أحلــــــى وأطررررف وأحررررج وأحــزن موقف مر عليــــكم!! (كل الاعضاء يدخلوووون)

[AL_3aNeEeDaH]

شلــــوووونكم شخبــــاركم؟؟

الموضوووع فهمتوووووه من عنوانه,,


أتمنى مايكوون مكــــرر,,
قاعدة برووحــي ضايق خلقي قلت اكتب هالموضوووع واشوووف ردووودكم واضحك عليكم لوووووووووول :p

وأنا ببدي,,

أحلــى موقف:
لما شفت أمي تبجي من الوناسه بيوم تخرجــي!! :)

أطـــرررف موقف:
لما كنت بالسووووق وشفت ياهل يركض والخدامه تركض وراه وهو يقولها يلا بسرعه لحقيني عشان نلعب ونقلد توم وجيري لووووووووول :P

أحـــرج موقف:
لما وديت خدامتنا المستشفى وماكان عندي غير دينار حق الطابع والبوك فاضي مو ساحبة من البنك وما ادري ان بالمستشفى الطابع سعررره دينارين لووووول!!

أحــــزن موقف:
يوم وفاة أغلى الناس بالنسبه لي بهالدنيا (يدي الله يرحمه) كان بالنسبه لي سبــب وجودي بهالدنيا وكان اقرب واعز واغلى الناس!!


يـلا انطر منكم المشاركـــات,,لاتبخلووووووون كتبوووا وايد عشان نضحك لووووول :P


:) تـحـيــــــــااااااااتـــــي :)

[/FONT][/SIZE][/CENTER]

[BaSKo0Ta]

يسلمووو العنيده ....


مواقفج عجيبه . والله يرحم يدج ..

أحلــى موقف:

يوم تخرجت من الثانويه العامه ويبت نسبه حلووه وشفت الفرحه بعين امي وابوي ..

ويوم لقيت انسانه غاليه على قلبي ((بعد ماكنت أدورها سنه كامله)) .. بالصدفه !!

أطـــرررف موقف:

لمن رحت بقدم اختبار الليسن .. قعدت يم الشرطي ولا يشوف ابوي يأشرلي اربط الحزام جان يبتسم يقولي : ريلج يقولج ربطي الحزام !! (( ابوي شكله صغير وايد )) جان اقوله مو ريلي !! جان يقولي اخوج ؟؟ قلتله لأ ابوي جان يضحك يقولي مشالله مشالله الله يخليه لج .. بعدين بديت الاختبار وقالي صفطي بين الحديدتين جان انزل راسي اقوله عمي الشرطي مااعرف أصفط بينهم !! جان يقولي انزين ردي .. ورديت ونجحوني لووول


أحـــرج موقف:

مره طحت وانا نازله من سلم السينما بالفنار .. اشوه بس كان في واحد ضحك علي وانا ضحكت على نفسي بعد لووول

وعندي وحده من رفيجاتي وايد انحرج وياها .. مره قاعدين بستاربكس قبل لا نطلب ولا تنادي اللي يشتغل تقوله ييبلي قهوه !! قلتلها فشلتينا لازم انتي تقومين تطلبين .. اففف حدي انحرجت جدام الناس .. ومره بعد كنت اتكلم بالتلفون وساهيه ولاحقتها وكنا بمجمع ولا الاخت بتدخلني حمام رياييل !! شوفوا الاحراج عاد زين مادشينا وانتبهت الرقله اللي معاي بس بدون مبالغه يتني البجيه . يعني ماتدلين ليش ماتسأليني !!
أحــــزن موقف:

والله وايد ..الله لا اييب ايام الحزن على أي شخص

[الحب اسرار]

مشكوره علي الموضوع الحلو

وبالنسبه لي احلا موقف :

يوم انولد اخوي وانا اكبر منه بـ 13 سنه وماكان عندي ولا اخو او اخت قبله

واطرف موقف :

رحت القهوى اشبك من الابتوب وشرب لي راس شيشه

لقيت القهوى مبطله دخلت مافي احد قعدت وشغلت الابتوب تقريبا ساعه الا ربع وماشفت احد دش ولا طلع وماشفت ولا عامل الصراحه خفت خذيت الابتوب وطلعت بس الباب كان مسكر لووووول اطلعو مسكرين علي وانا مادري

قعدت بعدها حوالي اربع ساعات علي ماشافني راعي المطعم الي يم القهوى ودق علي الي يشتغلون بالقهوى وقال لهم وطلعوني

