لحظة!!....لحظة.....!! شكلك غلط!!...شكلج غلط

[Z@G®†éY]

شكلك غلط .... !!



و إنت طالع من الصبح للدوام ، و تطير بالسيارة و مايبقا فلان و علان ما طقيت له هرنات و تأشر له و تسب و تشتم ، شوي و تكفخ الأوادم !!
و الأدهى و الأمر إذا كان ( ملتزم ) !

عن أبي هريرة رضي الله عنه قال : قال رسول الله صلى الله عليه و سلـم : (( ليس الشديد بالصرعة ، إنما الشديد اللذي يملك نفسه عند الغضب )) . متفق عليه .



شكلك غلط ... !!



و إنت رايح محطة بانزين و ماسك التلفون تسولف و الهندي يترس لك بانزين


شكلك غلط ... !!


و إنت تداحر خوانك بالبيت و تحط حرة خويلد فيهم ، و تغث أمك !!

عن المغيرة بن شعبة ، قال : قال رسول الله صلى الله عليه و سلم : (( إن الله حرم عليكم عقوق الأمهات ، ووأد البنات ، و منعا و هات ، و كره لكم قيل و قال ، و كثرة السؤال و إضاعة المال )) .


شكلك غلط ... !!


و انت بالشارع تفتح الدريشه و تتفل .. !!!!!!!!!!


شكلك غلط ... !!


و انت تتثاوب و فاج حلجك عالآخر جدام الناس !!


عن أبي هريرة رضي الله عنه قال : قال رسول الله صلى الله عليه و سلم : (( التثاؤب من الشيطان فإذا تثاءب أحدكم فليكظم ماستطاع )) . رواه مسلم .

شكلك غلط ... !!


و انت ملتزم و قاعد بستاربكس بالشاميه بالليل !!


شكلك غلط ... !!


و انت رايح للمسجد بدشداشة البيت ، و لابغيت تروح لربعك ----> آخر سكبة !
قال تعالى : ( يا بني آدم خذوا زينتكم عند كل مسجد و كلوا و اشربوا ولا تسرفوا إن الله لا يحب المسرفين )

شكلك غلط ... !!


تمر على واحد و تتصدد مالك خلق تسلم ، أو تنتظره يسلم عليك !


عن أبي هريرة رضي الله عنه قال : قال رسول الله صلى الله عليه و سلم : (( ليسلم الصغير على الكبير ، و المار على القاعد ،و القليل على الكثير )) . متفق عليه


شكلك غلط ... !!


حاط الزقاير بحلجك و تخيس اللي حواليك !



شكلك غلط .. !!


قاعد تطالع الرايح و الراد !


عن أبي سعيد الخدري رضي الله عنه قال : قال رسول الله صلى الله عليه و سلم : (( إياكم و الجلوس على الطرقات )) ، قالوا : يا رسول الله امالنا بد من مجالسنا ، نتحدث فيها ، قال : (( فأما إذا أبيتم فاعطوا الطريق حقة ؟ )) قالوا : و ماحقه ؟ قال: (( غض البصر و كف الأذى ، و رد السلام و الأمر بالمعروف و النهي عن المنكر )) . متفق عليه .

شكلك غلط ... !!


و انت ماخذ الحاره اليسار و طاير و تترك من بعيد !
( اللي يشوف يقول وراه شي !! )


شكلك غلط ... !!


و انت تسب و تشتم أي انسان معصب عليه !

عن ابن مسعود رضي الله عنه قال : قال رسول الله صلى الله عليه و سلم : (( سباب المسلم فسوق و قتاله كفر )) . متفق عليه .


شكلج غلط ... !!


و انتي لابسه عباة مفتوحة و الكشخه تحت العباة تبرق من بعيد !


شكلج غلط ... !!


و انتي تسولفين بالتلفون و تتضحكين و الرايح و الراد يسمع سوالفج !




شكلج غلط ... !!


و انتي مشغله المسجل بالسياره و حاطه اناشيد بإيقاع و مطوله عليه و السيايير حواليج يسمعون الطقطقه


شكلج غلط ... !!


قاعده بالمحاضره و تتعلجين


شكلج غلط ... !!


قاعده بدرس ديني و ماسكه التلفون و شغاله مسجات !

شكلج غلط ... !!


و انت حاطه صورة منشد ببوكج !


شكلج غلط ... !!


و انت داشه ببلعوم اللي بيع و تكاسرينه غصب ينزل بالسعر ( والله يكسرون خاطري اللي يبيعون ! )


شكلج غلط ... !!


و انت تسلمين و ماتمدين ايدج ، بالخد بس !


شكلج غلط ... !!

و أنت قاعدة بالبيت و تنادين الخدامة .. شاندرااااااااااااااا .. يبيلي ماي !
(.. و يقولون ليش احنا متان تلحلحوا ! )




شكلج غلط ... !!


