سؤال متعبني وأبي رايكم فيه على وجه السرعة

[المتكتك]

[align=center]السلام وعليكم [/align]
شلونكم شباب وبنات المنتدى أنا أبي مساعدتكم وإنشاء الله تساعدوني

في سؤال أبيكم تجاوبوني عليه وأتمنى إجابتكم تكون وافية

إذا كان في شخص عزيز عليك حيل لدرجة ما تتوقعها والشخص هذا بيسوي شيء غلط شنو دورك انت اتجاه هذا الشخص ؟

هل راح تقدم النصيحة وبس ؟

هل تقدم النصيحة وتحاول تمنعه ان يسوي الغلط ؟

هل تمنعه بالقوة ( يعني غصب طيب ) ؟

وأتمنى سرعة تجاوبكم

تحياتي المتكتك

[أمــوووت بالحريبي]

اول شي تحاول انك تنصحه وتبين له خطورة الشي اللي راح يسويه بإسلوب حلو ومقنع

واذا كان مصـّـر .. حاول انك تزعل معاه وتخيره بينك وبين الشي اللي راح يسويه .. واذا كان يعزك راح يقتنع

وماراح يسويه

وصدقني اخوي مافي شي بالقوة والغصب وحاول كثر ماتقدر تبعد عن العصبيه والمشاكل لأنه مامنها نتيجه

وانشالله تنحل مشكلتك

: )

سوري ع الاطاله

تحيااتي

اختك مينونت الحريبي

[تمنيت الموت]

اذا ما سمع كلامي اربطه بحبل عند باب بيتنا لوووووووووووووووووووووول

[بقايا أثر]

لا تعلييييييييييييييييييييييييييييييييييييييييييييييي يييييييييييييييييييييييييييييييق

الاعصاب مو كل شى

الاعصاب ما تحل شى

خله بكيفه لحد ما يندم

[عازف السيمفونية]

,,,,,,,بكل بسأطه


أقدم له النصيحة



وأحط قدامه كل الأمور اللي يمكن تصير إذا سوى هالشي الغلط


أهم شي ماتوقف بعيد عنه ,, وتخليه


<< لإن صديقك >>

: أو كما يقول المثل

::: (( الصديق كالمرأه التي يعكس لك عيوبك )) ::::

[المتكتك]

مشكورين حبايب قلبي على المشاركة والاجابات الحلوة وبالنسبة لبقايا برد على جملتها ( خله بكيفه لحد ما يندم ) في مثل يقول ( ما ينفع الصوت إذا فات الفوت ) ......................... وشكرا

[استاذة الوفى]

قوه اخوي المتكتك

انا اقولك نصيحه سو كل شي ممكن يمنع هالشخص عن الي بسويه والي انته شايف انه ممكن يضيعه او يحطه بمشكله ولاتتخلى عنه يمكن يعاند شوي بس يقولون( كثر الدق يفج اللحام) ومثل ماقلت (اذا فات الفوت ماينفع الصوت)
انا عن نفسي مستحيل اكون عارفه انه شخص اعزه حيل يبي يسوي شي غلط واخليه ماقدر لاني اعتبره جزء مني اشلون اخلي هالجزء يغلط وضيع وانا اتفرج ------يعني تقدر تخلي ايدك بالنار تحترق واتقول ايدي بس الي احترقت عادي

حط بالك على هالشخص العزيز ترى صعب احد يعوضك عن احبابك والغاليين عليك محد يقدر يحل مكانهم ومكانهم يظل خالي

وبالتوفيق انشاله

[بقايا أثر]

بهالزمن كل من يفكر فى نفسه ومصالحه وشلون يقضيها خلها على الله يا متكتك لا تحاتى هالشخص لان لو يعزك ما راح يغلط بطريج انت رافضه او ما تحبه او يغضب ربه

[HOT_DRAGON]

أقدم له النصيحة

وانشالله تنحل مشكلتك

[سيجنال2]

صراحه اول شي انصحه واهو براحته بس اذا اهو كان عزيز وغالي علييي حيل اكيد ماراح اخليه وراح امنعه غصبن عنه لانه بالنهايه راح يدري اني سويت هالشي علشانه وراح يعرف اهو شنو بالنسبه لي ومكانته عندي وثانكس

[المتكتك]

مشكورين حبايبي على الاهتمام وعلى ردودكم ...............ز وشكرا

[بقايا أثر]

العفو ولو تستاهل يا متكتك

[المتكتك]

اتمنى الرسالة تكون وصلت لأني راح أمشي على رايكم وأمنعه بالقوة

[حوراء_1980]

هل راح تقدم النصيحة وبس ؟
* شي اكيــــــــد اقدمله النصيحه .

هل تقدم النصيحة وتحاول تمنعه ان يسوي الغلط ؟
* اكيد اقدم النصيحه واحاول امنعه من الغلط وهذا المفروض وخصوصا إذا كان عزيز

هل تمنعه بالقوة ( يعني غصب طيب ) ؟
* ماكو شي غصب انا اقدم انصيحه واحاول اقنعه بس ماقدر افرض رايي عليه

ويعطيك العافيه

[المتكتك]

مشكورة حوراء على المشاركة بس احيانا في بعض الناس يسون اشياء وبعدين يندمون عليها واذا كان الشخص عزيز عليج الندم هم راح يحوشج لانج راح تتاثرين لندمه وعذابه ، فمايصير تخلينه يسوي الغلط وتقولين كيفه هو يتحمل ؟، صح هو بيتحمل بس هم الناس اللي يحبونه ويعزونه راح ينضرون معاه ................. وشكرا