احرج موقف نفسه بس يوم بطلولي الباب كنت داق علي الشرطه لوووول

احزن موقف لما توفت عمتي الله يرحمها كانت اهي اكثر وحده تحبني وكثر وحده تعطيني عيديه :(

[عاشقــ تويتي ـة]

السلام عليكم

::

مــوااقف عجيبة

ولا تحــااتين مابيكون مكرر


::


أحلــى موقف:
واايد إن شاءلله المواقف الحلوة اللي مريت فيها
بس اللي في بالي الحين ... يوم رحنا نخطب لأخوي موقف ماراح يتنسي

أطـــرررف موقف:
دشيت محل العاب .. فلقيت دبة على (( تويتي )) بإيد ياهل إعجبتني
فحاولت مع هالياهل بشتى الطرق إن يعطيني اياها
آخر شي جان ادزه وآخذها .. علم أمه كانت معاه .. جان تييني وقالتلي حبيبتي
الياهل اللي كان معاج ماخذ دبدوب ولدي اللي انتي ماسكته <== ماتدري إن الياهل
اللي كانت تقصده انا :p
أحـــرج موقف:
أول أمس رحنا نشتري لرمضان والجمعية كانت زحمة مو طبيعية * طاش ماطاش*
وماكان في عربانة ......... جان من بعيد شفنـا ريال عود عنده عربانتين وفاضين
وطبعا قطوها براسي قالولي روحي اخذي وحدة منه ... فرحتله وقعدت اخز العربانات
عاد شكله حس فيني جان يخلي وحدة يمشي عنها ... يعني تفضلي اخذيها :p
استحيت وقتها :$

أحــــزن موقف:

وفــــاة يدتي الله يرحمها كـانت شمعة بيتنا واللـه
توفت رمضان اللي طاف .. خبر جد ليلحين مو قادرة اشيله من راسي

[الحب اسرار]

لوووووول

والله يعينج

[AL_3aNeEeDaH]

بسكووووتة<<<<لووول والله وناسه ورفيجتج هذه صج فاصـــله موطبيعيه لووووووول الله يخليكم حق بعض ويكثر عليج المواقف المحرجه معاها :P

الحب اسرار<<<<لووووووووول أحـــلىىى موقف وداق على الشرطة بعد :p أحسن عشان ثاني مرة ماتروح القهاوي!!

عاشقة تويتي<<<فديــــــتج والله لوووووول عاد عندي شكثر العاب تويتي عطيتهم حق اختي الصغيرة,,تبينهم :p

مشكووووورين على مروووركم حبايبي والله قعدت اضحك من كل قلبي :)

[الحب اسرار]

يسلمووووو حبوبه علي الموضوع ^_^

[ملك مملكه الحب]

أحلــى موقف:

يوم السبت يوم توني شاري لأمي بيت لانها مطلقه وعايشه مع خوالي وشريت بيت لي انا وياها سعدتها يالبيت تسوى الدنياء ومافيها

أطـــرررف موقف:
رحت احاسب شاري اطياب من دبنهامز ويم فتشت محفظتي الا مافيها الاخمسه ريال واسعار الاطياب 1200 ريال عقبها طاح وجهي
أحـــرج موقف:
مرة صدمت واحد وتوة شاري سيارة جديدة وكاله وقمت انا ودعمت هو اهلة وقعد يدعون علي توهم فراحنيين فيها رايحن ياخذون مشاور بها وجبت العيد بها

أحــــزن موقف:
عندما رأيت لبنان تذهب والعرب لتهديد منطلق ورأيت الاطفال بكاء وعويل
واحزنني اكثر عندما توقفت الحرب وفي اليوم التالي بدأت المراقص والحنات بفتح ابوابها اهاذ شكر النعمه










الف شكر على الموضوع اختي روععععععععه

[AL_3aNeEeDaH]

يسلـــموووو اخوي سعوووودي
وانشــــــــــــالله دوم ترتاح وتستانس إنت والوالدة!!

شــــــــاكرتلك مشاركتــــــــــــك :)

[AL_3aNeEeDaH]

اوورااااد لول والله فشله اللــه يعينج :)
حاسه فيج بعد قلبي لان انا صار فيني هالموقف بالثانووويه وريلي تجبست لووول
مشكــوووورة على مرووورج حبيبتـــي

[ŋαŋ]

أحلــى موقف:


يوم أنولدت اختي الصغيرونه (( أخر العنقوود)) كان أحلى موقف مر علي ..

