البدون ... قضيه بين الجنه والنار

[شهرزاد مات]

بسم الله الرحمن الرحيم
واسعد الله اوقاتكم بكل الخير احبتي
اخواني واخواتي اطل اليوم عليكم بموضوع كنت افكر فيه من زمان الا وهو (قضيه البدون )
اخواني واخواتي
لنتناقش بمنطقيه وليكن حوار راقي يليق بنا فقد لاحظت ان اغلب مايكتب يفتقد الى الجديه
فالبدون تعايشنا معهم حتى صرنا منهم وصارو منا وانصهرو بمجتمعنا وصرنا قالب واحد
فالبدون منهم من ضحى بنفسه واستشهد فداء للكويت واميرها وشعبها
ومنهم من اسر وعاد الى اهله بعد التحرير وبعضهم لم يعد الى جثمانه ...
فجميع احداث الكويت وعلى مر تاريخ بلدنا كان البدون يشاركونا في كل شئ
وكانو معنا في السراء والضراء بالخير والشر
وهناك فئه من البدون خانت الكويت وخدمت في صفوف العدو وتجسسو على الكويت
فهل يستوي الكل بنظرنا ؟؟؟؟
اخوتي واخواتي
هناك من مثلنا منهم في كل المجالات الفنيه او الرياضيه او بالاحرى في اغلب مجالات المجتمع
فمنهم اللاعب ومنهم المطرب ومنهم الممثل ومنهم العسكري والشرطي فهل يستوي كلهم
وهل نقيس وفاء الكل بمجموعة حالات ؟؟
اخوتي واخواتي
انا بانتظار ردودكم التي تعطي الموضوع قيمته
ولي رجاء خاص اتمنى من كل عضو يناقشني لاان يكتب شكرا او يعطيك العافيه
اريد ان يكون الرد بمستوى النقاش .
ودمــــتــــم

[مملوح كوول]

يسلمو حبوبي على الموضوع والله تبي الصج البدون حقهوم ضايع بل كويت والله حرام يعني في ناس قظت كل عمرها بل جيش
وفي ناس توفت وندفنو بل كويت ويابو عيال بل كويت ومواليد الكويت يعني حرام والله

وكل ميرحون مكان ماكو وضيفه بدوووون حقه ضايع الله كريم ولا بعد سمعنى ان الي بل جيش لزم ييبون تعديل وضع يعني لزم يبون جنسيه طيب من وين وشلون حرام ناس اصل وفصل يهددونهم عدل وضعك ولا تطلع من الجيش ليش جذي مو بشر هم مو اوادم تعبو وشقو وبل اخر عدل وضعك شنو تعدل صومالي ولا ارتيري ولا سوري ولا شنو من وين يبون ينسيه

هذا اقدر اقوله ونشالله محد بيزعل

[رذاذ الشوق]

يسلموووووووو على الموضوع المفيد اخوي شهرزاد

وانا رايي من راي اخوي المزيون

والله يكون في عون البدون مساكين

[a7la_hallwa]

يسلمووووو على الموضوع الحساس و الي لازم نطرقله بجديه
بصراحه البدون مو مقطوعين من شيره و هذي صارت من مشكلات و قضايا المجتمع

و انشالله ياخذون حقهم البدون و يصير حالهم مثل حال المجتمع الكويتي بشكل عام

و الله يكون في عونهم

و شكرا مره ثانيه على مواضيعك المميزه

[شاهد عيان]

اخي العزيز شهرزاد مات

لقد فتحت لنا المجال لكي نتحدث في قضيه انسانيه وهيا تعتبر من اقوى القضايا الحاليه

بالفعل البدوون اناس حكم عليهم بالموت والدفن وهم احيااء لماذا كل هذا وما ذنبهم هل لانهم

قيل عنهم (( بدوون )) انا بنظري ان كلمة بدون ليست بجريمه او فاحشه كبرى لكي يعاقب عليها الانسان

البدون هم بشر حالهم حالنا اقس اني رأيت وكلكم رئى الكثير من البدون وسمع مشاكلهم التي يتقطع لها القلب

ومن ماسمعنا وهوا انهم يريدون للبدون ان ينتسب الى دوله اخرى والدوله هذي هيا افغاني او ارتيري او سوري

وانا لااطعن بالدول هذه ولكن هل يعقل ان انسان ولد وترعر في دوله ويريدون منه الانتساب الى هذه الدوله ومن غير هذا كله

لقد انكروو جهودهم وخدماتهم التي قدموها لووطن وهم لايمنون عليهم بما فعلو ولكنهم يريدون منهم ان يتذكرو انهم ضحو لااجل وطنهم

وانهم قاتلو وقتلو بعضهم في سبيل الوطن هل يعقل انهم يدافعون لكي يلاقون النكران من دولتهم وبالاخر يقولون لهم عدلو وضعكم

اخوتي واخواني انا لاحب ان اطيل على اخي شهرزاد لان موضوعه لايحتاج الى نقد لانه يطرح قضيه مهمه تجوول في بلدنا بلد الخير والعطاء ارض السلام الكويت الحبيبه هل يعقل ان نرى كل هذا يحصل في دولتنا

والكل منكم على ماعتقد انه يذكر الاحصائيه التي عملتها امريكا على حقوق الانسان وحينما صنفو ودرسو الدول التي

تضهم حقوق الانسان لقد وضعو الكويت من الدول الاوله لماذا كل هذا ياليت من دولتنا الحبيبه ان تحمل كل الود لشعبنا واخواننا البدون