قاعدة بممرر الجامعة و تقشرين بنك و تتفلين القشور !
( يتحدون من اللي يوصل أبعد !!!!!!!!!!! )
فإن لم تستح فاصنع ما شأت !


شكلج غلط ... !!


تمشين و عباتج تسحب وراج !


عن ابن عمر رضي الله عنه قال : قال رسول الله صلى الله عليه و سلم : (( لا ينظر الله إلى من جر ثوبه خيلاء )) . متفق عليه .




و أخيرا .. شكلك غلط .. !!


و انت داش الموضوع و ماتعلق :>





و الأشكال الغلط وايد نشوفها بكل مكان و اذا بنعدها مانحصيها و لكن !

ليش ماعندنا الجرأه اننا ننصحهم كلهم ، اللهم اهد الجميع يارب .

تحياتي
منقول للأهميه

[حنان الشوق]

و إنت طالع من الصبح للدوام ، و تطير بالسيارة و مايبقا فلان و علان ما طقيت له هرنات و تأشر له و تسب و تشتم ، شوي و تكفخ الأوادم !!

[grade="00BFFF 4169E1 0000FF"]هههههههههههههههه هذا انا اذا اطلع من البيت مـتأخرة عالجامعة يدي عالهرن بس ما اسب ولا اشتم ...[/grade]

و أخيرا .. شكلك غلط .. !!
و انت داش الموضوع و ماتعلق :>

[grade="00BFFF 4169E1 0000FF"]اكا انا ردييت

اختك حنان الشوق[/grade]

[EgypTion_Co0oL]

أنا مو من هذولا

هههههه


ولا وحدة شايفها لايقة علي


هههههههههههه

مشكوووووووووووووووووور أخي

[Z@G®†éY]

حنان الشوق مشكوره على المرور

[Z@G®†éY]

البرشا

مشكور اخووي على مرورك

[~§][][ الـــفــــنـــــار ][][§~]

~*¤ô§ô¤*~ Mzaje ~*¤ô§ô¤*~
Vip

و الأشكال الغلط وايد نشوفها بكل مكان و اذا بنعدها مانحصيها و لكن !

ليش ماعندنا الجرأه اننا ننصحهم كلهم <<<< صعب انك تقدر تنصح كل الناس

وصعب انك تتدخل في أمور الغير ( لأن في وقتنا هذا قليل من يحب يسمع النصيحه أو يتقبلها )

وكل اللي قلته يا مزاجي صح في اشياء غلط نشوفها كل يوم في الشارع او في اي مكان عام بس

المشكله قاعده تزيد وتستمر بكثره وهذا الشي الأكثر غلط ؟ يعني انا من الناس لما اشوفهم جذيي

اطالعهم وأمشي لأن ما تنفع النصيحه معاهم دام أهم مو محترمين الغير ؟ :::::

مثلكم عارف ان للناس أذواق :: والله يهديهم إن شالله ::

وتسلم ع هذا الموضوع يا ( مزاجي ) يعطيك الف عافيه خيووووووووووو

[عاشقــ تويتي ـة]

هلا والله أخـوي مزاجي

بالعكـس الجـرأة موجودة ولكن
إذا بنصح كل واحد شكله غلط بالشارع
متى أرد بيتنا عيل *)*
وبالعكـس ردت الفعل تبعي بتكون حلوة
إذا قعدت أنصح كل اللي شكله أو شكلها غلط
بيرتاح ضمـيري بس ياتـرى هذيلا اللي بنصحهم
مستعدين يوقفون ويعطلون شغلهم عشان يسمعون
لهم جم كلمة أكيــد بتغثهم .. خو هالأيام النصيحـة
مسبـة صايـرة عند الناس ,, ما تسـوى عليك بتنصح واحد
يشرشـحك جدام خلق الله جنك سابه


وأكيـد شكلي غلط بيكون
إذا ما شكـرتك ورديت عليك

&_&

ألف شكر لك

[Z@G®†éY]

الفنار تسلمين اختي على المرور

عاشقه تويتي : لول مشكوره على مرورج :)

[كتكووته^^مكتكته]

قواك الله اخوي مزاجي


اشوه انا مو منهم

:)


شكلي حلو مو غلط:)

[@ CooL Rule @]

شكلك غلط وانت تطالع الرايح والراد ..

شي طبيعي اللحين تطالع الكل

وفي ناس هوايتهم انهم يروحون المجمعات

ويطالعون الرايح والراد <<<<<<< ماكو شغل

ومشكوو اخوي على الموضوع ...

[Z@G®†éY]

كتكوته مشكوره اختي على المرور :)

[Z@G®†éY]

كول

تسلم اخوووي على مرورك

[ع ـناديهـ]

ل ووووووووووووووووووووو لز


خوش موضوع تسلم ايدج مزاجي :)

[Z@G®†éY]

فوله تسمين ختي على المرور

[*اتكن رقله*]

يسلموووووووووووو على الموضوع اخووي ويعطيك العافيه