بدون الكويت..عجائب الدنيا الثمانيه

[ميلاني]

قووه
هاذا اول موضوع لي بعد غيبه طويله
وكما عودكم ميلاني على مواضيع ذات المشاعر الانسانيه احم احم ابو الانسانيه
اليوم كاتب عن البدون اللي كان اسمهم اهل الباديه والكويت كلهم اهل باديه ولكم الفهم
ابيكم بس تشوفون شلون فرقو هالفئه عن الكويتيين مع انهم نصهم شهداء واسرى وقعدوا بالكويت
واللي حمىىى موكب الامير الراحل الشيج جابر الاحمد الصباح الله يرحمه
بس ابيكم تشوفون ليسن البدووووون
اول مره تشوفونه يمكن انا شفت صورته انصدمت
اقرو ولكم الموضوع والنقاش
ـــ




1 . اول شي بخصوص المسمى المشكلة ان مافيه شيء في العالم اسمه مقيم وفي نفس الوقت بصورة غير قانونية المقيم يعني عنده اقامة في البلد لأن كل بلدان العالم تتكون من مواطنين ومقيمين للي تنتهي اقامته ولم يقم بتجديدها يسمى مخالف لقانون الإقامة وليس مقيم بصورة غير قانونينة والي دخل البلاد بصورة غير شرعية يسمى متسلل ( الله يعافي المستشارين المصريين لازم يؤلفون لهم شي ).

2 . مكتوب رخصة سوق خاصة (مؤقته) وبنفس الوقت في تاريخ إصدار وتاريخ إنتهاء عيل شماله كلمه مؤقته !!

3 . حتى لغة عربية ما يعرفون , ما يفرقون بين التاء المربوطة و الهاء المربوطة مكتوب ( مؤقته ) والمفروض ( مؤقتة ) بالتاء المربوطة

4 . انا خابر الشخص الي مخالف القانون ( مقيم بصوره غير قانونية على قولتهم) يخالفونه مو يعطونه ليسن !! شسالفة ماني فاهم

5. بعرف شلون ترهم عسكري و مقيم بصورة غير قانونية ! يكلبج نفسه يعني والا شنوو .




وطنكييووش ام عيووش

[ولـــد الصليبيه]

اللي اعرفه ان شكل الليسن تغير

وخانة الجنسيه تركوها فاضيه يعني شالو // مقيم بصوره غير قانوني//

يعطيك العافيه خيو

: )

[ميلاني]

اللهي يعافيك
بصراحه اول مره اشوف ديره جذي
قوانينها اكثر من شعبها

يعطيك العافيه حبيب البي

[عازف السيمفونية]

منور يا أبو الإنسانيه .. ميلاني :)


الله يعين البدون على حالهم ، من جد يعانون وهذا الشي لا مانتمناه في منطقتنا ..

أنا ماني عارف وش هالإظطهاد اللي هم فيه ، مع إنهم عيال عمنا وأخواننا وأهلنا ..


عسى الله يفك عوقهم ..


شكراً ، ميلاني ..



ع ـــآزف

[ميلاني]

شفت شلون عازف
والله حيل مظلومين
والله ما يرضى على الظالم

مشكووور حبيب قلبي عالمرور ويعطيك الف عافيه

[*TanTosHa*]

الصراحه شي اول مره اسمع فيه
انا على بالي ما يعطونهم ليسن
مشكووور ميلااني
وماا قصرت ,,
^_*

[ميلاني]

اول شي شاكرلج عالمرور خيتو

ثانيا لا قبل ما يعطونهم الحين يعطونهم بس بهالصيغه اللي حاطها انا

ومشكوره خيتو عالمرور

[ع ـناديهـ]

مشكووور ميلاني ع هالموضوووع

وصرااحه البدون يكسروون الخاطر والله

: )

[Mr-F9la]

الله يعينهم ع حالهم !!

يسلمو ميلاني :)

[ميلاني]

مشكووووره عالمرور خيتو مس شيري
مو بس انتي تقولين الكل يقول جذي الله يعينهم

[ميلاني]

مستر فاصله شاكرلج عالمرور قلب

[عاشقــ تويتي ـة]

....

السلام عليكم


يا هلا وغلا ميلاني

الصراحة حالهم يبجي
بس ترى بدون الكويت وااايد حالتهم احسن وافضل من البدون
اللي بشتى انحاء العالم

ومابيدنا نسوي شي

والحكومة ابخص :)


شاكرتلك مشاركتك

منور المنتدى العام بطلتك


...

[[عمونئ]]

الله يعينهم والله على حالهم


مساكييين

مشكور على المووضوووع

شكلك تبي تحل مشكلة البدوون
ههههههههههههههههه

[SuL6aN]

يعطيك العافيه يالغااالي ميلااني ع الموضوع

ولكن هناك من يقول ان حال البدون في الكويت افضل من حالهم في كثير من بلدان العالم

ولكن للأسف .. لا نستطيع ان نقول إلا انهم (. . . . . ) فقط

في بريطانيا على سبيل المثال .. عندما يهاجر بدون من الكويت يستقبل كأنه مواطن بريطاني

ويعطىى اولا شقه وبطاقة مدنية وضمان صحي (العلاج مجااني) ويقدر يكمل دراسته الجامعيه بعد

وعلى حساب المملكة المتحدة

...

اهني عندنا العلاج بفلوس بطاقة مدنية تثبت وجودهم ماعندهم لا ومايقدر يكمل دارسته الجامعيه

إلا إذا كان عنده فلوس لازم يدرس علىى حسابه ...

السؤاال شلون الي بالكويت احسن ...!؟؟؟!

. . . . . . . .

يعطيك العافيه

الله يعينهم

....

همسه : اذا كان هناك من يستحق الجنسيه .. فـمن ضحىى بنفسه في سبيل الكويت

اولىىى من الي يغني ويرقص !!

[نـ ألعشره ـأكر]

يسلموووووووووووووووووووووو ميلانى على الموضوع