ام راشد مافهمت الدرس ام راشد متى العطلة (( الله يعين ام راشد لووول العزوبي))

[محبــوب القلـوب]

[frame="8 80"]كل الحوارات التالية تحدث بالحصة وبين الطالبة وام راشد:))))


ـ ام راشد مافهمت الدرس
ـ اكيد مافهمتيه..هذا من الهذرة والسوالف والسرحان و الضحك بالحصة


ـ ام راشد ممكن تعيدين اللي قلتيه ماسمعته
ـ اكيد مابتسمعيني ..انتي وصديقاتك بس تسولفون ..شلون بتسمعون؟


ـ ام راشد ..ممكن اروح الحمام؟
ـ يعني ماافتكرتي الروحة الا الحين...بعد الحصة روحي،انتم زي الاطفال رايحين جايين على الحمام




ـ ام راشد ..ممكن اشرب ماي
ـ يعني ماصرتي عطشانة الا الحين..احسن خلك عطشانة عشان ماتشولفين وتتكلمين


المشهد :ام راشد شغلت شريط (كاسيت) للطالبات .واحدة من الطالبات قامت وقالت:
ـ ام راشد..الشريط اللي سمعتينا اياه من شوي ماكان صوته واضح
ـ لو انتم توقفون الازعاج والكلام اللي صاير بينكم في الفصل كان سمعتوا


ام راشد منهجنا صعب...خططيلنا على الكتاب-
من قبل ام راشد فيه 3 ردود لهذا الطلب: الرد الاول:ايش؟؟؟اخططلكم؟؟اطفال انتم.؟؟
)الرد الثاني:انتي واحدة كبيرة..صرتي بصف (...) لازم تخططين بنفسك
الرد الثالث:مافي تخطيط ..كل شيء معاكم احفظوه


ـ ام راشد..دفتري ضايع..وش أسوي؟؟
في هالحالة ام راشد ترد باحدى هالثلاث ردود: الرد الاول:هاه..نعم؟؟! وش تسوين؟؟ايش رايك اروح بيتكم وادور عليه؟؟لا انتي دوري عليه وانا شذنبي ان كان ضايع؟؟انا اللي ضيعته؟
الرد الثاني: لا لا,,الحمدلله..ماعندي دفاتر بمكتبي انا ارسلتها لكم يوم الاحد اللي فات..
الرد الثالث:ترى ان مالقيتي دفترك..راح تعيدينه لي كامل


المشهد/بنت تمسح السبورة..بعد ماخلصت من التمسيح:
ـ ام راشد..ممكن أغسل يدي(البت اللي تسأل كانت تمسح السبورة)
ـ انا اعرفكم يابنات ..اذا تبغون تطلعون تسمحون السبورة..لا ياحبيبتي مافي طلعة..خذيلك منديل


ـ ام راشد..الفصل حار مانقدر نستوعب
ـ شايفيني انا المصلح اللي يصلحلكم المكيف؟؟روحوا الادراة وقولولهم ..يلا لا تضيع حصتنا


ـ ام راشد..فيه نملة تحت الدرج!
ـ اصلا النملة تخاف منكم..يلا بلا تضييع وقت..خلونا نكمل شرحنا..بس عشان نملة صغيرة مسويين قضية..


ـ ام راشد الجو حلو..ممكن نفتح الشبابيك
-انتم ماتبغون تفتحون الشبابيك الا عشان تتفرجون على الرايح والجاي..لا ماراح نفتح ـ ام راشد بس الجو فظيع..لا نضيع هالفرصة
ـ عندكم فرصتين للطلعة..بعدين..يلا نكمل الدرس


ـ ام راشد..الشمس على عيوننا ممكن نسكر الستاير؟
ـ لا خلوها احسنلكم ,,الشمس مفيدة لكم


ـ ام راشد..صراحة..الامتحان كان مرة وحدة صعب
ـ اسكتوا ماحد طلب رايكم


ـ(هذا في حصة الفراغ) ـ ام راشد..الله يخليكي ..طلعينا برة
ـ مجنونة انا اطلعكم؟؟!عشان تسوون ازعاج وتزعجون الادارة..بعدين المديرة ماترضى


ـ ام راشد..انتي دخلتي اي جامعة؟؟(البنت اللي تسأل الغرض من سؤالها الاستفادة من تجارب الآخرين)
ـ انتم ملاقيف بس تبغون تعرفون اسرارنا..ايشرايك بعد تساليني متى تزوجت؟هذا اللي ناقص!!


ـ ام راشد..انا تعبانة..وديني عند المشرفة
ـ معليش ..لا تشاركين معانا..بس استمعي او تقولها:ـ حطي راسك على الدرج ونامي,


المشهد/دق الجرس وبدأت فسحة الصلاة وام راشد باقي تشرح الدرس البنات يقولون :ـ ام راشد..نبغا نطلع..بنروح نصلي
(تبتسم ام راشد ابتسامة خبث وتقول:تصلون؟؟ولاّ تلعبون؟؟..وتدورون بالاسياب؟؟


المشهد:ام راشد تملي البنات الدرس..
ـ ام راشد..شنو عيدي ؟؟؟؟؟؟؟
ـ اسكتوا وبتسمعون


ـام راشد..نذاكر من الدفتر ولاّ من الكتاب؟؟
تتحول ملامحها الى ملامح شر وتقول: ـ من الأثنين..


