عمليه حسابيه لمعرفة وزنك ..

[الحيرانه]

السلام عليكم ورحمة الله وبركاته.....

شلونكم حبايبي..

اليوم حبيت اضيف موضوع مختلف شويه .. عن السمنه الي الكثير من اهل الخليج وخاصةً الكويت يعانون منها...

فيه بعض الناس مو عارفه اذا الوزن مناسب للجسم ولا لا طبعاً كل جسم له وزن يناسبه على حسب الطول واشياء كثيره ......

عندي عمليه حسابيه بسيطه جداً عشان كل واحد يعرف اذا مؤشر السمنه عنده عالي او ان تحت الوزن المقبول..

يعتمد حالياً معيار عالمي لقياس السمنه هو مؤشر السمنه او Body Mass Index (BMI).
ويمكن ان نحسبه على الطريقه التاليه:

مؤشر السمنه: الوزن (كلغ) / الطول *الطول


مثال عشان تفهمون انا عارفه فيه ناس فهمهم ..........

شخص طوله 184 سم ووزنه 120 كلغ يكون مؤشر السمنه لديه :

مؤشر السمنه 120كلغ / 1.84*1.84=35.5

قارن الجواب بالتالي :

مؤشر السمنه:

أقل من 19 = انت تحت الوزن المقبول

20-25 = وزنك سليم

26-29 = انت تشكو من وزن زائد

30-35 = انت سمين

36-39 = انت تشكو من سمنه مفرطه

أكثر من 40 = انت تشكو من سمنه مميته

اتمنى محد يتحطم او يضيق صدره .......... اوكي ...

والمؤشر ما ينفع للرياضيين و الحوامل والاطفال ..

انشاء الله يعجبكم

اختكم الحيــــــــــرانه

[جزوي]

مشكوره اختي والله صج السمنه آفة المجتمع العربي والخليجي بالذات

انا طلع لي تحت المؤشر المقبول

معقوله حيرانه شلون وزني 69 وطولي 165 انا اللي اعرفه المفروض تحت 65 وزني عشان يصير طبيعي ؟؟

مادري يعني خلاص مااسوي ريجيمي شورتج وهداية الله

:) يسلمووووووو حيرانه وسلامة قلبج من الحيره

[الحيرانه]

تسلمين حبيبتي

بس انتي حسبتيها غلط يعني المفروض تحسبين طولجك 1.65

يعني لا تكتبين 165 فيه فرق بين (واحد و خمسه وستين)

وبين ميه وخمسه وستين اوكي يالغاليه وزنج بين السليم والوزن الزائد بس شي بسيط

مشكووووووووره على المرور

[بقايا أثر]

انا مافهمت صرااااحه صعب وااايد

انا طولى 158 ووزنى 59 بس احتمال اكووون ضعفت لانى وااايد تعبانه من القولون كرونز ديزيز

المهم ممكن احد يحسبلى

وشكرا على الموضوع

[الحيرانه]

اختي بقايا اثر انتي طلع مؤشرك 23

يعني وزنك طبيعي

مشكووووره على المرور

[بقايا أثر]

مشكوره ما قصرتى وبس اوزن واعرف وزنى الصح اطرشلج ان شالله

مشكوره حبيبتى