هل لقلمك أن يكتب لنا أيــام طفولتك !!

[[عمونئ]]

مرحبااااا شباب وصبايا

لكل منا أيام سعيدة و أيام حزينة، هناك أيام لا تنسى وستبقى خالدة في ذاكرتنا
وبعضنا لديه من الاحزان بحور ويتمنى أن لا يتذكره قط .
ساعات .. أوقات .. لحظات .. تمناها لو لم تكن موجودة أساسا.

كذلك طفولتنا ، فالبعض منا تمنى أن ترجع ولو للحظه واحدة
والبعض الأخر تمنى أن تمحى من ذاكرته تماما .

بعد هذه المقدمة البسيطه أردت أن نتعرف على طفولة كل واحد منا .
1. كيف كانت طفولتك ( نبذة عنها ) ؟
2.هل تتذكر تلك اللحظات لغاية الان ؟
3.هل عشت طفولتك في وطنك الأم . أم أن الغربه والظروف
شتتك عن حلاوة الطفولة في بلدك ؟
4.ماهو اجمل واحزن موقف مر بطفولتك ؟
5.ما هي اجمل هديه تلقيتها في طفولتك ؟
6.شنو اكثر لعبه كنت تحب تلعب فيها ؟ وافضل كارتون تحب تتابعه ؟
7.هل ستربي اولادك بنفس الطريقه اللي تربيت بها؟أتمنى أن يسرد كل منا قصة طفولته هنا لكي نتعرف سويا
على الجانب المفرح والجانب المر في حياة كل منا.



وهذي انواع الاطفال اعترف اي نوع فيهم انت !!!

الطفل البريء

في المنزل تجده حبوووب وطبيعي 100 %

لكن مع دخوله المدرسة .. ( تنمحي ) شخصيته ..

فتكثر الاصابات في وجهه .. لأنه مايدافع عن نفسه ..



الطفل العنيد

يطبق نظام البيت بالع** .. يسوي اللي براسه ..

مايخاف من الأب أو الأم .. لو قلت له هذا خطر لاتقربه .. عناد فيك يسويه ..

يُــضرب كثيراً في طفولته .. ومع ذلك عنيد مايغير رايه ..



الطفل الحنّـان

يستخدم وسيلة الحنة لتلبية رغباته

له نغمه خاصه في المنزل ..

تلبى رغباته كـُرهاً .. يعانون اهله من الصداع المستمر ..



الطفل المادي
هذا الطفل مايرد السلام الا ( بفلوس ) ..

تعامله مع اهل المنزل .. مادي بحت ..

يستخدمونه لتوصيل طلبات المنزل .. ونقل السوالف.. وكل شي بحسابه ..



الطفل الفتّــان

تجد عند هذا النوع جميع اخبار المنزل ..

يجد المتعه في اذلال غيره بالفتنه عليه .. ماله خاتمه ..

هذا الطفل حتى لو شريت سكوته بفلوس ..

توقع تلقى اخبارك ثاني يوم في الصفحه الرئيسية .. في الجريدة الرسمية ..



الطفل الدلوع

هذا دلوع ماما وبابا .. يكرهونه باقي الاطفال لانه مرفه وشايف نفسه عليهم..

تلبى رغباته قبل ليطلبها .. شخصيته اتكاليه جداً ..



الطفل العله

يزعجك بأسئلته الي ماتنتهي .. يستفسر من كل شي .. حتى لو عطست ..

قالك شلون عطست .. وليش عطست .. وشلون تكونت العطسه ..

يحرجك احياناً .. ويمكن دائماً بأسئلته .. مره تجاوب عليه ومره تسفهه ..

واكثر الاوقات ماتلقى اجابه لاسئلته .. لانك في الحقيقه تجهلها ..



الطفل الداج

هذا الطفل مستحيل يجلس في المنزل ..


يعيش في الشارع اكثر من بيته .. خبره ودليل في كل ممر وطريق ..


يعرف طول الشارع بالسنتيمتر .. من الممكن ان يصبح اذا كبر مهندس طرق ..



الطفل الملسون

يستانسون اهله على سوالفه .. فصيح جداً ..

ويلقط العبارات والمفردات بسرعة مذهله ..

يسبب احراج دائم لأهله .. من الممكن ان يقول كلمة بالغلط للضيوف او الاقارب ..

يتميز احياناً بقلة الذووق والوقاحة اذا انفعل ..

لاينصح بأستفزازه ابداً ..



الطفل اللزقه

تلقاه مسنتر عند باب البيت .. محد يطلع الا وهو لازق معاه ..

