هاى أعضاء ومشرفين ..سؤال؟؟سنو تعلمتو من الحياة ؟؟؟

[بقايا أثر]

السلام عليكم ورحمه الله وبركاته

طبعا انا شفت هالموضوع باميلى عجبنى وقلت بنزله لكم ....

طبعا اهوه من قروب نواف بيك ...

يعنى الموضوع منقوووووول ...

يلا نبتدى ...

هاي أعضاء ومشرفين . . قوة . . كيفكم


سؤال ؟

جم عمرك ؟

جم عمرج ؟


وشنو تعلمتوا من السنين اللي طافت ؟

تعلمت ان اللي يسكت عن حقه ينداس

تعلمت ان الدنيا ماتسوى بيزه حليه

تعلمت ان الديانه مو مقياس للاخلاق

تعلمت ان اللي مافيه خير باهله مافيه خير بالناس

تعلمت ان الحياة ممكن تنتهي باي لحظه و احنا على غفله

تعلمت اقول الحمدالله على الصحه و العافيه

تعلمت اسوي خير و ما انطر مقابل عشان ما انصدم

تعلمت ان الكلمه الحلوه و النفس الطيبه راس مال الطيب

تعلمت ان اغنى انسان بالعالم اللي يملك الصحه و راحت البال

تعلمت ان الحســـافه بالعمر اذا ضاع بدون فايده

تعلمت ان تالي العمر موت

تعلمت ان شر البليه ما يضحك والله

تعلمت الفلوس اتغير النفوس

تعلمت ان العمر ايخلص و الشغل مايخلص

تعلمت ان اذا قلت الصج اتصير منبوذ

تعلمت ان اذا تبي الناس تسمعك لازم تسمعهم اول

تعلمت ان الطيب طايح حظه و ال ؟ خلوها على الله

تعلمت ان مو كل الناس على نياتها

تعلمت ان تعلمناه بالمدرسه شي و الواقع شي ثاني

تعلمت ان وايد ناس حق شغلهم يصيرون ذربيين

و اذا خلصت مصلحتهم مايعرفونك ..في مجال الشغل

تعلمت ان الواحد يشتري اكثر مايبيع يعني يسمع اكثر مايتكلم

تعلمت اشوف مصايب الناس و اقول الحمدالله على كل حال

تعلمت ان اللي شايفين روحهم ** المغرورين ** اكثر ناس شايفه روحها

و نفسيه اللهم يا كافي و الناس اللي شايفه خير ماكو اطيب منهم

تعلمت ان مهما اتسوي خير حق النذل ايرده اصله و مايبين بعينه

تعلمت ان اللي يتفلسف وايد و انا و انا داخله فاضي

..
.
.
.
.
.
.
تعلمت يكفي ماتعلمت و تألمت مافيه الكفايه



لا تنسون هذا الموضوع منقوووول

[عنوسه ^_~ ماتهاب]

الف شكر لك بقاياا يا غناتي تسلمين علي النقل :)

[Some1One]

يعطيج العافيه اختي بقايا على هالموضوع الحلو

الي تعلمته من الدنيا ان مافي يستاهل ان دمعتي تنزل عشانه او اني اضحي حق شخص يستكثر

حتى الابتسامه الجذابه فيني واني لا بغيت اكسب شي لازم يكون عندي استعداد اخسر كل شي بحدود العقل

اخوج سوم ون

[معشوقه]

يسلمووووووووووووو بقايا وعساج علقووه رووعه الموضووع وةيسلمووو ععلي النقل

[بقايا أثر]

الله يسلمكم جميعا
ثانكس عنوووسه على المرور
صاج بكل كلمه تقولها انت سم ون وان شالله اصير مثلك
معشوقه الله يسلمج حبيبتى وما قصرتى للمشاركه

[Some1One]

بقايا اتمنى لج كل الخير على كلامج الحلو الي قلتيه عني لكن صدقيني الانسان لازم يبرز شخصيته بنفسه

ومايكون منحاز او متشبه بأحد صدقيني انا ودي اكون بمكانكم لكن الله اراد لي اني اكون جذي يعني لا

تقولين جذي لان كلكم اكبر من انكم تكونون مثلي انا انسان تائه الخطوه ومادري شنو الي ابيه من هالدنيا

عايش والسلام هذي نصيحه يا بقايا واتمنى لج كل التوفيق والنجاح اخوج سوم ون :)

[أسير الأزرق]

يعطيج الف الف عافيه على الموضووع الي يستحق أكثر من كلمة حللوو شكثر أستفت من هل موضووع

ونبي أكثر مثل الهمواضيع

[شاهد عيان]

اخت بقايا اثر

كالعاده تبهرينا بموضوع راائع وجميل هذا ماتعودنا عليه منكي

اما على موضوعج الدنيا علمتنا الكثير والكثير وانا ارى ان ورقه وورقتين

لاتكفي لكلامنا الذي نريد قووله ولكن احب ان اقوول ان الدنيا علمتنا على الصبر

والكفااح وان لانيأس امام اضعف الامور وان نتصدى لها بعزيمه وقوه وطولة بال

وتعلمنا ان الدنيا يوجد فيها الطيب والخبيث وكل منهم له ميزته الخااصه في طبعه

وانا انصح كل شخص عزيز علينا واقوول له هذه هيا الدنيا يجب ان تكافح بها

وتتعلم منها وتصارع امواجها وان يرضى بالفشل لانه لايأتي نجاح الا من بعد فشل

يعطيج العافيه عزيزتي على موضوعج الجميل ونحن بأنتظار كل ماهو جميل منكي

[بقايا أثر]

من قالك سوم ون خلها على الله كلنا تاهين وضايعين ولا بعد مو عارفين الدنيا لوين تودينا والدليل اننا انام ونقعد على حزن والم فى بعض الاوقات الله كريم عموما يسلمووو على الرد والمرور

الله يعافيك اسير وما قصرت وتسلم على المشاركه

مشكور شاهد على كلامك اللى كله صح بس صعب تدرى ليش لان الحجى سهل بس الفعل صعب جدا بس اوعدك احاول شاهد
وانا انصح كل شخص عزيز علينا واقوول له هذه هيا الدنيا يجب ان تكافح بها

وتتعلم منها وتصارع امواجها وان يرضى بالفشل لانه لايأتي نجاح الا من بعد فشل

يسلمووو على المرور