ويعطونهم المجال لكي يعيشون ويفرحون ويبنون مستقبلهم حالهم حال اى مواطن كويتي

تسلم اخي العزيز شهرزاد مات على القضيه الساخنه والصريحه

[وائلى]

معندى كلام اقوله اله انهم حته وظايف مو لقين
يسلموؤوؤوؤ علا الموضوع الله يعينهم

[شهرزاد مات]

مشكووووورين على ردودكم اللي والله فرحتني
بس يا خواني مثل مافيه ناس تستاهل هم فين ناس والله
ماخذين الجنسيه مادري شلون يعني بصراحه انه اشوف انه مكانهم
البصره او الكوفه 000الخ
ومنحت لهم الجنسيه
وصدقوني كتبت هاذا الموضوع لكي نعرف انهم لم ينزلو من مطر
ولم يكونو من لاشي
ومع ذالك فالبعض يراااا كما قيل
الكويت مثل الكيكه الكل بياكل منها
فيعني
والله تابعت هاذه القضيه ولم اعرف الا اين تقف
وكل من تكلم فيكم رأيه هو عين الصواب

[مملوح كوول]

العفو حبوبي مسوينا شي

[عنوسه ^_~ ماتهاب]

هلا وغلا اخوي شهرزادمات
موضوعك حلوو ام المشكله والقضيه
اخوي البدون مظلوم بالكويت احنا نبي نتكلم بكل حريه وكل واحد يقول الي يشوفه من وجهت نظره
انا اشوف انهم مو ماخذين حقهم بالعكس
حرام وربي
شباب مثل الورد تدم ضاعت احلامه
دراسه ما يكمل انحرم من حقوقه عاديه
حتي سيارت ماكو ليسن ماكو شي يثبت حتي اسمه
طفل يطلع علي الدنيا محطم
ليش نظلم حق البدون
مو هم الي وقت الازمه وقفو معانا
مو منهم الي مات عشان ارض الكويت
مو منهم الي انولد هني ومات هني واسمه بدون
ماكو شي يثبت له شنو هو وهذا ابسط شي
وبالعكس لو تطالع كثره الجرايم الي قاعد تصير الحين
تشوف مو الكل الاغلبيه من البدون
ولا تلومونهم والله
اذا ماكو دراسه ماكو وظيفه
انسان منحرم من كل شي
شنو بيسوي
ماكو حل
وربي هالقضيه تعور القلب واحنا عرب مسلمين اخوان
وجذي نسوي
ليش ما تتعدل اوضاع هالشباب
شباب المستقبل جدامهم
بس شنو بقول هالموضوغع لو بكتب صفحات عنه ما راح اخلص
لدرجه ان اذا احد بيعايب احد يقول له البدون وكان البدو صار مسبه
مو انسان
مشكور ااخوي واسفه علي الاطاله

[ميلاني]

جايفين اللي دشوا كلهم بدووووون لوووووووووووووووووووووولي

الله يكون بعونهم

ميلاني

[شهرزاد مات]

ميلاني ليش صار عيب او عار
البدون والا مايناقش القضيه الا من عاشها
اخوي انت كبير وصدقني كتبت عن فلسطين وكتبت
عن لعراق وكتبت عن البدون يعني انه جذيه فلسطيني وعراقي وبدون
مشكور على تعليقك واتمني يكون احسن من جذيه ياخوي

[البرقـاوي]

يعطيك العافية عالموووووضوووووووووع
والبدووون لازم يكون لهم حقووووووق ليش هم مو بشر ولا شنو

[بقايا أثر]

صراحه موضوعك حلووو وشيق
بقضيه البدووون
فى ناس عاشو منذ ولاتهم بالكويت كبرو وعرفو انهم بدون بس حرام يا ريت ياخذون الجنسيه ويعيشون حياتهم الطبيعيه
ناس وااايد اعرفهم واول من قرايبنا بدون وللاسف تشتتو والولد ضاع مات من همه ومن معايره ادمن وتعود على الادمان ومات بجرعه زايده الله يرحمه
اتمنى فعلا ان تلاقون حل لهم اتمنى ذلك

[MiSs_STRAWBERRY]

شكراا جزيلا اخوي على الموضوع الشيق والقابل للنقاش:

بالنسبه لقضية البدون قضيه انسانيه قضية الكويت الثانيه من بعد الاسرى ,,,

لكن لا حياة لمن تنادي مجلس الامه بس هذا الي فالح في يناقش موضوع ميزانيه الدوله والخصخصه انزين الحين حل مشكلة البدون اطفال شباب شيبان يمشون يم الطوفه ولاأحد ملتفت عليهم واذا راح المستوصف ادفع دينارين على الدوا الحين هو عنده فلوس ياكل علشان يعالج نفسه من المفروض ان توفر الدوله الادويه للجميع مجانا بغض النظر اذا كان بدون او اجنبي علشان الناس تحس بشي من المساواه والعداله.

وشكراا جزيلا على الموضوع للمره الثاانيه اتمنى ان الكل يفهم الصوره الي بوصلها...... :p

[شهرزاد مات]

صدقني هالقضايا ماينعرف شنو الصح وشنو الغلط
وانه برائ وضع حل بسرع شي ممكن لكي نتدارك
هاذه القضيه وكما قال الطبطبائ في مجلس الامه
انهم يموتون ببطئ فقتلوهم ورتاحووو