حتى الضيوف من الممكن تلقاه يلزق فيهم ويطلع معاهم ..

يـُـضرب كثيراً .. وخاصه من اخوانه اللي اكبر منه .. او خواته ..

لانه عباره عن رادار على طلعاتهم ..

احياناً يضطرون يطلعون من نافذة المنزل للهروب منه ..

ولكن للأسف يجدونه بانتظارهم في السيارة ..ويسألهم ليش تأخرتوا عليّ ..



الطفل الهادي

هذا الطفل ماله صوت ابد .. وين ماتحطه تلقاه ..

احياناً يهملونه اهله .. لانهم ناسينه ..

واحياناً يلقى اهتمام زائد من اهله ..

لو يموت من الجوع ماتكلم ..

في كثير من الاحيان تلقى اهله ناسينه بالسوق او عند الاقارب اثناء الزيارات ..



الطفل القوي
اهله دائماً في احراج و مشاكل مع الناس ..

هرمون الاجرام مرتفع بنسبة عالية في جسمه ..

في كل جبهة طفل في ( منطقتهم ) تلقى له أثر وتوقيع ..

يمثل القائد والفتوه .. يهابونه الاطفال ..

يتقرب منه الكبار ويتوددون له حفاظاً على سلامة اطفالهم ..


منقوووول

[مينونه صاحيـه]

1. كيف كانت طفولتك ( نبذة عنها ) ؟

مزعجه ... عنيده .. مرحه ..


2.هل تتذكر تلك اللحظات لغاية الان ؟

نعم (:
3.هل عشت طفولتك في وطنك الأم . أم أن الغربه والظروف
شتتك عن حلاوة الطفولة في بلدك ؟

نعم في وطن النهار يالكويت :p
4.ماهو اجمل واحزن موقف مر بطفولتك ؟

اجمل شي لما حذفت اختي الكبيره من فووق السطح ( بس لاتخافون السطح مو مرفوع حيل يعني بس انكسرت ريالها ) .... واحزن موقف لما امي طقتني عشان حذفتها ( ومراح انسى الطقه هذي مدى حياتي ان طقيت طااااااااق )
5.ما هي اجمل هديه تلقيتها في طفولتك ؟

كعب امي الاحمر عزك الله فلعني فيه اخوي هذي احلى هديه على مااعتقد (:
6.شنو اكثر لعبه كنت تحب تلعب فيها ؟ وافضل كارتون تحب تتابعه ؟

الباربي ... ولعبه المطبخ ... افضل كارتون هااااااااايدي ... فلووونه ... السنافر واعيال عمهم الشناكل (:7.هل ستربي اولادك بنفس الطريقه اللي تربيت بها؟

اي ويمكن احسن بعد ...


-------------------------------

الطفل العنيد

يطبق نظام البيت بالع** .. يسوي اللي براسه ..

مايخاف من الأب أو الأم .. لو قلت له هذا خطر لاتقربه .. عناد فيك يسويه ..

يُــضرب كثيراً في طفولته .. ومع ذلك عنيد مايغير رايه ..


--------------------------------------

الطفل الملسون

يستانسون اهله على سوالفه .. فصيح جداً ..

ويلقط العبارات والمفردات بسرعة مذهله ..

يسبب احراج دائم لأهله .. من الممكن ان يقول كلمة بالغلط للضيوف او الاقارب ..

يتميز احياناً بقلة الذووق والوقاحة اذا انفعل ..

لاينصح بأستفزازه ابداً ..

---------------------------------------------

يسلمووو خيووو عالموضوع الحلووو ..

والاسئله الاروووع ..

وبنتظار يديدك ..

ودمت بود ..

مينونه ميشوو

[hadi_pwc]

4.ماهو اجمل واحزن موقف مر بطفولتك ؟

اجمل شي لما حذفت اختي الكبيره من فووق السطح ( بس لاتخافون السطح مو مرفوع حيل يعني بس انكسرت ريالها ) .... واحزن موقف لما امي طقتني عشان حذفتها ( ومراح انسى الطقه هذي مدى حياتي ان طقيت طااااااااق )


انا الحين تاكادت من انك مينونه

[مينونه صاحيـه]

لوووووووووووووووووووولز ويهد انزين قول حق الولد مشكور عالموضوع ..

