ياترى ليش

[أمير النحل]

ليش لي طلعوا ربع المعرس من الصاله تحلى روحة البنات حق الحمامات



- ليش صارت حفلات الاستقبالات عندنا على أي شي مو باقى إلا يسوون حق العزى بعد


- ليش لما نقعد بالحمام حشاكم نعد البورسلان اللي بالطوفه ماكو شغل صح !



- ليش لي صرت منتف وماكو بيزات تخترب السياره خرابات جايده

- ليش البنات اللي يسوقون رينج وديسكفري يلبسون ساعات كبيرة ويحطون إيدهم على الجام

- ليش ضباط العاصمة اللي توهم متخرجين يسوون تفاتيش على شارع الحب...لهالدرجه فيه مجرمين !



- ليش هالخبه اللي صارت حق بشار بالمطار واللي طلع الأول في الوطن العربي بحفظ القرآن كويتي محد عبره :(



- ليش هابين يدزون فايروسات من إيميلات غريبه واحنا ما نعرفهم ولايعرفونا



-ليش أغلب اللي يطلعون من الصالحية مو شارين شي.. معقولة مو عاجبهم شي هناك

- ليش أمريكا ماترجع قواتها لي حدود الكويت وتخلي العراق بكيفهم خوش كلام والله

- ليش المتحجبه لي يا الشتاء إلا تبي تلبس بوت وتنورة قصيره غصب غصب كوووول



- ليش البنات لي شافوا واحد ماشي مع زوجته قعدوا يقارنون بينهم من طلب رايكم !



- ليش كل واحد شراله تيلفون بوكاميرا ويصور أي شي ويسويله إيميل مليق ..ماكو شغل صح



- ليش مايصير العكس الشباب كروت إيزي والبنات فواتير عشان يحسون شوي ويجربون الرنة الوحدة .


- ليش بعض الشباب ما يستحون على دمهم ويخزخزون المره اللي ماشيه مع ريلها...طرطور اللي معاها .


- ليش مافي شي اسمه صداقه بين بنت وولد كله يبون حب وخرابيط واخر
شي فركش... وين اللي يتعظ !



- ليش الشباب يلحقون البنات لي بيوتهم وآخر شي يتوكل على الله
كفو ولد بلادي يخاف على بنت ديرته هههههه
- ليش اللي نحبه ما يبينه واللي مانحبه ميت علينا



- ليش البنات اللي يركبون ورى الشباب بالسياكل لبسهم من خان
الخليلي وزينه .


- ليش في بنتين هلاقه مرتزين في ممرات العلوم الادارية واهما مو
طالبات ومحد يعرفهم .. يمكن نقص



- ليش لما يصير في تنزيلات في فيلامودا البنات ما يتحجون ويروحون
بسكات.....نحاسه والله



- ليش الأصيلين يقولون ماناخذ بيسريه واخر شي ماخذله من بره
الديره .. لك تأبرني



- ليش لما نمسك مجلة ليالينا ندور الحلوين ونقرا أساميهم .



- ليش الأمهات بالعروس ماتخلي وحده ماتخطبها حق ولدها وولدها مايبي يتزوج....خنت حيلي

- ليش طلبة الجامعة يفتشلون يقولون إنهم ياخذون إعانة مع ان سموها مكافأة .


- ليش أمهات العبي هابين يطلعون البنطلون من فتحة العباية يعني
احنا coolخنت حيلي من الكبت



- ليش بالمسيلة المتينة تكشخ بالبكيني والعصلة والضعفية تستحي .. شنو هالثقة


- ليش كل ماتروحين توب شوب تلاقين بويه معاها وحده يايه تشتري لها أغراض



- ليش بعض الشباب يدشون الضاحيه يعني ساكن هناك وآخر شي كارف المطبة.. أكيد ساكن بالجليب


- ليش بعض البنات ! ! يحفظون أسامي ضباط الدوريات وزاماتهم بعد .. أبي اتزوج ضابط


- ليش الجنوس يغارون من البنات ولي شافوهم بره يعطونهم نظرات خايسه ... اي البنت شكو !

- ليش البنات يوم الملجة يدزون أخوانهم عشان يشوفون سيارة المعرس...بالله متسلفها شلون يعني ماكو زواج !