أطـــرررف موقف:


أطرف موقف مر علي قبل أمس كنا ببيت جدي أبو أبوي المهم وانا كذا قاعدين اللي جدي الله يطول بعمره قاعد ينزل من غرفته رآح ولد عمتي الصغير يمسك يده لأن جدي ما يشوف فخفنا يصير فيه شيء المهم لمآ نزل وخلص جا ولد عمتي ابو 14 سنه تقريبا يسلم عليه وأهو يسلم عليه قاله عبدالله <== أسمه والله أنك كبرت يا ولدي من ناوي تخطب .. وقعدنا كلنا نضحك على كلآمه ولد عمتي أستحي .. :p

وفيه بعد موقف ثاني كان بملكة خالتي
المهم كان فيه بوكية ورد كبيره بصاله وكنا أنا و ولد خالتي نتفرج عليها المهم أخذ وردهـ حمره وعطاني أياها
بعدين قالي هاذي وردة حبنا يا بنت خالتي خليها بقلبج لووول صج مينون :p طبعآ كان يتغشمر مو صج لأن كنا نعتبر بعض مثل الأخوان

أحـــرج موقف:


مره كنا كلنا مجتمعين ببيت خالتي خالآتي وعيالهم وكلنا المهم وأنا قاعده على الكنبه وخالتي جنبي وقدامي أمي وخالتي ولد خالتي وجدي

المهم جدي قاعد يناظرني و يخز وانا مستغربه شفيه جذي يطالعني
بعد فجأه قال انتي مو ناويه تتغطين عن هالولد اللي قدامك اللي بكمل 19 تقريبا وانتي ما تتغطين عنه

ساعتها حسيت أن الدنيآ تدور فيني وأنحرجت قدامهم كلهم ماعرفت شسوي
حتى ولد خالتي أنحرج من السالفه وانا من كثر ماني منحرجه بغيت أبكي

بس خالتي لحقت علي وقالت ما عليك من جدك ما يقصد شيء بكلآمه
ساعتها مسكت دمعتي

أحــــزن موقف:

أحزن موقف مر علي لمآ عرفت أن أقرب الناس ما يستاهل الثقه اللي عطيته أياهآ وطلع مو كفوؤ ..

وفيه بعد موقف ثاني لمآ توفى ولد عمتي قبل سنتين أو سنه تقريبا مادري كم بظبط
بس أذكر ذاك اليوم كان الحزن مالي البيت كله وكلهم يبجون وأنا مو مستوعبه السالفه

بس الحمدالله عمتي الحين ربي رزقها ببنيه بدال ولدها تشيل همهآ





.+. AL_3aNeEeDaH .+.

تسلمين قلبــي ع الموضوع الروعــــه ،،

[زادالــشــوق]

احلى موقف

مره رحت البنك بساهم وكان اخر يوم بالمساهمه

وكان قدامي حوالي 170 شخص وزحمه مره

وقلت اكيد راح تفوتني المساهمه

فجأه واحصل صديق اخووي شغال بنفس البنك

سلمت عليه وعطيته الاوراق وطلعت <<< وناسه


أطـــرررف موقف:

زمان رحت لسوق انا واثنين من اصحابي

عاد يمكن انتم عارفين سوق بالرياض ماتدخل الا معك العائله الكريمه

وكنت واقف على الباب الحارس مو راضي يدخلنا

وشوي فيه بنتين يمشون بيدخلون السوق

كلمناهم قلنا تدخلونا قالو اوكي

مشينا وراهم جينا عند الحارس قالت وحده مانعرفهم ههههههههه


.....................

اعذروني عن الباقي

[AL_3aNeEeDaH]

ريــم الشــووووق

زاد الشـــــــوووق

مشـــــــكووووريـــن حبايـــبي على المشــــارررركة :)

[حبي عذابي]

احلى موقف

يوم خطبة اعز بنت خاله عندي

اطرف موقف

يوم كنت بمصر بمجمع وانا امص حلاوه


احرج موقف


يوم كنت ببيت يدتي قاعده العب كره جان تنشق تنورتي من وره الحمدالله كنت لابسه بطرون تحت التنوره


واحزن موقف


يوم وفات اعز واغلى انسانه عندي بالدنيا كلهه يدتي اللي كانت بالمستشفى ولا فكرت ازورهه ادعولهه بالرحمه



واسفه طولت عليكم

[AL_3aNeEeDaH]

حبـــي عذابـــــي ..

مشكوووورة والله يرحم يدتـــج وتكون من اهل الجنه انشالله :)