كلام صريح وياليت الكل ايشارك فيه

[BadBoy]

تسلمين اختي الغاليه عنوسه على تواصلج

اوكي ما اختلف معاج على انه زياده عدد البنات بيد الله


بس انتو البنات ليش الوحده ما ترضى تكون زوجه ثانيه ؟؟

مع انه الشرع والدين محلل للرجل اربعه


وليش الشروط القاسيه من اهل البنت ؟؟


ليش ما ايتساهلون مع الشباب


والاخت معشوقه تقول الشباب ايسافرون


اوكي بس اسألي نفسج ليش ايسافرون ؟


انا ارد عليج لو الواحد فيهم لاقي له مره صدقيني ماسافر


مافينا احد يكره الحلال ترى



وتسلمون حبااايبي على تواصلكم

ناطر آرائكم

اخوكم فيصل

[عاشقة الغروب]

القضيه الاولى : زياده نسبه العوانس . يا ترىمن شنو السبب


هل بناتنا فيهم قصور ؟ بالطبع لا بنات الخليج والحمدلله ما فيهم اي عيب ولا قصور بس شوف شنو السبب وااله واعلم البعض يكون اختها الكبيره مو متزوجه وابوها يرفض انها تتزوج قبل الكبيره او تلقى وحده تتشرط تبي زوج عنده شهاده اويكون ذو منصب عالي ويعني يا كثر الاسباب



القضيه الثانيه : زواج الشباب من الاجنبيات . شنو فيهم زياده عن بنات ديرتك ؟؟

طبعا ما فيهم اي زياده عنا بس يمكن يكون الشاب يحب التغير عن بنات ديرته فيروح ويلجا حق بنات الاجانب او تلقى انه راح وتقدم لكذا وحده ورفضته فيروح ويتزوج من بره والاسباب كثيره


القضيه الثالثه : ارتفاع المهور عندنا ؟؟ . اخي الأب انت تبي لبنتك الستر ولا تبي تبيعها ؟
انا معاك بالهنقطة انت تبي تزوج البنت ولا تبي تبيعها وعلى ما اعتقد ان الستر افضل من المهر العالي ليش انت تبي تشتري الريال ولا تبي تناسبه وبالنسبة لقضية ارتفاع المهور قضية وارده في اكثر البيوت ان الاب اذا يبي يزوج بناته يطلب المهر العالي قبل لا يي ويدور على الاخلاق


اوكي تبي شي ايشرفك بس الرجل الصالح هو اكثر شي راح ايشرفك

القضيه الرابعه : الشروط التعجيزيه من أهل البنت . قولو ما نبيك وارتاحو


اي والله صح ليش تعطون شروط تعجيزية للرجل وبالاخر تقولون ان الرجل يا خذ من بنات الاجانب


القضيه الخامسه: شروط البنت . ابي واحد بمستواي الدراسي ليش ماخذه رجال ولا شهاده

يا بنت انتي لمن تيين تختارين الزوج اختاريه على اساس الاخلاق تراج بتاخذين ريال منتي بماخذة شهاده انتي بتعيشين معاه مو مع الشهاده وفعلا هذا اللي حاصل الريال لمن بيتقدم اول شي تسال عنه اكثريه البنات الشهاده ليش عاد؟

القضيه السادسه: البنات تلقون الوحده لابسه برموده وحجاب . فهموني اشلون يركب هالمنظر؟

الله يستر عليينا وعلى بنات خلق الله


القضيه السابعه : الشباب الواحد معفس شعره ويقول سبايكي ؟ . اخي الشاب هل ترى ان في هذا المنظر راحتك ؟؟

مشكله لمن يينا الشاب ويقلد شباب الغرب


القضيه الثامنه: التقليد الاعمى من الشباب والبنات بالغرب . اللي حاط ترجيه واللي حاط قلاده

واللي لابسه صليب

قضية مهما تكلمنا عنها ماراح نوصل للحل بس المفروض من الكل التقيد بالدين الاسلامي وقواعده وشروطه


الف شكر لك اخوي على الطرح المميز لهذا الموضوع وعساك على القوه والى الامام دائما

[معشوقه]

[move=down][align=center]


اخ فيصل تراا ولوو يعني مو لهدرجه الماليه صفر عندهم ما يقدر يتزوج والصرااحه تراا فيه ناس موشرط تحط ملاين لواج انثر والا غلبيه تبي الستر بس بعض الشباب يتحججون بهلشئ وصارت هالمشكله شماعه تعلقون عليها كل بلاويكم



[/align][/move]

[عنوسه ^_~ ماتهاب]

والله يا اخوي فيصل تقول ليش ما ترضي تكون زوجه ثانيه بكل صراحه
لانها ما راح تعيش مرتاحه
يعني البنت طول عمرها تحلم برجال يصونها ويحترمها مو اكثر من جذي
لما تكون زوجه ثانيه
اولا المشاكل الي مستحيل تخلص
وبالوقت هذا وبكل صراحه صعب البنت تلقي رجال يعدل بيت الاثنين حسب شرع الله
يكون وحده منهم راح تنظلم تقول اقعد عانس احسن لي
من عيشه الهواش والمشاكل
لان صعب تحصل واحد متزوج 2 او 3
ومرتاح صدقني
ولك جزيل الشكرر

