<<ردة فعل الشباب الخليجيين اذا طاحت بنت قدامهم >>

[دانوه]

هلا و غلا ..... ها تمام

اليوم موضوعي حددده فن يلا شوفو و مشكورين على مروركم ردة فعل الشباب الخليجيين اذا طاحت بنت قدامهم


السعوديين ..

...طرااااااااااااااااااااااااااااخ...<<<---- ولا زال هذا صوت طيحة البنت...
خالد: اسم الله على الذوق....ما تشوفين شر...
سامي: قومي اختي... ويمد لها يده
البنت: ما يوعى سامي الا وطبعة يد البنت على خده اليمين وخالد لقى له كم كلمه على راسه (( ا فعل خيرا شرا تلقى ههههه)) :D



القطريين ..

طرااااااااااااااااااااااخ <<<------- صوت طيحتها....
جاسم: سالمه اختي... وبينه وبين نفسه كككككككككككككككككك
((عبدالله: ما تشوفين شر اختي ... ويطالع لراشد وكككككككككككككككككه (( شفتوا النذاله
البنت: تقوم منحرجه وماتعطيهم وجه<<<---- أو إنها ثقيله :p


الكويتيين....

طراااااااااااااااااااااااااااااخ....<<<----- صوت طيحه البنت....
جراح: حجيه قومي خطاج الشر...
البنت: حجيه بعينك...
رفيجه مشاري: يامعودة انزين قومي عن الارض و لا عاجبتج القعدة عالارض حجيه كككككككككككككككككككككككككككككككك
تقوم البنت وهي معصبه.. بعد قال لها حجيه ككككككككككككك :rolleyes:


البحرينيين..

.طرااااااااااااااااااااااااااااااااااا ااااااخ..
عادل: ويييييييييييي ما تشوفين شر اختي....
سلمان: سالمه اختي... ويمد لها يده (( بس قصده شريف واخوي ))
البنت: عادي ما صار شي.... تقوم وحاسه نفسها بتموت من الفشله.. :)


الاماراتيين....

طرااااااااااااااااااااااااااااااااا ا ااخ
حميد: سلامتج ختيه ما تشوفين شر....
بدر : ماتشوفين شر ختيه...
البنت تقوم في امان الله ... من تصد عنهم خخخخخخخخخخخخخخخخخخخخخ يضحكون على طيحتها (( ويقولون ماتروح تصعد الدري خخخخخخخخ)).... :cool:

العمانيين....

سعيد: قومي سالمه اختي...
محمد: قومي اختي سلامتش...
البنت تقوم عادي بس يضحكون من وراها ككككككككككككككككككككككك :)

بس صج صج

لو طاحت بنت جدام أي منكم شنو بــ تسوووون ؟؟!!!

من اختكم داانوه :):cool:

[صريح..!!]

لووووووووول


لوووووول


خوش موضوع

انا لو تطيح جدام اذا كانت تستاهل نتشمت عليها والله من كثر ما اتشمت عليها يمكن تنتحر البنت علي ضحكه تخلي اللي يبجي يضحك واللي يضحك يبجي لوووووووووول


واذا مسكينه امشي واخليها ما اقولها شي علشان ماتستحي مني

[دانوه]

ههههههههههههههههههههه حرام عليك ساعدها

[][{~bAdbOy~}][]

بسم الله الرحمن الرحيم
لو طاحت جدامي بنت أقول لها خطاج السوء يا أختي وطبعا عيب أمد إيدي لها وإذا كانت راضيه أمد إيدي لها وأقومها وما أتشمت عليها لأني راح يصير لي راح أتخيل وأقول لنفسي لو صار لي موقف مثل هذا وضحكو علي الناس طبعا راح أزعل (عامل الناس كما تحب أن يعاملوك) راح أسوي إلي ودي يسويه أي أحد معاي أهم شي إني ما أتشمت على أحد وشكرا أختي دانووه على هذا الموضوع بس ترا مو كل الشباب جذي وباي

[a7la_ga6wa]

انا عن نفسي انا اساسا بنيه اذا طاحت جدامي بنيه اساعدها اكييد