الموضه (الموضوع وايد حلو )

[banota_qamr]

بسم الله الرحمن الرحيم





السلام عليكم اخواني و اخواتي بغيت اتكلم عن حياتنا اليوم و ارتباطنا بالموضه بصراحه انا وحده مو مرتبطه بالموضه وايد انتو شايفين الموضه هالايام بس اللبس الضيق و التنانير القصار و الشباب شعرهم جنه واحد حاط بشعره شراقي و البنات ما يكونون بنات الا لمه يتحرشون فيهم الشباب شنو هالمصخره ؟
الموضه صايره كلش بعيده عن الدين الاسلام شنو هذا طالعو الناس شصار فيها من هالموضه ولا بنات يفصخون حجاباتهم من وره اهلهم و يلبسون الضيق و القصير ؟؟
لو فيه حل عندكم ذكروه لو سمحتو ؟؟
انشالله الموضوع حلو ؟!!!!!!!!
اما للحبون هذي الموضه انصحكم بانكم تبتعدون عن هذا الش

[الـ غ ـآليـه]

يسلمووووووو حبيبتي بنوته .... الصراحه انا بعد حاسه نفس الشي ... واتوقع السبب ضعف الوازع الديني عندهم يعني لو انهم ملتزمين بالدين ... كان احشمو نفسهم .... وعالعموم اللي يبي يمشي ع الموضه ياليت يحرص ان يكون لبسه محتشم ويساير دينه و عاداته وتقاليده
تحياتي :)

[banota_qamr]

hi
حبيبتي ردج وايد عجبني
يسلمو على الرد

[حوراء_1980]

يسلموووووووووووووووووووو بنوتا على هالموضوع الحلو ويعطيج العافيه

وانا معاج بالكلام إلي قلتيه البنيه ماتصير على الموضه إلا لما تلبس هالضيج وتعرض جسمها جدام الكل بحجة الموضه والتطور وإلي ماتلبس جذي تصير بنظرهم معقده وفيها 100 مصيبه وماتنفع حق شي وهم مع الأخت بنت القـــ م ــر قلة الوازع الديني ولو تشوفين الغرب مايسون إلي احنا نسويه ..
إذا الموضه الحين تنوره فوق الركبه وبدي حفر بعز البرد و الله يستر من الموضه السنه اليايه ...

ويعطيج العافيه

[banota_qamr]

hi لولو الكويتيه بصراحه ردج عجبني

[banota_qamr]

لولوحبيتي لا تحرمينا من مشاركتج و شوفي بالمنتدى الاسلامي

[المتكتك]

صراحة موضوع رائع ومهم ، للأسف هالايام البنات عندنا كل ماشافوا ممثلة يبون يقلدونها على طول شلون لبسها شلون مكياجها شلون شكلها وكل شي حتى للاسف فيه بنات حتى بالحركات ، ومثل ماقلتو يعني الوحدة ماتكون حلوة الا اذا حطت كيلو مكياج واذا طلعت بالشارع مفصخة ، حجي فاضي ، انا اقول الحلو حلو حتى لو قعد من النوم ( مثلي أنا حلو ) لووووووووووووووول ، ياكثر بنات ماشاء الله عليهم بالحجاب والعباية جنهم قمر يمشي على الارض انا اعتبرها هذي قلة وعي بالدين وبعد قلة ثقة بالنفس اللي تسوي الشغلات هذي مريضة نفسيا وتبي تلفت النظر لها عشان الناس يأشرون عليها وجني طولت عليكم بس عادي سامحوني ومع السلامة ........................ وشكرا

[فيرووووس بنـ؟ـات]

تحيااااتي خيتوو

يسلمو على الموضوع

انا عن نفسي مو مهتم بالموضه وااايد

والصراحه لو شفت بنت حدها داشه بالموضه وخاصه الغربيه

تطيح من عيني

ادري اشدعوه عيني تهمها او رايي فيها

اما الشباب فنظريا اعتقد ان ميولهم الغربيه لدى البعض كبيره في اطباعهم

والحل نزل موضااات جديده محتشمه باسلوب راقي متميز

ونرغب الشخص في هالموضه

تشكراااات هذا حل من عندي

[I'm-Not-A-Groupie]

انا اقول بصراحه
اللي رايح لندن ولا اميريكاا
مايشوف الللي نشوووفه بالكويت وللأسف
طحنا من عيون الاجانب.

[banota_qamr]

مشكورين يا حبايب قلبي على تواصلكم معاي صج كلام ام فان اللي نشوفه بامريكا ما نشوف مني

[HOT_DRAGON]

يعطيج العافيه ع الموضوع