[BadBoy]

تسلمون حباايبي على المرور

الاخت معشوقه تدرين اشسويتي فيني ؟

قلبت الشاشه عشان اقرى كلآمج :)



وتسلمين على رايج اختي عاشقه الغروب





اختي الغاليه عنوسه

اشلون ترضين تقعدين عانس ؟؟


وشلون حكمتي انه ما راح ايعدل بينهم ؟؟



وبعدين المشاكل هي ملح الحياه ترى

الانسان ما يقدر يعيش طول عمره مرتاح للعلم


وماكو مكان يخلى من المشاكل اتحداج اذا لقيتي


الاخوان اللي هم من بطن وحده ايتهاوشون

يعني شي طبيعي المشاكل بالحياه ترى


ناطر ردج

أخوكم : فيصل

[><@الشقااوي@><]

تسلم اخوي فيصل على مواضيعك الرائع

وانا واحد من عشاق مواضيعك الشيقه

وعساك ياقلبي دوووم على القووووه

اخـــــ حمود العتيبي ـــــــوك

[بوجمعه]

الصراحه أنا عندي تعليق على العنصر الأول

مع إحترامي لبنات الديره00 بس في لوقت الحالي صار من الشين يعم على الزين لكثرة الشين والدليل على كلامي روح المجمعات أو تمشى على البحر وإشوف العجايب بس أرد وأقول لو خليت خربت




ومشكور

[BadBoy]

تسلموون حبايبي على آرااائكم الحلوه


ويعطيييكم العافيه


تحيااااااتي لكم

أخوكم : فيصل

[عنوسه ^_~ ماتهاب]

اخوي فيصل الانسان يعيش مره وحده يعني يعيش هالمره وحده مشاكل
انا من الي اشوفه بالحياه
ما شفت واحد متزوج 2 او 3
ومرتاح
وين هذا
كلا مشاكل وهواش وحياه تغم وربي
فرق لما تكون حياه سعيده بين اسره متفاهمه
او اسره كل يوم مشاكل
الواحد اذا ما يرتاح ببيته وين يرتاح
يعني لو انا ما اتزوج واحد عنده زوجه ثانيه لو شنو يصير
هذا راي
وصعب اي بنت ترضاا بالهشي والله

[BadBoy]

تسلمين اختي عنوسه على تواصلج

بما انج قلتي الانسان يعيش مره وحده


وما عمرج شفتي احد مرتاح وهو متزوج 2 او 3


انا برد عليج بسؤال

عمرج شفتي اثنينه يحبون بعض ومرتاحين مافيه مشاكل بينهم ؟؟


اذا شفتي راح يكون واحد بالميه

هذا خاين حبيبه وهذي خاينه حبيبها وهالمشاكل اللي ما اتخلص

تدرين شنو العيب فينا

انه الخير يخص والشر يعم على الكل

يعني اذا كان فيه اثنينه اتعرفينهم يحبون ومرتاحين مع بعض ماراح تدرين عنهم


راح يكون هالشي بينهم ترى


لكن اذا صارت مشاكل تلقين البنت ا تفضفض لرفيجاتها والولد نفس الشي

يعني اذا كان فيه ناس مرتاحين ماراح تدرين عنهم


واذا بتقولين مافيه بقولج الحج متولي اربع ومرتاح :)

[قرش الظلام]

[حبيبى اكون معك صريح انا تبينى اجذب عليك اقولك انا مالبس بدال البس بس شئ بال العقل مو البس بدله وطير شعرىىى سبااااايكى اوكيرلىى صرحه يووم اشوف الاشكال هذى وربى تلوع جبدى
لا ولطعين لك العبيد بشى جديد يحطلى صور الاجانب ومدرى شنو ويعلق بال القلااايد والصليبات صرحه شئ مدرى اشلون بس الله يرفع عنهم ولا يبلانه وبعدين العوانس ... لا تعليق]

[BadBoy]

[foq]تسلم اخوي على رايك

بس ما شفت منك تعليق على باقي المواضيع

ويعطيك العافيه يا الغالي


تسلم على المرور

أخوك : فيصل [/foq]

[a7la_ga6wa]

الكلام كللللللللللللله صح بصح وانا اايد هالموضوع لانه فعلا مشاكل ما لقينا حل لها لي الحين والسبب انه ماحد يقدر يواجه نفسه ويعترف بالخطا



ثانكس

[BadBoy]

تسلمين اختي أحلا قطووه


بس تدرين شنو المشكله

ان البنات مو راضيين يتخلون عن كبريائهم


والبنت ما ترضى تكون زوجه ثانيه مع ان دينا محلل هالشي

مثل ما قالت اختي عنوسه

الواحد يعيش مره والعنوسه عندها أحسن من انها تكون زوجه ثانيه :)

تسلمون على آرائكم وناطر ردود جديده

أخوكم : فيصل