-|[ واو ]|-

[شوفو شموخي]

إبتلينا في زمننا هذا والله المستعان بداء كبير وفتاك وهو مايسمى (الواسطه)
- حين التقدم للجامعه لابد من واسطه وإلا الله يخلف عليك
- مسابقات الوظائف - المرور- الجوازات - الخطوط السعوديه-
تقريبا معظم الجهات وكذلك حتى البنوك وغيرذلك كثير
حتى اننا إذا عزمنا على امر او عمل قبل اي شئ نبحث عن الواسطه قبل اي شئ
ماهذا؟
حتى بائع الخبز إذا اردت ان تحصل على ( قرص تميس) يقدم من يعرفه قبلك
أصبحت مقولات كثيره عن الواسطه ومن لم يكن لديه واسطه ماذا يفعل؟
قاتل الله الواسطه كم قتلت من حق واحيت باطل
كم من صاحب حق ضاع حقه بسبب الواو وكم من متطفل اخذ حق غيره؟
وياخوفي بعد ذلك حتى السلام عليكم لابد فيها من الواسطه
المعذره مع سلامي للجميع

[Q8_N]

الواسطه موجوده .. بس مو بكل شي يعني في شغلات محدده تتطلب الواسطه مثل بالمرور وغيره

والواسطه سببها ان في بعض الشغلات ما تمشي فــ تجيب واسطه وتمشيها .. مو انك تقدم دورك..

وبعدين الاغلبيه يستعمل الواو

شكرا عالموضوع ...

[ALz3L]

اشكرج من صميم قلبي على الموضوع الجميل



ولاكن يا اختي لم اتصور انه يوم من الايام يذكر الموضوع هذا ومعه شي غير صحيح


انتي تقولين في ناس ضاعة حقوقهم بسبب الواسطه؟؟؟؟؟؟


هل الواسطه تتعده القدر واللي مكتوب للانسان؟ بمعنه اوضح يعني تكون الوضيفه مكتوبه على جبين الانسان وسوفه ياخذها ولا احد غيره ياخذها

والواسطه تغير مجرى اللي مكتوب؟. يعني تتعده ماذكره الله من رزق وحياه يعيشها الانسان؟


يا اختي انا ولله مو حافض الحديث للرسول صلى الله عليه وسلم ولاكن بقوله بوضوح والمفهوم منه والله واعلم لكي لا ارتكب اثم ان شاءالله


كان الرسول صلى الله عليه وسلم في سفر ومعه غلام واوصاه بحديث الرسول صلى اللع عليه وسلم

بمعناه والله واعلم

لو اجتمعة الامه على ان يضروك بشيء واهو مو مكتوب لك بالضرر لان يضروك

وان اجتمعو الامه على ان ينفعوك بشي واهو مو مكتوب لك لان ينفعك


واوصاه الكثير من الامور


فيعني من الوصيه اللي ذكرتها لو واسطتج البشر كلها عل ان تدخلين للجامعه ولاكن الله كاتب ماتدخلين ماتدخلين لو شنو يصير


لا ننكر وجود سبب لرزق فلان او ضرر فلان ولاكن القدر والمكتوب له حق اكبر ولو تصل اللقمه لفمك وهي ليسة لك لان تاكلها مهما صار



تقبلي مروري اتاسف على الاطاله


دمتي لنا سالمه ان شاءالله من كل شر يارب


فمان الله

[غزالـه]

الوااسطا صارت روتين لبعض الناااس للأسف
يسلمووو عالموضووع

[شوفو شموخي]

مشكور اخوي

[شوفو شموخي]

قطوه ورديه


يسعدني مرورك

[شوفو شموخي]

اخوي عبد العزيز

كلنا مسلمين وارجو انه نكون مؤمنين ومن اركان الايمان انك تؤمن بالقدر خيره وشره مااختلفنا


لكن المكتوب شي وانك تاخذ حق غيرك بالقوه والنفوذ شي ثاني



لما بنت تتخرج بمجموع 97 وماتنقبل ليه


لان مافي مكان شاغر وليه مافي مكان لان بنت البطره اللي جايبه 55 خذت مكانها !!!




نفس الشي في الوظيفه اذا تعرف احد ضمنت وظيفتك واذا لا مع السلامه هذا مو ظلم



لما الشاب يقطع اشاره او يفحط ماتهمه المخالفه لانه ربعه في المرور يسقطونها عنه هذا العدل!!




لما تروح المستشفى وتنتظر بالساعات ويدخل واحد قبلك توه جاي ماتنقهر!!!



ولما ولما ولما,,,,,,,,,,,,,,,,,,,




هذا اسمه فساد اخوي مو مكتوب


مايرضى الانسان فيه ويقول مكتوب ولا اعبر شارع مليان سيارات واقول اذا مت مكتوب



فيه شي اسمه الاخذ بالاسباب ((اعقلها وتوكل))


اسعى ياعبدي وانا اسعى معاك))



الواسطه مرض خبيث فتك في بلادنا والله تعبنا من المحسوبيات


كلنا اولاد حواء وادم


والمفروض كل شخص ياخذ اللي يستحقه من تعبه مو لانه ولد فلان او علان




احترم رايك اخوي بس اذا انت شخصيا ماانضريت من هالموضوع غيرك كثير حسو بالظلم والقهر بسببه



كل الشكر لك

[*TanTosHa*]

للاسف ..

الواسطه قاعده تفرق بين المجتمع ..

يعني مثل ما ذكرتي الي عنده واسطه يمشي حاله والي ما عنده الله يعينه ..!

المفروض الدولة تمنع الواسطاتــ ..

لانه في كثير ناس انظلمو منها ..

يعطيجــ العافيه على الطرح
ومشكورة وما قصــرتي ..

^_^

[شوفو شموخي]

مشكوره تنتوشه حياتي

[HoNeY RoSe]

تــم فتــح الموضوع

^_^