[hadi_pwc]

من كثر شوقى لك رديت بسرعه

مشكور على اثبات الميانين وين مكانهم

تسلم على الموضوع

[ŋαŋ]

1. كيف كانت طفولتك ( نبذة عنها ) ؟

حلوة كانت بريئه بشكل كبير

2.هل تتذكر تلك اللحظات لغاية الان ؟

بعض منها .. بس أكثر شيء أتذكره لما سافرنا سوريا
وأول درس سباحه تعلمته من بابا وكان وسط البحر :)

3.هل عشت طفولتك في وطنك الأم . أم أن الغربه والظروف
شتتك عن حلاوة الطفولة في بلدك ؟

لا عشتها ببلدي

4.ماهو اجمل واحزن موقف مر بطفولتك ؟

أجمل موقف .. عنه كل شريط عني وأنا صغيره .. لآزم يجبون طاري ولد خالتي لووووول كنت أحبه لأني تربيت معه وأول ما يطرون طاريه أفرح :p
أما أحزن موقف .. أذكر لما جا بابا يسافر امريكا قبل لا نسافر وراه .. صحت صياح في المطار و أنا أحضنه :)

5.ما هي اجمل هديه تلقيتها في طفولتك ؟

أممممممم مجموعه دبب من بابا و للحين عندي بعضهآ و محتفظه فيهآ ^_^

6.شنو اكثر لعبه كنت تحب تلعب فيها ؟ وافضل كارتون تحب تتابعه ؟

الدبب و الباربيات .. :) .. أما أحلىى أفلام كرتون .. أفلام كان أسمه سنان أظن ^_^

7.هل ستربي اولادك بنفس الطريقه اللي تربيت بها؟

أن شاءالله .. وأحسن بعد :)


الطفل البريء

في المنزل تجده حبوووب وطبيعي 100 %

لكن مع دخوله المدرسة .. ( تنمحي ) شخصيته ..

فتكثر الاصابات في وجهه .. لأنه مايدافع عن نفسه

<< هاذي أنا لووووووووول .. :p بس طبعاً من غير أصابات :D

تسلم حمني موضوع حلو وخفيف

:)

[عزتي في شموخي]

الطفل العله

يزعجك بأسئلته الي ماتنتهي .. يستفسر من كل شي .. حتى لو عطست ..

قالك شلون عطست .. وليش عطست .. وشلون تكونت العطسه ..

يحرجك احياناً .. ويمكن دائماً بأسئلته .. مره تجاوب عليه ومره تسفهه ..

واكثر الاوقات ماتلقى اجابه لاسئلته .. لانك في الحقيقه تجهلها ..




موضوع بريء..

هذا النوع جد عله"




لكَ شُكر على نقل هذا الموضوع..

وأجل التحايا لشخصك الكريم..

للتالــي متنظرين..

[s.r.k]

. كيف كانت طفولتك ( نبذة عنها ) ؟

الله يسلمك اهية وايد حلوة . و شوي مو حلوة ..
الحلو فيها اني كنت بجر امي و ابوي لوول أحلى شي هذا .. و كانو مستانسين فيني حييل و حتى يدي الله يرحمة و كلهم عمامي و خصوصا عمي اصغر واحد .. و المو حلو انة بس انا بنت وحيدة ماكو بعدي بنت :crying: كلا صبيان .. و صج كنت أغار من أخووي غيرة مو طبيعية من و احنا صغار و كلا هواش مع انة اصغر مني بسنة .. بس اهوة طيب حدة بس انا بنت كنت شيطانة ألعوزة و كلة أبي الاهتمام فيني ... أنانيةلوووول .. لانة كان ايني احساس انة امي تحب الصبيان اكثر لووووووووول .. طالتفكير قبل :icon_wink:

2.هل تتذكر تلك اللحظات لغاية الان ؟

اي و الله ساعات لمن اقعد بروحي اتذكر و افكر بذيج الايام الحلوة :)

3.هل عشت طفولتك في وطنك الأم . أم أن الغربه والظروف
شتتك عن حلاوة الطفولة في بلدك ؟

في وطني الام الكويت :icon_wink:
4.ماهو اجمل واحزن موقف مر بطفولتك ؟

اممممممم أحزن موقف واايد بس في موقف افشلت منة و بجيت بعد ..لوول
كنا مسافرين و كان عمري وقتها 8 سنين يمكن و كنت بالاصنصير و زحمة كان و انا مادري لمن دخلنا الاصنصير كنت قاعدة اسلم على وحدة برا و ايدة طالة او جنة كنت قاعد احط ايدي العب ما اذكر بالضبط شنو كنت قاعدة اسوي المهم انة انصك على ايدي الاصنصير .. جان امي تزفني جدامهم داخل لوول و طقتني لوووول و كل ما اتذكر اقولهة ليش طقيتيني تقول علشان كنت خايفة عليج .. بعدجبدي:icon_wink:

و موقف ثاني انة واحد من اهل ابووي لمن كنت صغيرة عظني عظة تعوووور على خدودي و الله للحين اتذكرها لوول الله يذكره بالخير و شكثر بجيت وقتها :)

5.ما هي اجمل هديه تلقيتها في طفولتك ؟

من اخووي اللي اصغر مني بسنة كان بثانية روضة و انا بأولى ابتدائي و مسوين لهم مثل يوم مفتوح امي عطتة فلووس علشان يشتري اذا بغى شي رد البيت و لا امي تسالة شنو شريتلك .. و لا شاريلي لعبة حقي مواعين صحون ماصحون ايام قبل لعبنا .. و اهوة بس مآآكل في الباجي

6.شنو اكثر لعبه كنت تحب تلعب فيها ؟ وافضل كارتون تحب تتابعه ؟

اكثر لعبة و الله الطبخ و المواعين البلاستيك . غراآآآآمي وايد هالاشياء .. سبحان الله صج الوراثة تلعب دوور و كلا أحب العب برووي اني اكون الام و عندي عيال او البنت .. و هكذا غرامي هالالعاب كانت و الباربي ماباربي هالسوالف بعد

و افضل كارتون اممممممم ماروكو كنت انطر متى يحطونة و ولامرة حفظ مواعيدة و على ايام سبيس تون .. و كنت اطالع قبل برنامج كيف و ليش على
LBC شخبااااري و كنت اطالع افلام هندية .. بالقناة الثالثة و الرابعة

7.هل ستربي اولادك بنفس الطريقه اللي تربيت بها؟

ان شاء الله ... بس بصحح شغلة .. وحدة .. :)


انا قبل جذي :
الطفل البريء

في المنزل تجده حبوووب وطبيعي 100 %

لكن مع دخوله المدرسة .. ( تنمحي ) شخصيته ..

فتكثر الاصابات في وجهه .. لأنه مايدافع عن نفسه ..

بس اصابات مو بويهي بقلبي أخييي و الله عذاآب

بس تغيرت اشوة



يسلموووووو اخوووووي عالموضوع الحلو وايد

يعطيك الف عافية

و ماتقصر
سي يو :icon_wink:

و سامحونا عالبدليات الموضوع طويل و مالي خلق اقعد اعدل لوول

[[عمونئ]]

ميينونه صاحيه
يعطيج العافيه على المشاركه : وخووش مووقف

واشكرج على مرورج لصفحتي المتواضعه

[[عمونئ]]

hadi_pwc

شكرا على المروور

[[عمونئ]]

ريـــم الــشووق


يعطيج العافيه على المشاركه

وشكرا لمرورج لصفحتي ..

[[عمونئ]]

صاايعه محترمه


يعطيج العافيه على المشاركه

وشكرا لمرورج لصفحتي ..

[[عمونئ]]

s.r.k


يعطيج العافيه على المشاركه

وشكرا لمرورج لصفحتي ..

[قطوه برونزيه]

1- كنت هاديه ومنطويه
2-موكلها البعض منها
3-لا بالعكس
4-ابتعاد عمي عني
5-باربي كبيره
6-باربي واحلى كرتون سالي وجميله والوحش
7-لا طبعا راح يكونون غير حيل

وشكرا على اسئلتك الرائعه واللي تذكر الواحد بطفولته

[بنت فضل]

1. كيف كانت طفولتك ( نبذة عنها ) ؟
بسيطة جدا وكنت شيطانه بس بخفة دم2.هل تتذكر تلك اللحظات لغاية الان ؟
نعم وأتذكر الكثير منها3.هل عشت طفولتك في وطنك الأم . أم أن الغربه والظروف
شتتك عن حلاوة الطفولة في بلدك ؟
لا في وطني الام ((مملكة البحرين ))
4.ماهو اجمل واحزن موقف مر بطفولتك ؟
وفاة والدي الله يرحمه
5.ما هي اجمل هديه تلقيتها في طفولتك ؟
لعبة مثل باربي أو شبيه لباربي 6.شنو اكثر لعبه كنت تحب تلعب فيها ؟ وافضل كارتون تحب تتابعه ؟
كنت العب بالالعاب (( التركيبات ،، وافضل كارتون كان سنان وفلونه ولوسي ))7.هل ستربي اولادك بنفس الطريقه اللي تربيت بها؟

نعم وبكل تأكيد


تحياتي على الموضوع الحلو والاستجواب الاحل

تقبل تحياتي


بنت فضل ؛؛؛