&@\ العميل السري يعتذر/@&

[العميل السري07]

السلام عليكم ورحمه الله وبركاته
.
.
ان الدنيا فيها الاخبار الساره وفيه ضدها
وكما تعلمون ان دوام الحال من المحال
ان اخوكم
العميل السري07
يعتذر منكم لعدم مقدرته على التواصل معكم اليوم وغدا
وذلك لظرف ألم به في ظهر هذا اليوم
وهو (انه صار له حادث) على طريق الملك فهد السريع
والحمد لله على كل حال
ولا سلمت الانفس ماعاد علينا من دمار الحديد
الاخ سيارته اندمر خشمها لاصدامه بالحاجز الاسمنتي اللي بين السايدات
وكذالك الجهه اليسرى من السياره حديث ان سيارته افترت فيه في نصف الشارع
وضرب بالحاجز الاسمنتي ومنها دعمته سياره اخرى على باب السايق الى باب الراكب الخلفي
فاحمدوا الله على سلامه اخوكم العميل السري 07
.
.
.
المبلغ/ اخوه الاصغر
تحياتي
.
.

[Ra7_al2aml]

مايشوف شر يالغالي

والحمدالله على سلامتك في الحديد ولا فيك

ان شاءالله تتحسن حالتك وترد لنا

يعطيك العافيه على التبليغ

[MiSs-GuCci]

الف الحمدلله على سلامته


وخطـآهـ السوء


الله يحفظه من كل شر


.
.

شكرا للتبليغـ

[بـوخـلي]

لا مايشوف شر العميل

والله يقومه بالسلامه ان شاء الله

وبالحديد ولا فيه

[كويتي قديم]

الحمدالله على السلامه خطاكم السو....في الحديد ولا في العبيد ...

ارب ان خوينا ما راخت اصابعه..؟؟ ان كانها راحت عز الله يا في بشر هنا بتعيد : )

انشاله ما تشوف شر ..والله يجعلها اكبر المصايب ويبعد عنا وعن كل المسلمين كل مكروه...

والموتر بداله الف موتر ..لكن الف رجال ما يجون بديل العميل السري...

الحمدالله على السلامة يا رب

[بوقلبين]

خطاك السو
والحديد فدوة يوم الله سلمك
ماتشوف شر ان شاء الله وترجع مشافا معافى

[*عاشقه الورد*]

الحمدالله على كل حال

الحمدالله ان في الحديد ولافيه

خطاااه السوو ... وما يشوف شر

وان شاء الله يرجع لنا معافى ومشافى

[حلاووووه]

ماتشوف شر

وفي الحديد ولا في العبيد

وننطر قومتـك بسلامه.. ورجعتـك

[عنوسه ^_~ ماتهاب]

خطاكم السو اخوي بس اي مكان الحادث

وشلون حاله العميل الحين اتمني انك توضح لنا اخوي

[Glamour girl]

ياالله ...

ماتشوف شر أخوي العميل .....

وكل شي يتعوض إن شاء الله .......

المهم أنك يالغالي ترجع لنا بالسلامه .....

[الـدلـع مبـتليـنـي]

مــــــا يشوف شر
وخطــــــاه الســـووو
تسلم على التبليــــــــغ

[ŋαŋ]

مايشوف شر أن شاءالله

الحمدالله على سلامته وخطاه السوء

يعطيك العافيه على تبليغنا

")

[العميل السري07]

سلام عليكم ورحمه الله وبركاته
تحيه طيبه وبعد...
اخوي الاصغر (اعرفك ادري انك نجم الوفا)مشكور على البلبله هذي كلها وترويع اخواني وخواتي الاعضاء
وانت نهيتك ولكن اللي براسك تسويه بس ماعليه الله كريم
وبعدين ليه كل هلبلبله انا واحد من عرض الناس اللي تصير لهم حوادث
والحمد لله انها جات في مخلوووووف في حديد وقلعته مادام سلمت .
.
.
اخوي راح الامل
يعطيك العافيه ولاهنت يا الغالي
والشر ما يجيك ان شاء الله
انا الحمد لله ما فيني شي سالم ولله الحمد
ولاهنت يا الغالي
.
.
قوتشيه
اختي الغاليه والعزيزه
الله يسلمج ويخليج ويحفظج يارب
الحمد لله على ما جا من الله
ولاهنتي يا غناتي
.
.
بوخلي بعد قلبي انت والله
الحمد لله انا طلعت سالم ومافيني شي
اكثر شي روعني بالحادث (الإيرباق) انفجر بوجهي وروعني :)
والحمد لله على كل حال
.
.
كويتي قديم
ان عمي وفخري
الله يسلمك يا طويل العمر ولاهنت يا الغالي
وابشرك اني باحسن حال
واصابعي ماعليها مافيها الا كل خير :)
والحمد لله انها جات في الحديد ذلوفه
والله يجعلها خاتمه الشر
ولاهنت يا الذيب
.
.
بوقلبين الاخ الصادق والنصوح
الشر ما يجيك يا الغالي
والحمد لله على ما جا من الله
ولاهنت يا الغلا
.
.

عاشقه الورد
لاهنتي يا اختي
وجعل الشر ما يجيش
والحمد لله رجعت لكم معافا ولله الحمد ماصابني مكروووه
وتسلمين يا الغاليه
.
.
حلاااوه اختي الغاليه
لاهنتي
وجعل الشر ما يجيش
والحمد لله انها بالحديد
وانا الحمد لله مافيني شي ورجعت لكم
واما سبب غيابي هليومين كله
بسبه المراجعات والتحقيقات والدوخه الراس
والله يجعلها خاتمه الشر
.
.
عنوسه ماتهاب
هلا بماما عنوسه
جعل السو ما يجيش
ولاهنتي
واما مكان الحادث ((على طريق الملك فهد تشوفيت دخله قصر بيان مقابلها على السايد اللي رايح اتجاه الاحمدي الساعه 1 ونص الظهر لا يروح بالج صوب راعي الفورد اللي احترق فيه لا مو انا الحمد لله واما شلون الحادث اظن اخوي نجم وظح لكم كل شي ))((انا لو الله فكني من اللي قدامي جان ما دعمت وكان قدرت اسيطر على السياره ولكن امر الله اذا قال له كن فيكون-- لاتقولي سواق او طاره والله لو انك بوبو ولا بو زقم داعم داعم)) والحمد لله على كل حال
واما عن حالتي الحمد لله كاني انا اللي ارد عليج ومافيني الا العافيه
ولاهنتي يا الغاليه
.
.
غلامور
هلا وغلا فيج
الله يسلمج ويخليج
والحمد لله اني سالم وانها في مخلوف
ولاهنتي
.
.
الدلع مبتليني
جعل السو ما يجيش
والحمد لله على كل حال
ولاهنتي
.
.
ريم الشوق يا الغلا
الله يسلمش من الشر
وجعل الشر ما يجيش
ولاهنتي يا الغاليه
.
.
((والسموحه منكم جميع جمعت الرد عليكم مره وحده لان التحميل عندي ضعيف حيل
ومن غلاتكم جميع جمعناكم ولاهنتوا جميعا))

[Na3ooma]

مـــــــــــــــــــــــايشوف شـــر انشالله ...


بالحديد ولا فيــــــــه والله ..

حمدلله على سلامته وانشالله يقوم بالسلامة يارب :)

[ع ـناديهـ]

سوري يالغالي توه شفت الخبر

بس الحمدالله ع سلامتك والحمدالله انها جت بالحديد : ))

وما تشوفون شر ياااارب : )