شخسرانيين..........!!!

[قطة^منحاشة]

ياجماعه تسحروا وانوااا وصومواا يوم عرفه يوم عظيم وكله بأجره

والله صراحه انا ماكنت مفكره اصوم ....... المهم جتني بنت اخوي باولى ابتدائي

وقاعده تاكل قالت يا عمه انا بتسحر من الحين باجر بصوم لانه عرفه بتصومين

قلت لها لا ماني صايمه قالت والله ماتخافين من الله ...........!!!


يعني بنت صغيره ضحكت علي مابالكم بلي مو مفكر كلش


عاد والله استحيت من ربي وتسحرت ومن اليوم وانا ابلع واخزن اكل :)


ملاحظه للاعضاء :-

فطوركم عندي بس صوموا :)

[QaTaR!A]

صـــــــــــــــــــــــــــــج لســـــــــــانج والله قطوة منحاشه ..

اصلا الي مابيصوم يوم عرفه يعتبر ( مب صـــــــاحي ) اعذروني على هالكلمة بس هاي الصج ..

يعني في احد يضيع اجــــــــــر كبير من رب العالمين .. بس يوم والله يوم واحد مب شهر .. والاجر كبيرررررررر

يغفر لك سنه راحت وسنه بتيي .. يعني ايش تبون اكثر من هاي..

من كثر حسناتنا عشان الواحد مايبي يسوي شي لربه ..

والله هاي فرصة ماتعوض .. لان يوم الحساب بنتمنى لو اجر حسنه وحده بس يمكن اتساعدنا ..

يــــــــــا ناس يــــــــاعالم لازم اتصومون والله حرام اتضيعون عليكم هاليوم بالفاضي ..

ومــــــــشكورة اختي قطة منحاشة .. على التذكير .. وطبعا اكيد بنصووووم

وان شاء الله الكل بيصوم ومابيضيع على احد هاليوم ..

يعطيج ربي الف عافيه ويجزيج خير ..

تحياتي

ــــــرية QaTaR!A قـــطـــ

[قطة^منحاشة]

الله يعافيج ويجزيج خير يارب ومشكوره على مرورج يالغاليه :)

[القرناس]

تشكرين للنصيحة بالصيام وانا راح اصوم بس اذا بكرة انشاالله

ما جهزتي الفطور يا ويلك هههههههههههههههههه

الله يعينا وياك علي الصيام والحمدلله لا عطش ولا جوع والامور كلها بسيطة

والله يوفقك يا قطوة الي تأثرتي بالطفلة الصغيرة

عزيزة وغالية

[قطة^منحاشة]

الله يسلمك يارب انته بالذات فطورك يوصلك لي بيتك بس تدلل حط لسته بالاكلات اللي تحبها

ههههههههههههههههه :) ويسلمو على مرورك يالغالي :)

[همسات]

الله يجزاج خير المهم ابي اكلات ايطاليه

[قطة^منحاشة]

ههههههههههههههههه انشالله همسات تامرون امر كلكم :) وشكرا على المرور

[فديت روحك]

يسلموووووووووووووووووووووووووووو


وانا الحمد لله صايم العشر ولله الحمد


دمتي ودامت مواضيعك لنا

[قطة^منحاشة]

تقبل الله منك يارب ومشكور على مرورك :)

[شاهد عيان]

مشكووره اخت قطه منحاشه على اهتمامج الواضح بالاعضاء

وانشالله ان الكل راح يصومون لانه يوم واحد والحمدالله مافي لاجوع ولا عطش

وبنفس الوقت اجر يوم عرفه قوى حييل فيه مغفره سنتين بيوم واحد

ياجماعه ترى الدين يسر مو عسر وياليت انكم تستفيدون من حياتكم شى مفيد

ينفعكم وينفعنا بيوم الاخره ....

اخت قطه منحااشه تسلمين على التذكير والاهتمام بس ماوصيج القيمات اوكي هههههههههه

[حب وطن]

انا صايمة حبيبتى مشكورة على النصيحة

يسلمووووووووووووووووووووووووووووووووووووووووووو

[عمشه بولند]

فضل صوم يوم عرفه :

وهو اليوم التاسع من ذي الحجة ، وقد أجمع العلماء على أن صوم يوم عرفة أفضل الصيام في الأيام ، وفضل صيام ذلك اليوم ، جاء عن النبي صلى الله عليه وسلم أنه قال :" صيام يوم عرفه أحتسب على الله أنه يكفر السنة التي قبله والسنة التي بعده " [ رواه مسلم ] . فصومه رفعة في الدرجات ، وتكثير للحسنات ، وتكفير للسيئات .

ماذا يكفر صوم يوم عرفة :
فعموماً لا ينبغي صيام يوم عرفة للحاج أما غير الحاج فيستحب له صيامه لما فيه من الأجر العظيم وهو تكفير سنة قبله وسنة بعده . والمقصود بذلك التكفير ، تكفير الصغائر دون الكبائر ، وتكفير الصغائر مشروطاً بترك الكبائر ، قال الله تعالى : " إن تجتنبوا كبائر ما تنهون عنه نكفر عنكم سيئاتكم " [ النساء ] ، وقوله صلى الله عليه وسلم : " الصلوات الخمس والجمعة إلى الجمعة ورمضان إلى رمضان كفارة لما بينها إذا اجتنبت الكبائر " [ رواه مسلم ]


للمعلومات فقط

مشكوره ياحلى بنت بالمنتدي

وتقبل الله صيامكم جميعا

[شيطووووووووون]

انا ما اقدر اصوم لاني مريض حدي و قاعد اكل ادويه >>>>>>>>> معطيني 10000 دوا
و مشكوووووووره على انج ذكرتي الناس بالصيام

[BaBy_KisS]

على الله محد يقعد ياكل من ورانا اولكر وبرنجلز لووووووول

جزاكم الله خير وانشالله بميزان حسناتكم , وهاليوم عظيم لازم على الجميع يصومونه
:)

[القرناس]

الله يسلمك يارب انته بالذات فطورك يوصلك لي بيتك بس تدلل حط لسته بالاكلات اللي تحبها

ههههههههههههههههه :) ويسلمو على مرورك يالغالي :)

يا ربي سلمها وسلم غاليها وربي امزح

والله يديم المحبة والمودة وربي تاج علي راسي مقامك عالي وغالي