- ليش البنت إذا واحد يا يشوفها تشوف حشاكم نعاله من الرتاج ولا النصر الرياضي .. أعتقد إن عندهم إعتقاد إن مخه بنعاله

- ليش الدكاترة الشباب اليدد أول سنة الكشرة هالكبر وثاني سنة
تخاف تسأله لايطقك .

- ليش السنة لبس تخريج طلبة ضباط الشرطة جنهم اللي يصفطون السيارات بالشيراتون


- ليش البنت لي شرت تيلفون بوكاميرا تصور عمرها تقول عارضة أزياء ولي انباق تصيح وتقول صووووووري كلها فيه

- ليش البنات ما يبقى بكيني ما يشترونه حق المسيله وآخر شي حاطين لهم لوحة ممنوووووووع



- ليش السمر إلا تبي يصير لونها برونزي واهيا تعدت درجة البرونزي مايصير ياماما والله غصب اهوه


- ليش البنات العيايره لي شافوا بويات قعدوا يتحرشون فيهم.....يمه منكم صج عيايره اي خلوهم بحالهم ..

- ليش البويات طايحيله حديد في نادي الهلال الأحمر .. الظاهر يتزهبون حق العرض بالمسيله



- ليش لما يدشون الريايل مع المعرس يحط الدي جي أغاني ترقص والبنات يموتون قهر

- ليش الشباب يلبسون برموده وحشاكم نعال زنوبه حق الجامعه....داش حمام الحبيب

- ليش قناة الجزيرة تبكي على اللي حاصل بالعراق والطيارات
الأمريكيه تطير من عندهم... شهالنفاق


- ليش لي صارت محاضرت البنت بكيفان لبست اي شي وبالشويخ تكشخ على سنجت عشرة



- ليش اخر ورقه في كلينكس التعاون فيها خط أحمر وكلينكس الجمعيات خط بنفسجي...سبحان الله معجزه

- ليش مايسوون صالة خاصة حق المدخنين بالسينما عشان ياخذون راحتهم...اي كيفهم ان شاءالله يموتون بس نبي زقاير

- ليش البنت العصلة اللي مو قادره تمتن تقول انا جسمي جسم عارضات.. على خيرت الله

- ليش لي صار وقت المسيلة ماتلاقي بالسوق لا حنه ولا دم الغزال ولا جزر ولا شمندر .. أموووت عالخلطات

[ع ـناديهـ]

ل وووووووووووووووو لز

موضووعك رووووعه صرااحه

وصج ليش كل هذا ...


لا هنت يالغالي : ))

[حنان الشوق]

امير النحل ,,
تسلم اخوي ع المواقف الحلوة
بس انا عندي سؤال ؟؟؟
شنو معناه ((المسيله )) ؟؟ :)

يعطيك العافية اخوي ماقصرت ..

[عبـاس بن فرنـاس]

ليش مووضووعك حددددددددده عجيب

مشكووور ع الموووضووع الرووعه

اختي المسيله بحر بالكويت

[حنان الشوق]

شكراا عباس ع التوضيح :),,

[مدمن_بشار_الشطي]

هههههههههههههههههههههههه انا بذبحك امير النحل لووووووووووووووووووووووووووووووووووووووووووووووووو وووووووووووووووووووووووووووووووووووووووووووووووووو ووووووووووووووووووووووووووووووووووووووووووووو ووول

[عاشقــ تويتي ـة]

أمــــــــــــــــــير
لك وحشة والله
تسلم على هالموضوع الفكاهي ^_*

الله يعطيك العافية

[أمير النحل]

عاشقــ تويتي ـة
تسلمين وحرجتي تواضعنه والله انا اكثر

[أمير النحل]

مدمن_بشار_الشطي
تسلمين علة المرور

[أمير النحل]

حنان الشوق
لانه اغلب البويات حاليا وتجمعاتهم بالمسيله

[أمير النحل]

.+. miss cherry .+.
تسلمين والله يدوم الضحكه

[أمير النحل]

اللخ يدوم الضحكه يارب قلبي عبـاس بن فرنـاس

[kiwi]

لووووووولز
امير النحل
تسلم موضوع رائع
^_*