موضوعي

[كتكوته ودلوعه]

راح أبدي موضوعي بسؤال .... هل انت مغرور ... أم متواضع ؟؟؟

لو كنت مغرور ... طبعا أبيك تجاووبني ....
و حتى لو كنت متواضع ... أبيك تجاوب ...

ناس وايد تشوفهم يمشون و هم رافعين خشمهم .... ناس وايد تشوفهم يعاملون إلي أقل منهم بأي شي بغرور و تكبر ... ليش ؟؟؟

سؤالي هو ليش الغرور عند البعض ... أحد يقدر يجاوب على هالسؤال !!

باعتقادي لو طرحته على واحد مغرور ما راح يعطيني جواب مقنع ...

فبعرف ليش الغرور عند البعض ... ؟؟؟ ... شنو الأسباب إلي تخليه ينغر بعمره ؟؟؟

[عنوسه ^_~ ماتهاب]

مشكور علي الموضوع اول شي
الغرور صفه مب زينه التكبر بعد مب زين
بس الناس تختلف
والانسان مهها كان ناقص وفيه عيوبه
يبقي يشوفه نفسه فوق
وهذي الصفه بكل انسان
يشوف نفسه احلي واحد
يمكن الله سبحان وتعالي عطاه هالمزيه
عشان الجيكر يشوف نفسه حلوو
الغبي يشوف نفسه ذكي
بس علي فكره ما يصير مغرور الا الانسان الغبي
تدرين ليش؟
لانه لو ذكي تواضع عشان يكسب قلوب الناس ومحبتهم
الغورور صفه الاغباء والله العظيم
ولا علي شنو الانسان ينغز
اذا بجماله في الجمال خلقه الله مو بيده ولا شي من صنع ايده عشان ينغر فيه
وهم اذا بماله في المال مو مقياس
واذا بذكاءه فالذكي الي يكسب الناس ويساعدهم مو يتكبر عليهم
بس الانسان الناقص او الواثق زياده عن اللزوم يحب يثبت لنفسه او يبين لنفسه
انه احسن من الكل واكبر من الكل
بس تري في فرق بين الغرور والثقه !!
مشكور علي الموضوع وانا هذا رائ
لج تحياتي :)

[شاهد عيان]

جواب سؤالج

اهي جم كلمه

المغرور اهو اللي يحس بنقص كبير بشخصيته ويحس انه بغروره يكمل النقص هذا

واهو بالاساس مايدري انه انسان منبووذ ومحد راغب بغروره لان ماعمر الغرور كان شى حلو

حلات الانسان يكون متواضع يحب غيره مثل مايحب نفسه وانا اشووف ان اى شخص يعاملني بغرور

هم بعد اعامله نفس المعامله وارفع خشمي عليه عشان ابين له انه مثل مايشوف الناس الناس تشوفه جذي

يعطيج العافيه على موضوعج بس ياليت تتواصلين مع الناس بالردود لانج كاتبه كذا موضوع وموراده عليهم

دمتي ودام قلمكي الرااقي

[كتكوته ودلوعه]

ثانكس على مرووركم وعلى التواصل

[قطة^منحاشة]

اول شي شكرا على الموضوع انا مو مغروره متواضعه بس الناس اللي مايعرفوني يقدرون يقولون اني مغروره

يعني مثلا الحين لو في وحده جميله جدا وهاديه ومو اجتماعيه الناس راح تحكم عليها بالغرور ولما الواحد

يسولف وياها ويحتك اكثر راح يحس انها لا مغروره ولا شي..

وبالنسبه لي انا الحمدلله ماغتر كلش :)

[القرناس]

تشكرين للموضوع والذي بدأتيه بسؤال هل انت مغروزر ام متواضع

التواضع صفة اهل الجنة والكبر والغرور صفة اهل النار

وفيه فرق بين الغرور وبين عزة النفس والتواضع صفة يحبها كل الناس بس للاسف

تتحكم بهم اهواءهم واخلاقهم وتعاملهم

والله يرزقنا التواضع وحسن الخلق .................... امين

عزيزة وغالية كتكوتة ودلوعة

[الشمرية]

اختى كتكوت

احب اوضح شغلة في شيء اسمة ثقة بالنفس وهذا شيء طيب وحلو وفي شيء اسمة
غرور وهذي الصفه الله ورسولة ما يحبونها وتسبب في دخول النار والعياذ بالله

اما بالنسبة للغرور فللاسف الكثير في وقتنا الحالي يعانى من هذا المرض
حيث يظن البعض بكثرة المال او بما شابة ذلك مدعاة للفخر او مدعاة للغرور وهو للاسف لا يعلم انه اكبر خطأ ما يقوم بة

داعين الله يرزقنا وإياكم التواضع وحسن الخلق
شكرا لج اختى الكريمة

[MmLoOo7]

كتكوته اتوقع مو كل اللي شفتيهم مغرورين في منهم بس اضن ان بعضهم فيهم ثقي بالنفس ...
اما اللي يمشي ورافع خشمه هذا ماعنده سالفه .لان النسا كلهم سواسيه والله خلقنا من طين


وصدقيني انتي اوثقي بنفسج وانشالله ماتلقين احد متكبر ولا مغرور :)

واما على ليش هو متكبر واسبابه ... صدقيني اكثرهم عقلهم اصغير من النسا اللي حولينه يقعدون يطيرون فيه ويقولون له كلام حلو لين مايطير بالهوااا ........


وانشالله يكون الرد عند حسن الظن ....

تحياتي :
مملوح

[MmLoOo7]

انا الظاهر خرتهاا وكلامي صار بدليات سوري والله انا سهران ....

بس البدليه اللي صدتها هي كلمه النسا = الناس ...

والباقي عاد طوفيه انتي :)

تحياتي :
مملوح

[كتكوته ودلوعه]

[grade="32CD32 FF1493 00BFFF 800080 FFA500"]العفو لا شكر على وااجب ومشكوريين مره ثانيه على مرروركم ويعطيكم العافيه
مع خالص حبي كتكوته
ثانكس على البدليات الحلوة اخووي مملوح[/grade]