المشهد/ام راشد داخلة الفصل..والبنات بتأفف يسالونها
ـ ام راشد,,اليوم بتعطينا درس؟؟
ـ اي عيل ليش جايتكم؟؟





ـ ام راشد..ماجبت الدفتر
في هالحالة ام راشد تختار احد هذه الردود:
(1) ليش شقاعد ؟؟؟؟؟؟؟ يسوي في البيت؟؟نايم؟؟
(2) اجل ليش جاية المدرسة؟؟؟
(3) شلون نسيتي الدفتر؟؟ مانسيتي الا دفتر مادتي؟؟
(4) ليش نسيتي الدفتر انتي ناسية الفسحة مثلا؟؟

ـ ام راشد..ماأستلمت كتاب
ـ ليش ؟؟؟كنتي نايمة لما وزعوا عليكم الكتب؟؟
او تقول:
ـ انا شنو ذنبي؟؟روحي المكتبة
او تقولها:ـ صوريلك كتاب من اي بنت (رغم امتلاء المكتبة المدرسية بمثل هذه الكتب)


ـ ام راشد..لا تمتحنينا بالدرس السابق..كان علينا اليوم امتحان وماامدانا نذاكر الدرس السابق
ـ اصلاً الدرس هذا سهل مرررة وبسيط...ومايبغاله شيء...لو انكم امس منتبهين معاي كان عرفتوا تحلون الاسئلة حتى لو ماذاكرتوا


ـ ام راشد..ممكن نتفتح الباب؟
ـ لا..عشان تتفرجون على صديقاتكم..خليه مقفل..عشان تنتبهون للدرس


المشهد/بنت تتعنى وتطلع من فصلها ،وتروح لفصل صديقتها عشان تاخذ منها شيء..تدق الباب :
ـ ام راشد..ممكن اكلم (فلانة)
ـ لأ..بعد الحصة
ـ ام راشد..بعطيها شيء وأروح
ـ لأ..أطلعي بره..قلتلك بعد الحصة


المشهد/ام راشد تفتش على الواجب..بنت توقف وتقول
ـ ام راشد..انا كنت غايبة..ماحليت الواجب
الغياب عندي ماينفع عذر..ليش ماكلمتي واحدة من صديقاتك ولا ماعندكم تلفون؟؟؟_
ـ ام راشد..ماكنت اقدر اكلمهم..لاني كنت حيل تعبانة
ـ حيل تعبانة؟؟(تقولها باستخفاف)اجل ليش جيتي المدرسة اليوم ..كان قعدتي في البيت[/frame]
[align=center]
[=center]

[][/align]


الله يعين ام راشد بس فرصة تريح ابوراشد لان الشباب بعد مؤذينه لووووووووووووول المهم شدو حيلكم بالدراسة ومافي يالله شات ماينفعكم والله الدراسة اهم لاحقين على النت اوكي حبايب قلبي يالله كل التمنيات بالنجاح من اخووووووووكم العزوبي الحزين

[ميلاني]

لوووووووووووووول
بو راشد
الله يهداك تعودت على هالكلمه بوراشد
يعطيك العافيه خيوو

[عمشه بولند]

الله يعينا خلصنا من ابو راشد طلعت ام راشد وباجر ولدهم راشد لوول

يسلموؤوؤوؤ الحزين

[محبــوب القلـوب]

يسلمووووووووو على المرور ام راشد قصدي عمشة لوووووووووووووووووووووووول عدوى والله صار ابوراشد

[محبــوب القلـوب]

صج اوراد لوووووووووووووووووووول مشكورة علىالتواصل اختي وانشاء الله تكونين مميزة في مواضيعج بما انج يديدة في المنتدى ادري ضيقت خلقكم في سوالف المدرسة بس اتمنى من ربي تتفوقون بالدراسة قولو امين

[بقايا أثر]

يسلمووووووووو ام الراشد
لووووووووووووووووووووووووووووووووول
يسلموووووووو عزوووووووبى

[معشوقه]

[frame="1 80"]


واحنا مانخلص من ابوراشد تجينا ام رااشد العزوبي انت ابووراشد تفهم


لوووووووووووووووووووووول




لات\رسوون عناد في بوراشد


[/frame]

[jggJ]

لــووووووووووووووول

مشـكوووووور أخـوووي


خـوش حصـه مع أم راشد :))

[~§][][ الـــفــــنـــــار ][][§~]

[grade="800080 FF1493 800080 FF1493 800080"] بسراحه لو ام راشد تدرسني بدال ابله عتيات احسن بألف مره

ههههههه

شكرا [/grade]

[محبــوب القلـوب]

لوووووووووووووول معشوقة انا الحين صرت ابوراشد يمة منكم يامعشر النساء ماينقدر عليكم لا هني ولا بالشات المهم يسلموووووووووولي على المرور يالغالين حبايب قلب العزوبي