع ...
واذا كان مثل ماقلت لك العضو معروف باغلب اقسام المنتدى ماراح يقرون باقي الاعضاء مواضيعه ويخلونه من دون رد


اما اني انزل موضوع ولا القا عليه ردود فعلى طول احبااااااااااااااااااااااااااااااااااااااااااااااا اااااااااااااااااط<<<<اخيرا قالتها

[black shadow]

اخي عذابوه
توك تدري اني بنت اضاهر انا بسوي توقيع اكتب فيه اني بنت
لووووووووووووول
لان كل الناس الي مايعرفوني يغلطون ويقولون ولد اتعقدت

ومشكوور على توضيح وجهه نظرك