انت مؤيد ولا لا بس بصراحه ؟؟؟؟ ارجو المشاركه

[مريوم بنت ابوها]

بصراحه آنا حبيت اسوي استفتاء
في المنتدى
وابي كل واحد يجاوب وبصراحه
ويقول ليش اهوه مؤيد او مو مؤيد



هل انت مؤيد لحقوق المرأة ولا لا؟.؟


اختكم
بـ،ـنـ،ـت ابـ،ـوهـ،ـا

[فيرووووس بنـ؟ـات]

تحيااااتي

اؤيد بس قولوا ليش؟

المرأه كانت هي والرجل واحد وقت الازمات اللي مرت على الكويت الحبيبه

مثل غزو العراق وحرب تحرير العراق والارهاب

راحوا ضحايا من الجنسين ليش نبخل عليهم بحق من حقوقهم بس لازم تعرف المرأه اللي تبي ترشح روحها

ان بيتها افضل واستر مكان لها ويكفي تكون ملكه فيه

وعيالها اولى من البرلمان وانا اتمنى يعطون هالحقوق بس عشان يشوفون ليش الرجل كان يمنع هالمسؤوليه

عنها وياريت باجر من يصير لها حقوق ما تطالب في الزام العصمه بيدها

وتشكراااات أخوكم

فيروووس بنـ؟ـات

[العـــندليب]

هلا اختي

مريوم بنت ابوها

سؤالج فيه خطأ كبير ..

هل انت مؤيد لحقوق المرأة ولا لا؟.؟

اولا ما فيه مسلم بهالدنيا ما يؤيد حقوق المرأة ... اما إذا كنتي تقصدين

الحقوق السياسية للمرأة

ايه نعم انا مؤيد لحقوق المرأة السياسية ... مع اني انسان محافظ

السبب :

ان حقوق المرأة السياسية اصبحت شماعة لبعض الناشطات بحقوق الانسان عندنا بالكويت ... كل ماصار شيء قالو حقوق المرأة ... لو تطلقت مره من زوجها .. قالوو لو معطينها حقوقها الساسية جان ما تطلقت :D..

عطلو اعمال مجلس الامه بسبب هالحقوق .. وأخروا قضايا مهمه بالبلد بهالحجه هذي...

تخرج لنا هذه الناشطه الكاذبه على قناة الجزيرة اغيرها من القنوات المشبوهه لكي تشوه صورة بلدها الكويت اللي تاكل من خيره .. وعايشه على ارضه..

ولا اعتقد انه يوجد امراة ليس في الوطن العربي فقط بل في العالم بأسرة .. اخذت حقوقها كالمراة الكويتيه..


وبعدين شفنا تجربة البحرين وقطر ... اعطو المرأة حقوقها السياسية .. وحاولت ترشح نفسها وما قدرت تسوي شيء .... وتركيبة الشعب الكويتي مو بعيده عن شعوب الخليج .. وراح تتكرر نفس الشيء عندنا بالكويت ...


مشكوووره على الموضوع .. واسف على الاطالة



اخوووج العندليب

[BadBoy]

انا معاارض لحقوق المراه

ويعطيج العافيه على هالموضوع الحلو

[CHOCOLATE]

انا مؤيده في

التصويت بدون ترشيح

تسلميين

[عنوسه ^_~ ماتهاب]

وانا بعد التوصيت بدون ترشيح لها حق تصويت بس

:)

[الكويتيه الحلوه]

انا مؤيده وبشده
لعده اسباب مثل ما قال اخوي العندليب لانها صارت شماعه ينعلق عليها كل شي
وبعدين خلينا نعطيها حقوقها بالطيب
لان بعدين راح يصير بالغصب!!!!!!!!!!!!!!!!!!!!!!!!!!
ويسلمووووووووووووو
على
الموضوع































الكويتيه الحلوة

[A_Recoba]

مؤيد لتصـويت فقــط

[~ بنت الديرة ~]

مؤيده للتصويت بدون الترشيح

[حزونة فديت نفسي]

ميرسي حبوبة ع الموضوع واهو للأسف مكرر وكثير ماتم طرحه بالمنتدى لكن بجاوبج

أنا اضم راي لراي اخواني بالمنتدى اني معارضة الترشيح لكن ما أمانع التصويت

[همسات]

انا معارضه بس لها حق التصويت